Makeup Blunders: മേക്കപ്പ് ചെയ്യുമ്പോൾ ശ്രദ്ധിക്കേണ്ട പ്രധാനമായ കാര്യങ്ങൾ പരിശോധിക്കാം
മേക്കപ്പ് ഉപയോഗിക്കാത്തവർ ചുരുക്കമായിരിക്കും. സൗന്ദര്യം കൂട്ടാനും ആത്മവിശ്വാസം വർധിപ്പിക്കാനും തുടങ്ങി നിരവധി കാരണങ്ങൾ ഇതിനു പിന്നിലുണ്ട്. എന്നാൽ, ഇത് ശരിയായ രീതിയിൽ ഉപയോഗിച്ചില്ലെങ്കിൽ ചർമത്തെ ദോഷകരമായി ബാധിക്കാനുള്ള സാധ്യതയുണ്ട്.
മേക്കപ്പ് നീക്കം ചെയ്യുക: രാത്രി ഉറങ്ങുമ്പോൾ മേക്കപ്പ് നീക്കം ചെയ്യാൻ മറക്കരുത്. ഇത് ചർമത്തെ മോശമായി ബാധിക്കും. മേക്കപ്പ് റിമൂവർ ഉപയോഗിച്ചോ അല്ലെങ്കിൽ ഫേസ് വാഷ് ഉപയോഗിച്ചോ രാത്രി തന്നെ മേക്കപ്പ് നീക്കം ചെയ്യണം. അല്ലാത്തപക്ഷം മുഖക്കുരു, കല എന്നിവ വരൻ കാരണമാകും.
ഫേസ് വാഷ്: വെള്ളവും സോപ്പും ഉപയോഗിച്ച് മുഖം കഴുകുന്നത് ചർമ്മത്തിൻ്റെ സ്വാഭാവിക ആസിഡിനെ നശിപ്പിക്കുന്നു. ദിവസത്തിൽ രണ്ടുതവണയിൽ കൂടുതൽ മുഖം കഴുകുന്നത് ഒഴിവാക്കുക. ഇത് നിങ്ങളുടെ ചർമ്മത്തെ ബാക്ടീരിയ ആക്രമണത്തിലേക്ക് നയിക്കും, അതിൻ്റെ ഫലമായി മുഖക്കുരുവും ഉണ്ടാകാം.
ഉൽപന്നങ്ങളുടെ നിലവാരം ഉറപ്പാക്കുക: വിശ്വസനീയമായ ബ്രാൻഡുകൾ ഉപയോഗിക്കാൻ ശ്രദ്ധിക്കുക. കൂടാതെ ചര്‍മത്തിനു ദോഷം ചെയ്യുന്ന കൃത്രിമ ഉൽപന്നങ്ങൾ ഉപയോഗിക്കാതിരിക്കുക. ഇത്തരം ഉത്പന്നങ്ങളുടെ കാലാവധി പരിശോധിച്ച ശേഷം മാത്രം വാങ്ങുക.
സ്കിൻ ടൈപ്പ് അറിഞ്ഞിരിക്കാം: മേക്കപ്പ് ഉപയോഗിക്കുന്നതിനു മുൻപ് ആദ്യം നിങ്ങളുടെ സ്കിൻ ടൈപ്പ് ഏതാണെന്ന് അറിഞ്ഞിരിക്കണം.
ബ്രഷുകളും ബ്യൂട്ടി ബ്ലെൻഡറുകളും വൃത്തിയാക്കുക: എത്രയൊക്കെ മികച്ച ഉത്പന്നങ്ങൾ വാങ്ങിയാലും ചർമം വൃത്തിയായി സൂക്ഷിച്ചാലും, നിങ്ങൾ ഉപയോഗിക്കുന്ന ബ്രഷുകളും ബ്യൂട്ടി ബ്ലെൻഡറുകളും വൃത്തിയാക്കി സൂക്ഷിച്ചില്ലെങ്കിൽ വിപരീതഫലം ചെയ്യും. മാസത്തിൽ 4 തവണയെങ്കിലും ഇവ കഴുകി വൃത്തിയാക്കാൻ ശ്രദ്ധിക്കുക. കഴുകി നന്നായി ഉണക്കിയതിനു ശേഷം മാത്രം വീണ്ടും ഉപയോഗിക്കുക.
