200 રૂપિયે વેચાયા બાદ 5 રૂપિયા પ્રતિ કિલોના ભાવે વેચાઈ રહ્યા છે ટામેટાં, પાક નિષ્ફળ જવાનું કારણ શું?

Tomato Price Crash: એક મહિના પહેલા સુધી 200 થી 300 રૂપિયા પ્રતિ કિલોના ભાવે વેચાતા ટામેટા ફરી એકવાર ઘટીને 3 થી 5 રૂપિયા પ્રતિ કિલો થઈ ગયા છે. મીડિયા રિપોર્ટ્સ અનુસાર જ્યારે ટામેટાંના ભાવ આસમાને પહોંચ્યા ત્યારે ટામેટાં ઉગાડનારા ઘણા ખેડૂતો રાતોરાત કરોડપતિ બની ગયા. પરંતુ ટામેટાના ભાવ ઘટવાને કારણે ફરી એકવાર ખેડૂતોની હાલત કફોડી બની છે. મહારાષ્ટ્રમાં, ખેડૂતોને તેમના પાકને છોડી દેવા અથવા તેનો નાશ કરવાની ફરજ પડી રહી છે કારણ કે એક મહિનાની અંદર ભાવ 200 રૂપિયાથી ઘટીને 3-5 રૂપિયા પ્રતિ કિલો થઈ ગયા છે.

ખેડૂતો પાકને નજીવા ભાવે વેચવા માટે બન્યા મજબૂર
ટામેટાંના બમ્પર ઉત્પાદન બાદ ફરી એકવાર તેના ભાવમાં ભારે ઘટાડો જોવા મળી રહ્યો છે. આ ઘટતા ભાવને જોતા ખેડૂતો ટામેટા અને ડુંગળી માટે MSPની માંગ કરી રહ્યા છે. એક અંદાજ મુજબ એક એકર જમીનમાં ટામેટાનો પાક ઉગાડવા માટે લગભગ 2 લાખ રૂપિયાની જરૂર પડે છે. પરંતુ હવે ભાવમાં ઘટાડો થતાં ખેડૂતોને તેમના પાકને નજીવા ભાવે વેચવાની ફરજ પડી છે.

ટામેટાના ભાવ ઘટીને રૂ.5 પ્રતિ કિલો થયા 
પુણેમાં પણ ટામેટાના ભાવ ઘટીને 5 રૂપિયા પ્રતિ કિલો થઈ ગયા છે. નાશિકના પિંપલગાંવ, નાસિક અને લાસલગાંવના જથ્થાબંધ બજારોમાં 20 કિલો કેરેટ ટામેટાંનો ભાવ ઘટીને 90 રૂપિયા થઈ ગયો છે. છ અઠવાડિયા પહેલા સુધી, સમાન કેરેટની સરેરાશ કિંમત રૂ. 2,000 હતી. કોલ્હાપુરમાં પણ ટામેટાના ભાવ પ્રતિ કિલો 2-3 રૂપિયા સુધી પહોંચી ગયા છે. જથ્થાબંધ બજારમાં ઘટાડા બાદ ખેડૂતોએ ટામેટાની ખેતી છોડી દેવાનું શરૂ કર્યું છે.

મહિલાઓમાં કેલ્શિયમની ઉણપથી થઇ શકે છે આ ગંભીર બિમારી, આજે જ થઇ જાવ સતર્ક
Ascorbic Acid ની ઉણપથી વધશે શરદી-ખાંસીનો ખતરો, Immunity બૂસ્ટ કરવા માટે ખાવ આ 5 ફૂડસ
સિંધવ મીઠું ખાવાથી દૂર થશે આ બીમારીઓ, ભૂલી જશો સફેદ મીઠું

દરરોજ 2 લાખ કેરેટ ટામેટાંની હરાજી
મહારાષ્ટ્રના સૌથી મોટા જથ્થાબંધ ટમેટાના બજાર પિંપલગાંવ APMC ખાતે દરરોજ લગભગ 2 લાખ કેરેટ ટામેટાંની હરાજી કરવામાં આવે છે. રાજ્યના કૃષિ વિભાગ પાસેથી પ્રાપ્ત માહિતી અનુસાર, નાસિકમાં ટામેટાંનો સરેરાશ વિસ્તાર લગભગ 17,000 હેક્ટર છે. તેમાં 6 લાખ મેટ્રિક ટન ટામેટાંનું ઉત્પાદન થાય છે. આ વર્ષે ટામેટાંનું વાવેતર બમણું વધીને 35,000 હેક્ટર થયું છે, જેનું ઉત્પાદન લગભગ 12.17 લાખ મેટ્રિક ટન છે.

કેમ ભાવમાં આવ્યો આટલો મોટો ઘટાડો?
ટામેટાંના બમ્પર ઉત્પાદન બાદ ભાવમાં ધરખમ ઘટાડો જોવા મળી રહ્યો છે. જુલાઈ મહિનામાં પુણેના નારાયણગાંવ માર્કેટમાં ટામેટાંના જથ્થાબંધ ભાવ કેરેટ દીઠ રૂ. 3,200 સુધી પહોંચી ગયા હતા. આ પછી ખેડૂતોએ સારા નફાની આશાએ ટામેટાંની બમ્પર ખેતી શરૂ કરી. પરંતુ હવે ઉત્પાદનમાં વધારાને કારણે તેના દરો ફરી ઘટી રહ્યા છે. કેટલાક ખેડૂતોએ તેમનો આખો ટમેટાના પાકનો નાશ કર્યો છે. જોકે 100 કેરેટ પાકની લણણી અને તેને બજારમાં પહોંચાડવાનો ખર્ચ લગભગ 8,500 રૂપિયા છે. આવી સ્થિતિમાં ટામેટાંનો નાશ કરવાને બદલે તેને બજારમાં લઈ જવામાં વધુ ખર્ચ થાય છે.