ലോകം കണ്ട ഏറ്റവും പ്രഗത്ഭനായ വ്യക്തിയായിരുന്നു ആചാര്യനായ ചാണക്യൻ. അദ്ദേഹത്തിന്റെ ചിന്തകൾ ഇന്നും സമൂഹത്തിന് ഏറെ ഉപകാരപ്രദമാണ്.
ചാണക്യനീതിയില്‍ ഭാര്യാഭര്‍തൃ ബന്ധത്തെപ്പറ്റി നിരവധി കാര്യങ്ങള്‍ പറയുന്നുണ്ട്. ദാമ്പത്യ ജീവിതത്തില്‍ ഈ കാര്യങ്ങള്‍ പിന്തുടരുകയാണെങ്കില്‍, നിങ്ങളുടെ ദാമ്പത്യ ജീവിതം സന്തോഷം കൊണ്ട് നിറയുക മാത്രമല്ല, ബന്ധം ശക്തമായി നിലനില്‍ക്കുകയും ചെയ്യും.
ഭാര്യയെ എങ്ങനെ സന്തോഷിപ്പിക്കാമെന്നാണ് പല ഭര്‍ത്താക്കന്‍മാരുടെയും ചിന്ത. എന്നാല്‍ ഇനി വിഷമിക്കേണ്ട കാര്യമില്ല, ഭാര്യയെ സന്തോഷിപ്പിക്കാന്‍ ചാണക്യന്‍ പറയുന്ന ചില കാര്യങ്ങൾ ഇതാ...
പല പുരുഷന്മാര്‍ക്കും ഭാര്യമാരുടെ മേല്‍ തങ്ങളുടെ ഇഷ്ടങ്ങൾ അടിച്ചേൽപ്പിക്കുന്ന ശീലമുണ്ട്. എന്നാല്‍ സ്ത്രീകള്‍ ഇത്തരം അടിച്ചേല്‍പിക്കലുകള്‍ ആഗ്രഹിക്കുന്നില്ല. അതിനാല്‍, ഭാര്യയുടെ ഇഷ്ടങ്ങള്‍ക്കും നിങ്ങള്‍ വില കല്‍പിക്കുക. അവരുടെ സ്വാതന്ത്ര്യത്തെ ഹനിക്കാതിരിക്കുക.
ചാണക്യനീതി പ്രകാരം ഏത് ബന്ധത്തിലും ബഹുമാനം വളരെ പ്രധാനമാണ്. ഭാര്യയെ ബഹുമാനിക്കുന്ന ഭര്‍ത്താവിനെ സ്ത്രീകള്‍ ഇഷ്ടപ്പെടുന്നു. അതിനാല്‍ ദാമ്പത്യ ജീവിതം സന്തോഷകരമായി നിലനിര്‍ത്താൻ ഭാര്യയും ഭര്‍ത്താവും പരസ്പരം ബഹുമാനിക്കണം.
ദാമ്പത്യ ജീവിതത്തില്‍ വിശ്വാസ്യത വളരെ പ്രാധാന്യം അര്‍ഹിക്കുന്നു.വിശ്വാസത്തില്‍ ചെറിയ വിള്ളലുണ്ടായാല്‍ പോലും, ബന്ധം തകരും. അതിനാല്‍ എല്ലാ സാഹചര്യങ്ങളിലും ഭാര്യയും ഭര്‍ത്താവും പരസ്പരം വിശ്വാസം നിലനിര്‍ത്തണം.
ചാണക്യനീതി അനുസരിച്ച്, സ്ത്രീകള്‍ സുരക്ഷിതരാണെന്ന് തോന്നുന്ന പുരുഷന്മാരോടൊപ്പം കഴിയാനാണ് ഇഷ്ടപ്പെടുന്നത്. അതിനാൽ ഭാര്യയുടെ സംതൃപ്തിക്ക് വേണ്ടി അവള്‍ സുരക്ഷിതയാണ് എന്ന തോന്നല്‍ ഭര്‍ത്താവ് വളര്‍ത്തിയെടുക്കേണ്ടത് വളരെ പ്രധാനമാണ്.
തന്റെ ബന്ധം കൂടുതല്‍ കാലം നിലനില്‍ക്കണമെന്നും ഭാര്യ സന്തോഷവാനായിരിക്കണമെന്നും ആഗ്രഹിക്കുന്ന ഭര്‍ത്താക്കന്‍മാര്‍ തീര്‍ച്ചയായും അവരുടെ ഈഗോ മാറ്റിവെക്കുക.
സന്തോഷകരമായ ദാമ്പത്യ ജീവിതത്തിന് മാനസിക സമാധാനം വളരെ പ്രധാനമാണ്. എങ്കില്‍ മാത്രമേ ഭാര്യാഭര്‍ത്താക്കന്മാര്‍ക്കിടയില്‍ ഐക്യം ഉണ്ടാകൂ.
ജീവിതത്തിലെ പ്രശ്നങ്ങളെ ഭാര്യാഭര്‍ത്താക്കന്മാര്‍ ഒരുമിച്ച് നേരിടണമെന്ന് ചാണക്യന്‍ പറയുന്നു. ഇതിലൂടെ നിങ്ങളുടെ ബന്ധം എല്ലാ സാഹചര്യങ്ങളിലും ശക്തമായി നിലനില്‍ക്കുകയും ചെയ്യുന്നു.
