5 દિવસમાં આ 4 શેરોમાં રોકાણ કરનારાઓ બાંધી દેશે બંગલા, હજુ પણ તગડી કમાણીનો ચાન્સ!

Stock Market Latest Update: છેલ્લા પાંચ ટ્રેડિંગ સેશનમાં રોકાણકારોને જે શેરોએ સારું વળતર આપ્યું છે તેમાં એન્જિનિયર્સ ઇન્ડિયા લિમિટેડ, અશોક લેલેન્ડ, IRCON અને ભારત ઇલેક્ટ્રોનિક્સ લિમિટેડના નામનો સમાવેશ થાય છે. આ ચારેય શેરોએ પાંચ દિવસમાં 23 ટકા સુધીનું વળતર આપ્યું છે. આવક અને માર્કેટ કેપની દ્રષ્ટિએ, આ તમામ કંપનીઓ શેરબજારમાં મહત્વપૂર્ણ સ્થાન ધરાવે છે. ઘણા બ્રોકરેજ હાઉસે ગયા અઠવાડિયે રોકાણકારોને આ શેરમાં નાણાં રોકવાની સલાહ આપી જેઓને ચાંદી જ ચાંદી થઈ ગઈ છે. 

એન્જિનિયર્સ ઇન્ડિયા-
એન્જિનિયર્સ ઇન્ડિયા લિમિટેડના શેરે છેલ્લા પાંચ સત્રમાં રોકાણકારોને 22.40 ટકા વળતર આપ્યું હતું. આ સમયગાળા દરમિયાન આ શેર રૂ. 219.65 થી વધીને રૂ. 268.85 થયો છે. એન્જિનિયર્સ ઈન્ડિયા લિમિટેડ એ પેટ્રોલિયમ અને કુદરતી ગેસ મંત્રાલય હેઠળ ભારત સરકારનું જાહેર ક્ષેત્રનું ઉપક્રમ છે. છેલ્લા એક વર્ષમાં આ શેરે રોકાણકારોને રૂ. 168નું મલ્ટિબેગર વળતર આપ્યું છે.

IRCON ઇન્ટરનેશનલ લિમિટેડ-
રેલ્વે માટે કામ કરતી IRCON ઇન્ટરનેશનલના શેર છેલ્લા પાંચ ટ્રેડિંગ સેશનમાં 21.39 ટકા વધ્યા છે. આ શેર 15 મેના રોજ 242 રૂપિયાના સ્તરે હતો જે હવે 273 રૂપિયા થઈ ગયો છે. IRCON શેર્સે વર્ષ 2024માં રોકાણકારોને અત્યાર સુધીમાં 56 ટકા નફો આપ્યો છે. આ શેરે રોકાણકારોને એક વર્ષમાં 233 ટકા આવક આપી છે.

BEL શેરે કરાવી છે રોકાણકારોને 14 ટકા કમાણી-
ડિફેન્સ બિઝનેસ જાયન્ટ ભારત ઈલેક્ટ્રોનિક્સ લિમિટેડ  (BEL Share)ના શેરે પણ છેલ્લા પાંચ ટ્રેડિંગ સેશનમાં સારો નફો આપ્યો છે. 13 મે, 2024ના રોજ આ સ્ટોક રૂ. 224.80 પર બંધ થયો હતો. હવે તેની કિંમત વધીને 259.20 રૂપિયા થઈ ગઈ છે. આ રીતે છેલ્લા 5 દિવસમાં જ ભારત ઈલેક્ટ્રોનિક્સ લિમિટેડના શેરોએ રોકાણકારોને લગભગ 14 ટકા નફો આપ્યો છે. છેલ્લા છ મહિનામાં BELના શેરોએ રોકાણકારોને 80 ટકા વળતર આપ્યું છે.

અશોક લેલેન્ડે રોકાણકારોને 7 ટકા નફો કમાવી આપ્યો-
ઓટોમોબાઈલ કંપની અશોક લેલેન્ડના શેરે છેલ્લા પાંચ ટ્રેડિંગ સેશનમાં રોકાણકારોને લગભગ 7 ટકા નફો આપ્યો છે. 13 મે, 2024ના રોજ અશોક લેલેન્ડના શેર 193 રૂપિયાના નીચા સ્તરે હતા, જે હવે 210.30 રૂપિયાના ઉપલા સ્તરે પહોંચી ગયા છે. ચોઈસ બ્રોકિંગે રોકાણકારોને અશોક લેલેન્ડના શેર ખરીદવાની સલાહ આપી છે અને આ શેરની લક્ષ્ય કિંમત રૂ. 228 નક્કી કરી છે.

(Disclaimer: અહીં આપેલી માહિતી શેરની કામગીરી પર આધારિત છે. શેરબજારમાં રોકાણ બજારના જોખમને આધીન હોવાથી, રોકાણ કરતા પહેલાં કૃપા કરીને પ્રમાણિત રોકાણ સલાહકારની સલાહ લો. Zee24 kalak તમને થતા કોઈપણ નુકસાન માટે જવાબદાર નથી.)