കുടവയർ ഇന്ന് പലർക്കും ഒരു വില്ലനായി മാറുന്നുണ്ട്. വിവിധ ആരോഗ്യ പ്രശ്നങ്ങൾ ഇതുമൂലം ഉണ്ടാകുന്നുണ്ട്. വയർ കുറയ്ക്കാൻ ഈ പച്ചക്കറികൾ ഒന്ന് ഡയറ്റിൽ ഉൾപ്പെടുത്തി നോക്കൂ...
ചീര പോലുള്ള ഇലക്കറികൾ ഡയറ്റിൽ ഉൾപ്പെടുത്തുന്നത് വയർ കുറയ്ക്കാൻ സഹായിക്കും. ഏറെ പോഷകപ്രദമാണ് ഇവ.
രക്തത്തിലെ ഗ്ലൂക്കോസ് അളവ് നിയന്ത്രിച്ച് ശരീരഭാരം നിയന്ത്രിക്കാൻ കൂൺ അഥവാ മഷ്റൂമിന് സാധിക്കും. പ്രോട്ടീൻ സമ്പുഷ്ടമാണ് കൂൺ. മെറ്റബോളിസം മെച്ചപ്പെടുത്താനും ഇത് സഹായിക്കും.
ശരീരത്തിലെ കൊഴുപ്പ് കുറയ്ക്കാൻ സഹായിക്കുന്ന ഫൈറ്റോകെമിക്കലുകൾ ബ്രൊക്കോളിയിൽ അടങ്ങിയിട്ടുണ്ട്.
മുളക് കഴിക്കുന്നതിലൂടെയുണ്ടാകുന്ന ചൂട് കൂടുതൽ കലോറി ഉപയോഗപ്പെടുത്താനും ശരീരത്തിലെ കൊഴുപ്പിന്റെ പാളികൾ ഓക്സിഡൈസ് ചെയ്യാൻ സഹായിക്കും.
കലോറി കുറഞ്ഞതും ഫൈബർ കൂടിയതുമായ പച്ചക്കറിയാണ് മത്തങ്ങ. വയർ കുറയ്ക്കാൻ ആഗ്രഹിക്കുന്നവർക്ക് മത്തങ്ങൾ ഡയറ്റിൽ ഉൾപ്പെടുത്താവുന്നതാണ്.
ഇവിടെ നൽകിയിരിക്കുന്ന വിവരങ്ങൾ വീട്ടുവൈദ്യങ്ങളും പൊതുവായ വിവരങ്ങളും അടിസ്ഥാനമാക്കിയുള്ളതാണ്. അത് സ്വീകരിക്കുന്നതിന് മുമ്പ് വൈദ്യോപദേശം തേടുക