Vande Bharat Train: વંદે ભારત ટ્રેનમાં આગ ફાટી નીકળી, તમામ મુસાફરો સુરક્ષિત

ભોપાલથી દિલ્હી જઈ રહેલી વંદે ભારત ટ્રેનમાં આગ લાગી છે. મળતી માહિતી મુજબ આજે સવારે રાણી કમલાપતિ રેલવે સ્ટેશનથી નિઝામુદ્દીન માટે રવાના થયેલી વંદે ભારત ટ્રેનની C14 બોગીમાં કુરવાઈ સ્ટેશન પાસે બેટરીથી આગ લાગી ગઈ. એવું કહેવાઈ રહ્યું છે કે આ ઘટનામાં કોઈ જાનમાલનું નુકસાન થયું નથી. તમામ મુસાફરોને સુરક્ષિત બહાર કાઢી લેવાયા છે. 

મળતી માહિતી મુજબ રાણી કમલાપતિથી નિઝામુદ્દીન જઈ રહેલી વંદે ભારત ટ્રેનના C-14 કોચમાં આગ લાગી. ટ્રેન નંબર 20171 ભોપાલ-હજરત નિઝામુદ્દીન વંદે ભારત ટ્રેન સવારે 5.40 વાગે રવાના થઈ હતી. ઘટના બીના પહેલા ઘટી. ટ્રેનમાં મુસાફરી કરી રહેલા મુસાફરોના જણાવ્યાં મુજબ આગ બેટરીથી લાગી. આગની સૂચના મળતા જ ટ્રેનને રોકીને તમામ મુસાફરોને સુરક્ષિત કાઢી લેવાયા છે. 

#WATCH | Madhya Pradesh | A fire was reported in battery box of one of the coaches in a Vande Bharat Express at Kurwai Kethora station. Fire brigade reached the site and extinguished the fire. All passengers are safe. No injuries reported. The fire is limited to Battery Box Only.… pic.twitter.com/E2s9ED99VH

— ANI MP/CG/Rajasthan (@ANI_MP_CG_RJ) July 17, 2023

ભારતીય રેલવેના જણાવ્યાં મુજબ વંદે ભારત એક્સપ્રેસના એક કોચના બેટરી બોક્સમાં આગ લાગવાની સૂચના મળી હતી. ફાયર વિભાગે ઘટના સ્થળે પહોંચીને આગ કાબૂમાં કરી લીધી. તમામ મુસાફરો સુરક્ષિત છે. કોઈના ઘાયલ થવાની સૂચના નથી. તપાસ બાદ ટ્રેન જલદી રવાના કરવામાં આવશે.