આ IPO ની ઈશ્યુ પ્રાઇસની જાહેરાત, ગ્રે માર્કેટમાં નફાનો સંકેત, ટાયર બનાવે છે કંપની

Tolins Tyres IPO: ટાયર મેન્યુફેક્ચરિંગ કંપની - ટોલિન્સ ટાયર્સ લિમિટેડે મંગળવારે જણાવ્યું હતું કે 9 સપ્ટેમ્બરના રોજ તેની પ્રારંભિક જાહેર ઓફર (IPO) ઓપનિંગ માટે શેર દીઠ રૂ. 215-226ની ઇશ્યૂ કિંમત નક્કી કરવામાં આવી છે. ગ્રે માર્કેટ પ્રીમિયમની વાત કરીએ તો તે રૂ. 25 છે. આ 11% થી વધુ પ્રીમિયમ દર્શાવે છે. આ રીતે શેરનું લિસ્ટિંગ રૂ. 250ને પાર કરી શકે છે. ટાયર ઉત્પાદક ટોલિન્સ ટાયર્સે જણાવ્યું હતું કે તેનો રૂ. 230 કરોડનો IPO 11 સપ્ટેમ્બરે બંધ થશે. જ્યારે મુખ્ય (એન્કર) રોકાણકારો 6 સપ્ટેમ્બરે શેર માટે બિડ કરી શકશે.

200 કરોડ રૂપિયાના નવા શેર
કેરલની આ કંપનીના આઈપીઓમાં 200 કરોડ રૂપિયાની કિંમતના નવા શેર સિવાય વર્તમાન પ્રમોટરો પાસે રાખેલા 30 કરોડ રૂપિયાના શેરની વેચાણની રજૂઆત સામેલ છે. મહત્વનું છે કે ટોલિન્સ ટાયર આઈપીઓથી મળનાર રકમનો ઉપયોગ વર્કિંગ કેપિટલની જરૂરીયાત પૂરી કરવા, લોન ચુકવવા અને પોતાની સબ્સિડરીમાં રોકાણ પર કરશે. કંપનીના પ્રમોટર કલામપરામ્બિલ વર્કી ટોલિન અને જેરિન ટોલિન ઓફર ફોર સેલ રૂટ દ્વારા 15-15 કરોડ રૂપિયાના શેર વેચશે.હાલ કંપનીમાં તેમની 83.31 ટકા ભાગીદારી છે. આ આઈપીઓનું સંભવિત લિસ્ટિંગ તારીખ 16 સપ્ટેમ્બરે થશે. તો આઈપીઓના એક લોટમાં 66 શેર હશે. આ પ્રમાણે આઈપીઓમાં ઓછામાં ઓછા 14916 રૂપિયાનું રોકાણ કરવું પડશે.

આ પણ વાંચોઃ સોનું લેવાનો પ્લાન હોય તો જલ્દી કરજો, આસમાને પહોંચવાની છે કિંમતઃ અમેરિકી બેન્ક

કંપની વિશે
મેન્ટોલિન્સ ટાયર્સ પોતાના ઉત્પાદકોની નિર્યાત પશ્ચિમ એશિયા, પૂર્વી આફ્રિકા, જોર્ડન, કેન્યા અને મિસ્ત્ર સહિત આશરે 40 દેશોમાં કરે છે. આ કંપની પાસે ત્રણ મેન્યુફેક્ચરિંગ ફેસિલિટીઝ છે. તેમાંથી બે કેરલના કલાડીમાં મટ્ટૂરમાં સ્થિત છે અને ત્રીજી સંયુક્ત અરબ અમીરાતમાં રાસ અલ ખૈમામાં અલ હમરા ઔદ્યોગિક ક્ષેત્રમાં સ્થિત છે. કંપનીએ FY24માં રૂ. 227 કરોડની કામગીરીમાંથી આવક નોંધાવી હતી, જેમાં ટાયરનો ફાળો 24% હતો જ્યારે ટ્રેડ રબરનો ફાળો 76% હતો."