સવારે પતિએ મેટ્રો સામે કૂદીને આપઘાત કર્યો, સાંજે પત્નીએ પુત્રી સાથે ગળે ફાંસો ખાઈ લીધો

નોઈડા: નોઈડા (Noida) માં એક જ પરિવારના 3 સભ્યોની આત્મહત્યા (Suicide) નો ચોંકાવનારો બનાવ સામે આવ્યો છે. શુક્રવારે સવારે પહેલા પતિએ મેટ્રો (Metro) સામે કૂદીને આત્મહત્યા કરી લીધી જ્યારે મોડી સાંજે મૃતકની પત્ની અને પુત્રીએ આત્મહત્યા કરી નાખી. 

પોલીસ આ મામલે તપાસ કરી રહી છે. હજુ સુધી આત્મહત્યાના કારણ અંગે જાણવા મળ્યું નથી. પોલીસના જણાવ્યાં મુજબ આ પરિવાર 2019માં કાઠમંડૂથી ભારત આવ્યો હતો. 

પોલીસે કહ્યું કે ભરત જે તેની પત્ની શિવરંજની અને બાળકી જ્યશ્રીતા સાથે સેક્ટર 128ના જેપી પેવેલિયનમાં રહેતો હતો. 13 ડિસેમ્બરના રોજ ભરતે દિલ્હીમાં જવાહરલાલ નેહરુ સ્ટેડિયમ મેટ્રો સ્ટેશનમાં મેટ્રોની આગળ કૂદીને આત્મહત્યા કરી લીધી. 

આ VIDEO પણ ખાસ જુઓ...

ઘટનાની સૂચના બાદ પત્ની મૃતકના ભાઈ સાથે હોસ્પિટલ ગઈ હતી. ત્યાંથી પાછા ફર્યા બાદ સાંજે લગભગ 7.30 વાગે પત્નીએ પોતાની બાળકી સાથે છતના પંખા સાથે લટકીને આત્મહત્યા કરી લીધી. એકાએક આ પ્રકારનું અંતિમ પગલું લેવા પાછળનું કારણ શું હોઈ શકે તે હજુ જાણી શકાયું નથી. કોઈ કૌટુંબિક વિવાદ કે પછી નાણાકીય તંગી...પોલીસ હાલ તો તપાસ કરી રહી છે.