કોણ છે ઈશા અંબાણીના પાડોશી વિભા સિંઘવી? એક મહિનાની અંદર ખરીધા 130 કરોડમાં 2 ફ્લેટ

Mumbai Real Estate: માયાનગરી મુંબઈનું રિયલ એસ્ટેટ માર્કેટ અવારનવાર ચર્ચામાં રહે છે. ફિલ્મ સ્ટાર્સના આ શહેરમાં પોતાનું ઘર ખરીદવું દરેકની પહોંચમાં નથી. રિયલ એસ્ટેટ માર્કેટના ઊંચા ભાવ લોકોના સપનાને દબાવી દે છે. તાજેતરમાં આ શહેર ફરી એક વખત અહેવાલોમાં આવ્યું, જ્યારે 130 કરોડ રૂપિયાના બે ફ્લેટ વેચાયા. મુંબઈના વર્લી વિસ્તારમાં એક હાઈરાઈઝ એપાર્ટમેન્ટમાં બે ફ્લેટ વેચવામાં આવ્યા. આ ફ્લેટની કિંમત 130 કરોડ રૂપિયા આંકવામાં આવી.

130 કરોડનો ફ્લેટ
મુંબઈના વર્લી વિસ્તારના Naman Xana માં વિભા ડી સિંઘવીએ બે ફ્લેટ ખરીદ્યો છે.  600 વર્ગ મીટરના આ ફ્લેટની કિંમત 65 કરોડ રૂપિયા છે. માત્ર સ્ટેપ ડ્યૂટીના જ 6.5 કરોડ રૂપિયા ચૂકવવામાં આવ્યા છે. હાઈરાઈઝ બિલ્ડિંગના 21મા અને 29મા માળે બે ફ્લેટ ખરીદ્યા છે. વર્સી સી ફેસિંગમાં બનેલા આ ફ્લેટને દિગ્ગજ ફાર્મા ઉદ્યોગપતિ દિલીપ સિંઘવીની પત્ની વિભા ડી સિંઘવીએ ખરીદ્યા છે.

કોણ છે આ ફ્લેટનો ખરીદદાર
દેશની દિગ્ગજ દવા કંપની સન ફાર્માના માલિક દિલીપ સિંઘવીની પત્ની વિભા સિંઘવીએ આ બન્ને ફ્લેટ ખરીદ્યા છે. આ ફ્લેટની સાથે તેમણે 4 કાર પાર્કિંગ મળ્યા છે. આ એપાર્ટમેન્ટ તે સમયે ચર્ચામાં આવ્યું હતું, જ્યારે બ્રિટેનના પ્રોફેશનલ ફૂટબોલ ક્લબ Barnsely ના માલિક નીરવ પારેખે આ જ એપાર્ટમેન્ટમાં ફ્લેટ ખરીદ્યો. Pidilite ઈન્ડરસ્ટ્રીઝના માલિક નીરવ પારેખ અને તેમની માતા કલ્પના પારેખે 170 કરોડ રૂપિયામાં આ એપોર્ટમેન્ટમાં ફ્લેટ ખરીદ્યો છે.

ઈશા અંબાણી હશે પાડોશી
તમને જણાવી દઈએ કે વર્લીના આ જ વિસ્તારમાં મુકેશ અંબાણીની દીકરી ઈશા અંબાણીનું ઘર છે. ઈશા અંબાણી અને આનંદ પીરામલનું મુંબઈમાં બંગલો 'ગુલિતા' આ વિસ્તારમાં જ આવેલું છે. આ બંગ્લો સાઉથ મુંબઈના વર્લી વિસ્તારમાં છે. ઈશાના પિતા મુકેશ અંબાણીએ લગ્ન બાદ ઈશાને આ બંગ્લો ગીફ્ટ કર્યો હતો.