Cheetah in India: 18 ફેબ્રુઆરીએ આફ્રિકાથી આવશે 12 ચિત્તા, C-17 વિમાન ભારતથી થયું રવાના

નવી દિલ્હીઃ પર્યાવરણ મંત્રી ભૂપેન્દ્ર યાદવે ગુરૂવારે કહ્યું કે દક્ષિણ આફ્રિકાથી 12 ચિત્તાને 18 ફેબ્રુઆરીએ દેશમાં લાવવામાં આવશે. પ્રધાનમંત્રી નરેન્દ્ર મોદીએ મહત્વાકાંક્ષી ચિત્તા પુનર્વસન કાર્યક્રમના ભાગરૂપે ગયા વર્ષે 17 સપ્ટેમ્બરના રોજ તેમના 72માં જન્મદિવસ નિમિત્તે મધ્યપ્રદેશના કુનો રાષ્ટ્રીય ઉદ્યાનના એક બિડાણમાં નામીબિયામાંથી પાંચ માદા અને ત્રણ નર ચિત્તા સહિત આઠ ચિત્તાઓને મુક્ત કર્યા હતા. અધિકારીઓએ જણાવ્યું કે હાલમાં કુનોમાં આ આઠ ચિત્તા ત્રણથી ચાર દિવસમાં શિકાર કરી રહ્યા છે અને તેમની તબિયત સારી છે.

સી-17 વિમાન દક્ષિણ આફ્રિકાથી આ ચિત્તાને લાવવા ગુરૂવારે સવારે રવાના થયું
તેમણે કહ્યું કે એક માદા ચિત્તાની તબિયત સારી નથી કારણ કે તેનું ક્રિએટિનાઇન લેવલ વધી ગયું હતું પરંતુ સારવાર બાદ તેની હાલત હવે ઠીક છે. સીરમમાં ક્રિએટિનાઇનનું સ્તર કિડનીના સ્વાસ્થ્ય અને કાર્યને નિર્ધારિત કરવામાં મદદ કરે છે. અહીં એક પ્રેસ કોન્ફરન્સને સંબોધતા મંત્રીએ કહ્યું, “ભારતીય વાયુસેના (IAF)નું એક C-17 વિમાન દક્ષિણ આફ્રિકાથી આ ચિત્તાઓને લાવવા ગુરુવારે સવારે રવાના થયું હતું. આ ચિત્તાઓને એકલતામાં રાખવા માટે કુનો નેશનલ પાર્કમાં 10 અલગ-અલગ એન્ક્લોઝર બનાવવામાં આવ્યા છે.

આ પણ વાંચોઃ PM મોદીના માતાના નિધન પર ધોરણ-2ના બાળકે લખ્યો શોક પત્ર, PMએ પણ આપ્યો જવાબ

ચિત્તાને લાવવા માટે એક સમજુતી પર હસ્તાક્ષર
ભારત અને દક્ષિણ આફ્રિકાએ જાન્યુઆરીમાં આફ્રિકન દેશમાંથી ચિત્તાઓને લાવવા અને કુનોમાં પુનઃસ્થાપિત કરવા માટે એક સમજૂતી પત્ર પર હસ્તાક્ષર કર્યા હતા. વિશ્વના 7,000 ચિત્તાઓમાંથી મોટાભાગના દક્ષિણ આફ્રિકા, નામિબિયા અને બોત્સ્વાનામાં રહે છે. નામિબિયામાં ચિત્તાની સૌથી વધુ વસ્તી છે. ચિત્તા એકમાત્ર માંસાહારી પ્રાણી છે જે મુખ્યત્વે અતિશય શિકાર અને રહેઠાણના અભાવને કારણે ભારતમાં સંપૂર્ણપણે લુપ્ત થઈ ગયું છે. ભારતમાં છેલ્લો ચિત્તો 1948માં છત્તીસગઢના કોરૈયા જિલ્લાના સાલ જંગલમાં મૃત હાલતમાં મળી આવ્યો હતો.

સાત નર તથા પાંચ માદા ચિત્તા
નેશનલ ટાઈગર કન્ઝર્વેશન ઓથોરિટીના વડા એસ. પી. યાદવે કહ્યું, 'દક્ષિણ આફ્રિકાના ગૌટેંગમાં સાત નર અને પાંચ માદા ચિત્તા. શુક્રવારના રોજ ટેમ્બો ઈન્ટરનેશનલ એરપોર્ટથી કુનો માટે રવાના થશે." તેમણે કહ્યું, "આ ચિત્તાઓ શનિવારે સવારે 10 વાગ્યે મધ્યપ્રદેશના ગ્વાલિયર એરફોર્સ બેઝ પર પહોંચશે અને ત્યારબાદ તેમને એમઆઈ-17 હેલિકોપ્ટર દ્વારા લઈ જવામાં આવશે. 

આ પણ વાંચોઃ દરેક કેદીને જેલમાં નથી પડતી તકલીફ! કેટલાક જેલના કેદીઓને મળે છે VIP ટ્રિટમેન્ટ

બોમા તકનીક આફ્રિકામાં ખુબ લોકપ્રિય
'બોમા' ટેકનિક આફ્રિકામાં ખૂબ જ લોકપ્રિય છે. આમાં, પ્રાણીઓને વાડ જેવા ફનલ (V આકાર) દ્વારા પીછો કરવામાં આવે છે અને તેમને એક બિડાણમાં બંધ કરવામાં આવે છે. ફેબ્રુઆરીમાં આ 12 ચિતાઓના આગમન બાદ આગામી આઠથી 10 વર્ષમાં વાર્ષિક 12 ચિત્તાઓ દેશમાં લાવવાની યોજના છે. એમઓયુની શરતોની સુસંગતતા સુનિશ્ચિત કરવા દર પાંચ વર્ષે તેની સમીક્ષા કરવામાં આવશે.

વાઇલ્ડલાઇફ ઇન્સ્ટિટ્યૂટ ઑફ ઇન્ડિયા દ્વારા તૈયાર કરવામાં આવેલા 'ભારતમાં ચિતા રિહેબિલિટેશન એક્શન પ્લાન' અનુસાર, નવી ચિત્તા વસ્તી સ્થાપિત કરવા માટે આદર્શ રીતે દક્ષિણ આફ્રિકા, નામિબિયા અને અન્ય આફ્રિકન દેશોમાંથી શરૂઆતના પાંચ વર્ષ માટે અને બાદમાં જરૂરિયાત મુજબ લગભગ 12-14 ચિત્તાની આયાત કરવામાં આવશે.