పిల్లలు ఎంతో ఇష్టంగా తినేది.. అలానే వారి ఆరోగ్యానికి ఎంతో మంచిదైనా మల్టీ గ్రెయిన్ లడ్డు.. తయారీ విధానం మీకోసం
ముందుగా స్టవ్ మీద కళాయి పెట్టి ఒక కప్పు రాగులు, ఒక కప్పు గోధుమలు, ఒక కప్పు ఓట్స్, ఒక కప్పు మొక్కజొన్న, ఒక కప్పు శనగపప్పు వేయించి తీసి పక్కన పెట్టుకోండి.
వీటన్నిటినీ కలిపి మిక్సీలో వేసి బాగా మెత్తగా గ్రైండ్ చేసుకొని ఒక గిన్నెలో తీసి పెట్టుకోండి.
ఇప్పుడు స్టవ్ పైన కళాయి పెట్టి మూడు కప్పుల బెల్లం వేసి గ్లాసుడు నీరు పోయండి.
అది పాకంగా అయ్యే వరకు ఉడికించి స్టవ్ ఆఫ్ చేయండి. ఇప్పుడు ఈ పాకాన్ని మల్టీ గ్రెయిన్ పొడిలో వేయండి.
ఆ తరువాత ఒక స్పూన్ యాలకుల పొడి వేసి బాగా కలపండి. మీకు సరిపడా నెయ్యిని కూడా వేసి బాగా కలపండి.
ఇక ఒక కప్పు డ్రై ఫ్రూట్స్ మిక్సీలో వేసి కచ్చాపచ్చాగా రుబ్బుకోండి.
ఈ డ్రై ఫ్రూట్స్ మిశ్రమాన్ని కూడా మల్టీ గ్రెయిన్ పొడిలో వేసి చేత్తోనే కలుపుకోండి.
అంటే ఎంతో రుచికరమైన.. ఆరోగ్యవంతమైన.. మల్టీ గ్రెయిన్ లడ్డు సిద్ధం