കുട വയറാണോ പ്രശ്നം? ഈ സൂപ്പർ ഫ്രൂട്ട്സ് ഒന്ന് പരീക്ഷിച്ച് നോക്കാം...
വിറ്റാമിൻ സി ധാരാളമായി അടങ്ങിയിട്ടുള്ള കിവി പഴങ്ങൾ ശരീരഭാരം കുറയ്ക്കാൻ സഹായിക്കുന്നവയാണ്. ഇവ അരക്കെട്ടിന് ചുറ്റുമുള്ള കൊഴുപ്പ് കുറയ്ക്കുന്നു.
ആപ്പിളിൽ ധാരാളം നാരുകൾ അടങ്ങിയിരിക്കുന്നു. ഇതിലെ ഫോളിഫിനോളുകള്‍ ഫാറ്റ് മെറ്റബോളിസത്തെ സഹായിക്കുന്നു. ഇവ ശരീരത്തില്‍ പ്രത്യേകിച്ച് വയറിന് ചുറ്റും കൊഴുപ്പ് അടിഞ്ഞ് കൂടുന്നത് തടയുന്നു.
ഓറഞ്ച് കഴിയ്ക്കുന്നത് ശരീരത്തിലെ കൊഴുപ്പും വയറ്റിലെ കൊഴുപ്പും കുറയ്ക്കാന്‍ സഹായിക്കുന്നു. ഇതിലെ നാച്വറല്‍ മധുരം വിശപ്പു കുറയ്ക്കാനും മധുരത്തോടുള്ള ആസക്തി കുറയ്ക്കാനും സഹായിക്കുന്ന ഘടകമാണ്.
പഴവും വയറ്റിലെ കൊഴുപ്പ് കുറയ്ക്കാൻ സഹായിക്കും. ഇവയില്‍ റെസിസ്റ്റന്റ് സ്റ്റാര്‍ച്ച് അടങ്ങിയിട്ടുണ്ട്. ഇത് വിശപ്പ് കുറയ്ക്കും. അതുപോലെ പഴത്തിലുള്ള പൊട്ടാസ്യം ശരീരത്തില്‍ വെള്ളം കെട്ടിക്കിടക്കുന്നത് തടയുന്നു.
വയര്‍ കുറയ്ക്കാന്‍ സഹായിക്കുന്ന മറ്റൊന്നാണ് ചെറുനാരങ്ങ. ഇതില്‍ ധാരാളം വൈറ്റമിന്‍ സി അടങ്ങിയിട്ടുണ്ട്. ഇത് തടി കുറയ്ക്കാനും ദഹനം മെച്ചപ്പെടുത്താനും സഹായിക്കുന്നു.
തണ്ണിമത്തൻ തടിയും വയറും കുറയ്ക്കാന്‍ നല്ലതാണ്. ഇതിലെ അമിനോ ആസിഡുകള്‍, സിട്രുലിന്‍ എന്നിവയെല്ലാം ശരീരത്തില്‍ കൊഴുപ്പ് അടിഞ്ഞ് കൂടുന്നത് തടയാന്‍ സഹായിക്കുന്ന ഘടകങ്ങളാണ്.
ശരീരത്തിലെ അധിക കൊഴുപ്പ് കുറയ്ക്കാൻ പേരക്ക സഹായിക്കും. അതു കൊണ്ട് തന്നെ ഇവ ഡയറ്റിൽ ഉൾപ്പെടുത്താം.
ഈ വാർത്ത പൊതുവായ വിവരങ്ങളെ അടിസ്ഥാനമാക്കിയുള്ളതാണ്. ഒരു മെഡിക്കൽ വിദഗ്ധന്റെ ഉപദേശത്തിന് പകരമല്ല.