ദുബായ്: വ്യവസായ മേഖലയിലെ വിദഗ്ധർക്ക് EIU-AIMRI ഡോക്ടറേറ്റുകൾ നൽകി ആദരിച്ചു. യൂറോപ്യൻ ഇന്റർനാഷണൽ യൂണിവേഴ്സിറ്റിയുമായി (EIU) സഹകരിച്ച് ഏരീസ് ഇന്റർനാഷണൽ മാരിടൈം റിസർച്ച് ഇൻസ്റ്റിറ്റ്യൂട്ട് (AIMRI) സംഘടിപ്പിച്ച ചടങ്ങിലാണ് ഇവരെ ആദരിച്ചത്. ഏരീസ് ഗ്രൂപ്പ് ഓഫ് കമ്പനീസ് സ്ഥാപക ചെയർമാൻ സർ സോഹൻ റോയ് ആണ് AIMRIയുടെയും സ്ഥാപകൻ. വ്യവസായ മേഖലയിൽ വിപ്ലവകരമായ സംഭാവനകൾ സമ്മാനിച്ച വ്യക്തിത്വങ്ങളെയാണ് ചടങ്ങിൽ ആദരിച്ചത്. യു.എ.ഇ , യു. കെ, സൗദി അറേബ്യ, ഖത്തർ, പോർച്ചുഗൽ, ഇന്ത്യ തുടങ്ങി വിവിധ രാജ്യങ്ങളിൽ നിന്നുള്ള പ്രഗൽഭരെ ചടങ്ങിൽ ആദരിച്ചു.
ഫൂട്ട് വെയർ വ്യവസായവുമായി ബന്ധപ്പെട്ട് റീബോക്കിന്റെ സഹസ്ഥാപകനായ ജോസഫ് വില്യം, സിന്തൈറ്റ് ഇൻഡസ്ട്രീസ് ലിമിറ്റഡിന്റെ എക്സിക്യൂട്ടീവ് ചെയർമാൻ ഡോ. വിജു ജേക്കബ്, നാഷണൽ മാരിടൈം അക്കാദമിയുടെ മാനേജിംഗ് ഡയറക്ടർ ക്യാപ്റ്റൻ തുർക്കി അൽ ഷെഹ്രി എന്നിവർക്കാണ് ഹോണററി ഡോക്ടറേറ്റ് നൽകി ആദരിച്ചത്. 40 ജീവചരിത്രങ്ങൾ ഒരേ ദിവസം പ്രകാശിക്കപ്പെട്ടുവെന്ന അപൂർവ്വ നേട്ടത്തിനും ചടങ്ങ് സാക്ഷിയായി.
ഈ പ്രകാശന ചടങ്ങിനെ അറേബ്യൻ വേൾഡ് റെക്കോർഡ്‌സും യൂണിവേഴ്‌സൽ റെക്കോർഡ്‌സ് ഫോറവും ഔദ്യോഗികമായി അംഗീകരിച്ചു. ബിസിനസ്സ് ഗേറ്റ് പ്രസിഡന്റും ഫൗണ്ടറും, ക്രൗൺ സെനറ്റർ ഹെർ എക്സലൻസി ലൈല റഹ്ഹൽ എൽ അത്ഫാനി, യുഎഇയിലെ ഉക്രൈനിയൻ ബിസിനസ് കൗൺസിൽ പ്രസിഡന്റ് ഒലീന ഷൈറോക്കോവ, ബ്യൂറോ വെരിറ്റാസിലെ ഡെപ്യൂട്ടി കൺട്രി ചീഫ് എക്സിക്യൂട്ടീവ് ടാൻസൽ CULCU, എന്നിവർ ചടങ്ങിൽ മുഖ്യാതിഥികളായി.
ഹോണററി ഡോക്ടറേറ്റുകൾക്ക് പുറമേ പ്രൊഫഷണലുകൾക്ക് അവരുടെ വൈദഗ്ധ്യത്തിനും നേതൃത്വത്തിനും അംഗീകാരമായി പ്രൊഫഷണൽ ഡോക്ടറേറ്റ് നൽകിയും ആദരിച്ചു.
ക്രൗ മാക് ഗസാലിയുടെ സ്ഥാപകനും മാനേജിംഗ് പാർട്ണറുമായ ഡേവിസ് കല്ലൂക്കരൻ, ഇന്റർനാഷണൽ മാരിടൈം ഇൻഡസ്ട്രീസ് (ഐഎംഐ) ജനറൽ കൗൺസിലും സെക്രട്ടറി ജനറലുമായ ബ്രൂണോ ബോക്വിംപാനി ഏരിയൽ, NEOM ന്റെ മറൈൻ പ്രോജക്ട്സ് മാനേജരും ആക്ടിംഗ് പ്രോജക്ട്സ് ഡയറക്ടറുമായ ഗൊരിദ മന ജെ അൽയാമി, അൽ ജാസിറ തകാഫുളിന്റെ മാനേജിംഗ് ഡയറക്ടർ സാഗർ നാദിർഷാ തുടങ്ങിയവർക്കാണ് പ്രൊഫഷണൽ ഡോക്ടറേറ്റ് ലഭിച്ചത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
