ചൈത്രമാസത്തിലെ പൗർണമിയിലാണ് ഹനുമാൻ ജയന്തി ആഘോഷിക്കുന്നത്. ഏപ്രിൽ 23ന് പുലർച്ചെ 3.25ന് ആരംഭിച്ച് ഏപ്രിൽ 24ന് രാവിലെ 5.18ന് അവസാനിക്കും.
ഹനുമാൻ ജയന്തി ദിനത്തിൽ ചില വസ്തുക്കൾ വീട്ടിലേക്ക് കൊണ്ടുവരുന്നത് ഭാഗ്യം നൽകുമെന്ന് വിശ്വസിക്കുന്നു.
ഹനുമാൻ സ്വാമിയുടെ വിഗ്രഹം ഹനുമാൻ ജയന്തി ദിനത്തിൽ വീട്ടിലേക്ക് വാങ്ങുന്നത് ഐശ്വര്യം കൊണ്ടുവരും. ഇരിക്കുന്നതോ നിൽക്കുന്നതോ ആയ രീതിയിലുള്ള വിഗ്രഹമോ ചിത്രമോ വീട്ടിൽ വയ്ക്കാം.
ഹനുമാൻ സ്വാമിയുടെ പ്രിയപ്പെട്ട വസ്തുവാണ് സിന്ദൂരം. ഹനുമാൻ ജയന്തിയിൽ സിന്ദൂരം വാങ്ങി വീട്ടിൽ കൊണ്ടുവരുന്നത് ഐശ്വര്യമായി കണക്കാക്കുന്നു.
ഹനുമാൻ സ്വാമിയുടെ പ്രിയപ്പെട്ട നിറമാണ് ചുവപ്പ്. ഹനുമാൻ ജയന്തി ദിനത്തിൽ ചുവപ്പ് നിറത്തിലുള്ള വസ്തുക്കൾ വീട്ടിൽ കൊണ്ടുവരുന്നത് ഐശ്വര്യം നൽകും.
ഹനുമാൻ ജയന്തി ദിനത്തിൽ പതാക വാങ്ങുകയോ വീട്ടിൽ തന്നെ നിർമിക്കുകയോ ചെയ്യുന്നത് ഹുമാൻ സ്വാമിയുടെ അനുഗ്രഹം ലഭിക്കാൻ ഇടയാക്കും. ഇത് വീട്ടിലെ നെഗറ്റീവ് എനർജി ഇല്ലാതാക്കാൻ സഹായിക്കും.
മധുരപലഹാരങ്ങളും ചെറുപയർ ലഡുവും തയ്യാറാക്കി ഹനുമാൻ ജയന്തി ദിനത്തിൽ ഹനുമാൻ സ്വാമിക്ക് സമർപ്പിക്കണം. ഇത് ഹനുമാൻ സ്വാമിയുടെ അനുഗ്രഹങ്ങൾ ലഭിക്കാൻ ഇടയാക്കും.
