Kajol અને તનીષા જાહેરમાં ઝઘડી પડ્યા, બે બહેનોની લડાઈનો Video થયો વાયરલ

નવી દિલ્હી: બોલીવુડ અભિનેત્રી કાજોલ એક વીડિયોને લઈને ખુબ ચર્ચામાં છે. દુર્ગાપૂજાના તેના લુકને કારણે લોકોએ તેના ખુબ વખાણ કર્યા. જો કે તેની બહેન અને અભિનેત્રી તનિષા મુખર્જી સાથે જાહેરમાં થયેલો ઝઘડો ચર્ચામાં આવી ગયો. તનીષા મુખર્જી અને કાજોલ એક બીજા સાથે ઉગ્ર ચર્ચા કરતા જોવા મળ્યા અને તેમને ચૂપ કરાવવા માટે માતા તનુજાએ વચ્ચે પડવું પડ્યું. 

કાજોલે કહ્યું શટ અપ
દુર્ગા પૂજાનો તહેવાર કાજોલ ખુબ ધૂમધામથી મનાવે છે. આ વખતના પણ તેના ફેમિલી ફોટોઝ અને વીડિયોઝ ખુબ વાયરલ થયા છે. હવે એક નવો વીડિયો સામે આવ્યો છે જેમાં તનીષા અને કાજોલ ખુબ ઉગ્ર ચર્ચા કરતા જોવા મળ્યા છે. કાજોલ તનીષાને શટ અપ કહે છે. આ બધા વચ્ચે તનીષા કઈક  બોલે છે જેના પર માતા તેને ચૂપ કરાવે છે. 

કાજોલ અને તનીષા લડી પડ્યા
દુર્ગા પૂજા દરમિયાન કાજોલના અનેક વીડિયો સામે આવ્યા. એક વીડિયોમાં તે તેના અંકલને મળીને ભાવુક થયેલી જોવા મળી. હવે એક એવો વીડિયો વાયરલ થયો છે જેમાં એવું લાગે છે કે કાજોલ અને તનીષા કોઈ મુદ્દે ચર્ચામાં ઉતરી પડ્યા. તેમની વચ્ચે શાબ્દિક ટપાટપી થઈ. તનુજાએ વચ્ચે પડીને બંનેને શાંત કરાવ્યા. ત્યારબાદ ત્રણ જણે પોઝ આપ્યા અને આ દરમિયાન તનીષા કાજોલને થોડુ દૂર રહવાનું પણ કહે છે. તે હસતા હસતા પોઝ આપે છે અને બોલે છે 'સ્પેસ'.

જુઓ Video

કાજોલનું કામ
વર્કફ્રન્ટની વાત કરીએ તો એવા સમાચાર હતા કે કાજોલ રાજકુમાર હીરાનીની આગામી ફિલ્મમાં જોવા મળશે. જો કે હિન્દુસ્તાન ટાઈમ્સ સાથે વાતચીતમાં તેણે જણાવ્યું હતું કે અત્યાર સુધી તેમણે મને અપ્રોચ કરી નથી. હું સ્ક્રિપ્ટ્સ સાંભળી અને વાંચી રહી છું અને લોકોને આઈડિયાઝ માટે વર્ચ્યુઅલી મીટિંગ કરી રહી છું. જો કે હજુ સુધી કઈ ફાઈનલ થયું નથી. કાજોલે ઈન્સ્ટાગ્રામ પર માહિતી આપી હતી કે તે  'The Last Hurrah' ફિલ્મમાં જોવા મળશે.