કપિલ શર્મા ધમાકેદાર કમબેક માટે તૈયાર, તમામ વિગતો જાણવા માટે કરો ક્લિક...

મુંબઈ : કોમેડિયન અને એક્ટર કપિલ શર્મા ફરી એકવાર નાની સ્ક્રિન પર કમબેક કરવા જઈ રહ્યો છે. તેનો સુપરહિટ કમેડી શો ‘ધ કપિલ શર્મા શો’ ફરી શરૂ થવાનો છે. કપિલે આ વિશે પોતાના ટ્વિટર પર આ વાતની જાહેરાત કરી છે. 

Jalad wapas aa raha hoon ‘The Kapil Sharma Show’ lekar aap ke liye sirf @SonyTV par. @TataSky subscribers Sony TV ka mazza without any additional cost lijiye, Abhi call kariye 18002086633 or email contact@tatasky.com

— KAPIL (@KapilSharmaK9) October 6, 2018

નોંધનીય છે કે કપિલ શર્મા એક્ટિંગ બાદ પ્રોડ્યૂસર બની ઈન્ડસ્ટ્રીમાં કમબેક કરી રહ્યો છે. તે ફિલ્મ ‘સન ઓફ મંજીત’ સાથે નિર્માતા તરીકે જોડાયો છે. પિતા-પુત્રના સંબંધ પર આધારિત આ ફિલ્મને વિરમ ગ્રોવરે ડિરેક્ટ કરી છે. જપજી ખેરા, ગુરપ્રીત ધુગ્ગી, કરમજીત અનમોલ ફિલ્મમાં મુખ્ય પાત્રો ભજવતા દેખાશે. આ ફિલ્મ 12 ઓક્ટોબરે રિલીઝ થઈ રહી છે.

થોડા મહિના પહેલા જ કપિલના તાજેતરના ફોટા સામે આવ્યા હતા. જેમાં તે પહેલાં કરતા ઘણો જાડો અને થાકેલો દેખાતો હતો. કપિલની આંખની નીચે નિશાન જોવા મળ્યા હતા. કપિલ શર્માનો આ હાલ જોઇ તેના ફેન્સ ઘણા દુ:ખી થયા હતા અને ઘણા લોકોએ સોશિયલ મીડિયા પર કપિલ શર્માને પોતાના સ્વાસ્થ્યનું ધ્યાન રાખવા વિનંતી પણ કરી હતી. હાલમાં કપિલ શર્મા પોતાની ફિટનેસનું ધ્યાન આપવા લાગ્યો છે.