Dark Neck: കഴുത്തിലെ കറുപ്പ് നിറം നിങ്ങളെ അസ്വസ്ഥരാക്കുന്നുണ്ടോ? ഇതാ ചില നുറുങ്ങുവിദ്യകൾ

1 /6

കറ്റാർവാഴ ജെൽ എടുത്ത് കഴുത്തിൽ നന്നായി തേച്ചു പിടിപ്പിക്കുക. 10 മിനിറ്റുകൾക്കുശേഷം കഴുകി കളയാം. ദിവസവും ഇങ്ങനെ ചെയ്യുന്നത് കഴുത്തിലെ കറുപ്പു നിറം കുറയാൻ സഹായിക്കും.

2 /6

2 ടേബിൾ സ്പൂണ്‍ ബേക്കിങ് സോഡയിൽ ആവശ്യത്തിനു വെള്ളം ചേർത്ത് കുഴമ്പു രൂപത്തിലാക്കുക. ഇത് കഴുത്തിൽ പുരട്ടി ഉണങ്ങിയശേഷം വിരലുകൾ കൊണ്ടു സ്ക്രബ് ചെയ്യാം. ശേഷം വെള്ളം കൊണ്ടു കഴുകി വൃത്തിയാക്കിയശേഷം ഏതെങ്കിലും മോയിസ്ച്വറൈസർ പുരട്ടുക.   

3 /6

ഒരു ഉരുളകിഴങ്ങെടുത്ത് മുറിച്ച് കഷ്ണങ്ങളാക്കി അതിന്റെ നീര് പിഴിഞ്ഞെടുക്കുക. ഇത് കഴുത്തിൽ പുരട്ടി, ഉണങ്ങിയ ശേഷം ഇളംചൂട് വെള്ളത്തിൽ കഴുകി കളയുക. ദിവസവും രണ്ടു നേരം ഇങ്ങനെ ചെയ്യാം.  

4 /6

അര സ്പൂൺ തൈരെടുത്ത് അതിൽ കാൽ സ്പൂൺ മഞ്ഞൾ ചേർക്കുക. ഇത് മിക്സ് ചെയ്ത് കുഴമ്പുരൂപത്തിലാക്കി കഴുത്തില്‍ പുരട്ടി 15 മിനിറ്റിനുശേഷം ഇളം ചൂടുവെള്ളത്തിൽ കഴുകി കളയുക.   

5 /6

ഒരു ടീസ്പൂൺ ബദാം പൊടിച്ചതും തേനും പാലും കൂടി ചേർത്ത് കട്ടിയുള്ള കുഴമ്പ് പരുവത്തിൽ ആക്കുക. ഇത് കഴുത്തിന്റെ വശങ്ങളിലും പുറകിലുമായി തേച്ചുപിടിപ്പിച്ച് അര മണിക്കൂർ വച്ചതിനുശേഷം കഴുകിക്കളയുക. ബദാം എണ്ണ ഉപയോഗിച്ച് കഴുത്തിന് ചുറ്റും മസ്സാജ് ചെയ്യുന്നതും നല്ലത്.  

6 /6

വട്ടത്തിൽ അരിഞ്ഞ വെള്ളരിക്ക ഉപയോഗിച്ച് കഴുത്തിൽ ഉരസുകയോ, വെള്ളരിക്ക നീര് കഴുത്തിൽ തേച്ച് പിടിപ്പിക്കുകയോ ചെയ്യാം. 10 മിനിറ്റ് ഇത് വെച്ച ശേഷം തണുത്ത വെള്ളത്തിലോ പനിനീർ വെള്ളത്തിലോ കഴുകി കളയാം. (Disclaimer: ഈ വാർത്ത പൊതുവായ വിവരങ്ങളെ അടിസ്ഥാനമാക്കിയുള്ളതാണ്.  ഒരു മെഡിക്കൽ വിദഗ്ധന്റെ ഉപദേശത്തിന് പകരമല്ല.)