అధిక ప్రోటీన్.. ఫైబర్ కంటెంట్ ఉన్న ఫుడ్స్ తినడం ద్వారా మనం బరువుని అదుపులో పెట్టుకోవచ్చు
అందుకే జొన్నతో చేసిన టిఫిన్ తినడం వల్ల మీ ఎనర్జీ లెవల్స్‌ కొనసాగడమే కాకుండా బరువు కూడా తగ్గుతారు.
మరి అలా బరువుని తగ్గించే జొన్న ఉప్మా తయారీ విధానం ఒకసారి చూద్దాం.
ఈ ఉప్మా తయారీ కోసం ముందుగా జొన్నలను కడిగి రాత్రి మొత్తం నానపెట్టుకోండి
ఒక ప్రెషర్ కుక్కర్ తీసుకొని అందులో కప్పు నీరు, చిటికెడు పసుపు, నానబెట్టిన జొన్నలు వేసి మూడు విజిల్స్ వచ్చేవరకు ఉడికించాలి.
ఇప్పుడు స్టవ్ పైన పాన్ పట్టుకొని నూనె వేసుకొని.. ఆవాలు, జీలకర్ర, మినపపప్పు వేయించాలి.
ఆ తరువాత అల్లం తురుము, మిర్చి, ఉల్లిపాయ ముక్కలు వేసి వేయించాలి, ఆపై క్యారెట్ లాంటి కూరగాయ ముక్కలు వేసి వేయించాలి.
రుచికి తగినంత ఉప్పు వేసి కలిపిన తరువాత ఉడికించిన జొన్నలు వేసి 2 నిమిషాలు వేయించాలి.
అంతే వేడివేడిగా జొన్న ఉప్మా రెడీ. కావాలంటే చివరిగా నిమ్మరసం, కొత్తిమీర వేసుకుంటే మరింత రుచిగా ఉంటుంది