സിനിമ പ്രേമികളുടെ ഏറ്റവും ഇഷ്ടപ്പെട്ട ജോണറുകളിൽ ഒന്നാണ് ത്രില്ലറുകൾ. സസ്പെൻസ്, മിസ്റ്ററി, ക്രൈം എന്നിവ ചേർന്ന് വരുമ്പോൾ പ്രേക്ഷകരെ ആകാംക്ഷയുടെ മുൾമുനയിൽ ഈ സിനിമകൾ ഇരുത്തുന്നു. ഹോട്സ്റ്റാറിൽ സ്ട്രീം ചെയ്യുന്ന ചില കിടിലൻ മലയാളം ത്രില്ലർ ചിത്രങ്ങൾ നമ്മുക്ക് നോക്കാം.
ജിത്തു ജോസഫ് സംവിധാനം ചെയ്ത മോഹൻലാൽ ചിത്രമാണ് 12ത്ത് മാൻ. 11 സുഹൃത്തുകൾ ഒരു റിസോ‌ർട്ടിൽ ഒത്തുകൂടുന്നതും അവിടെ ഒരു കൊലപാതകം നടക്കുകയും പിന്നീടുണ്ടാകുന്ന സംഭവവികാസങ്ങളുമാണ് ഈ ചിത്രം.
ജിത്തു ജോസഫ് പൃഥ്വിരാജിനെ നായകനാക്കി സംവിധാനം ചെയ്ത ത്രില്ലറാണ് മെമ്മറീസ്. കുടംബത്തിലുണ്ടായ ദുരന്തം മൂലം മദ്യപാനിയായി മാറിയ സാം അലക്‌സ് എന്ന പോലീസ് ഉദ്യോഗസ്ഥൻ ഒരു കൊലപാതക പരമ്പര അന്വേഷിക്കാനായി എത്തുന്നതാണ് മെമ്മറീസ് എന്ന ചിത്രം.
മോഹൻലാലിനെ നായകനാക്കി ജിത്തു ജോസഫ് സംവിധാനം ചെയ്ത ചിത്രമാണ് നേര്. അന്ധയായ പെൺകുട്ടിയുടെ ജീവിതത്തിലുണ്ടായ ഒരു ആഘാതത്തിന് ശേഷം അവൾ അതിനെ നിയമപരമായി നേരിടുന്നു. അവളുടെ കേസ് ഒരു മുൻ അഭിഭാഷകൻ ഏറ്റെടുക്കുന്നു.
ഫഹദ് ഫാസിലിനെ നായകനാക്കി വിവേക് സംവിധാനം ചെയ്ത അതിരനിൽ മനശാസ്ത്രജ്ഞനായ ഡോ. നായർ കേരളത്തിലെ ഒരു വിദൂര സ്ഥലത്ത് സ്ഥിതി ചെയ്യുന്ന ഒരു മാനസിക അഭയകേന്ദ്രത്തിൽ എത്തുകയും നിത്യ എന്ന രോഗിയെ കണ്ടുമുട്ടുകയും ചെയ്യുന്നു. പിന്നീട് അവിടുണ്ടാകുന്ന സംഭവങ്ങളാണ് അതിരൻ.
മിഥുൻ മാനുവൽ തോമസ് സംവിധാനം ചെയ്ത ജയറാം ചിത്രമാണ് എബ്രഹാം ഒസ്ലെർ. എസിപി എബ്രഹാം ഓസ്‌ലർ ദുരൂഹമായ പരിഹരിക്കപ്പെടാത്ത ഒരു കേസ് അന്വേഷിക്കാൻ തുടങ്ങുകയും ഒരു സീരിയൽ കില്ലറിനെ കണ്ടെത്താൻ ശ്രമിക്കുന്നതുമാണ് ഈ ചിത്രം.
മോഹൻലാലിനെ നായകനാക്കി പ്രിയദർശൻ സംവിധാനം ചെയ്ത ചിത്രമാണ് ഒപ്പം. താൻ തടവിലാക്കിയ ഒരു കുറ്റവാളിയിൽ നിന്ന് തൻ്റെ മകളെ സംരക്ഷിക്കാൻ വിരമിച്ച ഒരു ജഡ്ജി ശ്രമിക്കുന്നു. അയാൾ കൊല്ലപ്പെടുമ്പോൾ, അയാളുടെ വിശ്വസ്തനായ അന്ധനായ ഒരാൾ മകളെ സംരക്ഷിക്കാൻ ശ്രമിക്കുന്നതാണ് ഈ ചിത്രം.