મહારાષ્ટ્રમાં 'Mid term election'? ભાજપના દિગ્ગજ નેતાના નિવેદનથી રાજકીય ખળભળાટ

મુંબઈ: મહારાષ્ટ્ર (Maharasthra) ના પૂર્વ મુખ્યમંત્રી દેવેન્દ્ર ફડણવીસ (Devendra Fadnavis)  અને શિવસેના નેતા સંજય રાઉત (Sanjay Raut)  વચ્ચે જે મુલાકાત થઈ તેને લઈને હવે રાજકીય ઘમાસાણ જોવા મળી રહ્યું છે. આ મુલાકાત વિશે જાતજાતની અટકળો થઈ રહી છે. હવે ભાજપના પ્રદેશ અધ્યક્ષ ચંદ્રકાન્ત પાટીલે (Chandrakant Patil) મોટું નિવેદન આપ્યું છે. સમાચાર એજન્સી એએનઆઈ સાથે વાતચીત કરતા પાટીલે કહ્યું કે જ્યારે બે અલગ અલગ પાર્ટીના નેતાઓ મળે છે ત્યારે રાજકીય ચર્ચા જ થઈ હશે. જો તેઓ બે-અઢી કલાક સાથે બેઠા હશે તો ચા-બિસ્કિટ પર તો ચર્ચા નહીં થઈ હોય. જો કે તેમણે એમ પણ કહ્યું કે આ મુલાકાતનું કોઈ પરિણામ આવ્યું નથી. 

If top leaders of 2 different political parties meet, political discussions do take place. If they sat together for 2-2.5 hrs, they didn't discuss tea-biscuits. But it was inconclusive: Chandrakant Patil, Maharashtra BJP chief on meeting b/w Sanjay Raut & Devendra Fadnavis(28.09) pic.twitter.com/r4N3azh2NB

— ANI (@ANI) September 29, 2020

મહારાષ્ટ્ર ભાજપ અધ્યક્ષ ચંદ્રકાન્ત પાટીલે આ વિશે વધુ સ્પષ્ટતા કરતા કહ્યું કે પ્રદેશ પાર્ટી ચીફ તરીકે હું કહેવા માંગુ છું કે શિવસેના, એનસીપી, કોંગ્રેસ સાથે સરકાર રચવા માટે કોઈ પ્રપોઝલ નથી. અમે એક્ટિવ વિપક્ષની ભૂમિકા ભજવી રહ્યા છીએ. અમે આ ત્રણમાંથી કોઈની સાથે સરકાર બનાવી શકીએ નહીં પરંતુ આ ત્રણેય પણ એક સાથે રહી શકે તેમ નથી. 

Be it Farm Bills or any other matter, they (Congress, Shiv Sena, NCP) will fight with each other and break up. Then what will happen next? Mid term election. It is my analysis, it is not necessary that this will happen: Maharashtra BJP chief Chandrakant Patil

— ANI (@ANI) September 29, 2020

ચંદ્રકાન્ત પાટીલે વધુમાં કહ્યું કે કૃષિ બિલ હોય કે અન્ય કોઈ મુદ્દો, તેઓ (કોંગ્રેસ, શિવસેના, એનસીપી) તેઓ એકબીજા સાથે જ લડી પડશે અને અલગ થઈ જશે. પછી શું થશે? મીડ ટર્મ ઈલેક્શન. જો કે આ મારું એનાલિસિસ છે. જરૂરી નથી કે એવું થાય જ. 

So, as party's state chief, I'd like to clarify that there is no proposal to form govt with Shiv Sena, NCP or Congress. We are playing the role of an active Opposition. We can't form govt with the three but those three can't stay together: Maharashtra BJP chief Chandrakant Patil https://t.co/DsROQQzVq5

— ANI (@ANI) September 29, 2020

તેમણે એમ પણ કહ્યું કે મે ગઈ કાલે કહ્યું હતું તેમ સંજય રાઉતે દેવેન્દ્ર ફડણવીસને સામનામાં ઈન્ટરવ્યુ માટે પૂછ્યું હતું અને એમ પણ કહ્યું હતું કે ઈન્ટરવ્યુ પહેલા તેઓ એકબીજાને મળશે. કોઈ રાજકીય વાતચીત થઈ નથી.