Weather: ક્યાંક હિટવેવ તો ક્યાંક હિમવર્ષા...જાણો ગુજરાત સહિત અન્ય રાજ્યોમાં કેવું રહેશે હવામાન

Weathar Updates: હવામાનમાં સતત પલટો આવી રહ્યો છે. એક તરફ હાલ ઉનાળાની શરૂઆત થઈ ચુકી છે. લોકો ભયંકર ગરમીનો અનુભવ કરી રહ્યાં છે. ત્યારે બીજી તરફ આજે પણ વરસાદી માહોલ છે. ક્યાંક વરસાદ, ક્યાંક કરતા તો ક્યાંક હિમ વર્ષા થઈ રહી છે. દેશના વિવિધ રાજ્યોમાં હવામાનની સ્થિતિ અલગ અલગ છે. જાણીએ ગુજરાત સહિત ક્યા રાજ્યમાં શું છે હવામાનના હાલ...

દિલ્હી સહિત દેશભરમાં ઉનાળો શરૂ થઈ ગયો છે. હવામાન વિભાગ (IMD) અનુસાર, સપ્તાહના અંતે દિલ્હીમાં મહત્તમ તાપમાન 35.2 ડિગ્રી સેલ્સિયસ (સામાન્ય કરતાં 3 ડિગ્રી વધુ) અને લઘુત્તમ તાપમાન 21.8 ડિગ્રી સેલ્સિયસ નોંધાયું હતું. જ્યારે શુક્રવારે મહત્તમ તાપમાનનો પારો 37.8 ડિગ્રી નોંધાયો હતો. આગામી 72 કલાકમાં દિલ્હીમાં મહત્તમ તાપમાન 34થી 36 ડિગ્રીની આસપાસ રહેશે અને લઘુત્તમ તાપમાન 19થી 21 ડિગ્રીની આસપાસ રહેશે. રવિવારે 30-35 કિલોમીટર પ્રતિ કલાકની ઝડપે પવન ફૂંકાશે.

આજે કેવું રહેશે દેશનું હવામાન?
સ્કાયમેટ વેધર અનુસાર, જો આપણે દેશભરમાં હવામાન અપડેટ્સ વિશે વાત કરીએ તો, રવિવારે પશ્ચિમ હિમાલયમાં હળવાથી મધ્યમ વરસાદ અને હિમવર્ષાની સાથે કેટલાક સ્થળોએ ભારે વરસાદ થઈ શકે છે. પંજાબ, હરિયાણા, એમપી, છત્તીસગઢ, વિદર્ભ અને કેરળમાં વરસાદ અને વાવાઝોડાની આગાહી છે. ઉત્તર-પૂર્વની વાત કરીએ તો, હળવાથી મધ્યમ વરસાદ અને ગાજવીજ સાથે વરસાદ પડી શકે છે. ખાસ કરીને સિક્કિમ અને અરુણાચલના કેટલાક ભાગોમાં ભારે હિમવર્ષા શક્ય છે.

પશ્ચિમ મધ્ય પ્રદેશ, ગુજરાત પ્રદેશ, મધ્ય મહારાષ્ટ્ર અને મરાઠવાડાના અલગ-અલગ ભાગોમાં ગરમ ​​રાત્રિની સ્થિતિ સર્જાઈ શકે છે. મધ્ય પ્રદેશ, વિદર્ભ, ઉત્તર આંતરિક કર્ણાટક, રાયલસીમા અને તેલંગાણાના અલગ-અલગ વિસ્તારોમાં હીટ વેવની સ્થિતિ શક્ય છે. મધ્ય પ્રદેશ, ગુજરાત પ્રદેશ, મધ્ય મહારાષ્ટ્ર અને મરાઠવાડાના અલગ-અલગ ભાગોમાં ગરમ ​​રાત્રિની સ્થિતિ સર્જાઈ શકે છે.

4 એપ્રિલથી તાપમાનમાં વધારો થશેઃ
દક્ષિણ-પશ્ચિમ મધ્ય પ્રદેશમાં સાયક્લોનિક સરક્યુલેશન સર્જાયું છે. 4 એપ્રિલે ફરી એકવાર તાપમાન વધીને 37 ડિગ્રી થઈ શકે છે. હવાની ગુણવત્તાની વાત કરીએ તો આજે સવારે 6 વાગ્યે દિલ્હીનો AQI 282 હતો. શુક્રવારે હવાની ગુણવત્તા સૂચકાંક 176 નોંધાયો હતો. જ્યારે શનિવારે તે 189 પોઈન્ટ પર પહોંચી ગયો હતો.

ગુજરાતનું હવામાનઃ
ગુજરાતમાં 2 દિવસ ગરમીમાંથી રાહત મળશે. પરંતું 2 દિવસ બાદ ફરી ગરમીનો પારો ઉંચકાશે. આગામી 2 દિવસ બાદ 2 ડિગ્રી તાપમાનમાં વધારો થઈ શકે છે. એપ્રિલ મહિનાના પહેલા અઠવાડિયાની શરુઆતથી તાપમાનમાં વધારો થવાની આગાહી કરવામાં આવી છે. હાલ તો ઉત્તર ભારતમાં આવી રહેલા વેસ્ટર્ન ડિસ્ટર્બન્સની અસરના કારણે ગુજરાતમાં તાપમાનમાં સામાન્ય ઘટાડો થયો છે. પરંતું એપ્રિલની શરૂઆત થતા જ વાતાવરણ ફરીથી પલટાઈ જશે. આગામી દિવસમાં ફરી તાપમાન ઊંચું જશે. એક વાત તો નક્કી છે ગુજરાત માટે આ વખતે ઉનાળો આકરો છે.

ઉત્તર પ્રદેશનું હવામાનઃ
માર્ચમાં હવામાનના વલણે ત્રણેય રંગો દર્શાવ્યા છે - શિયાળો, ઉનાળો અને વરસાદ. હવામાન વિભાગના જણાવ્યા અનુસાર પશ્ચિમ યુપીમાં 31 માર્ચે હવામાન શુષ્ક રહેવાની શક્યતા છે. રવિવારે રાજ્યના બંને ભાગોમાં દિવસ દરમિયાન અમુક જગ્યાએ 25 થી 35 કિલોમીટર પ્રતિ કલાકની ઝડપે ભારે પવન ફૂંકાઈ શકે છે. તેવી જ રીતે, 1 એપ્રિલે રાજ્યમાં હવામાન સંપૂર્ણપણે સૂકું રહેવાની ધારણા છે, પરંતુ આ દિવસે પણ દિવસ દરમિયાન કેટલાક સ્થળોએ ભારે પવન ફૂંકાઈ શકે છે.

બિહારનું હવામાનઃ
પટણામાં આજે રવિવારે હવામાન સ્વચ્છ રહેશે. પૂર્વ બિહારમાં હળવા વરસાદની શક્યતા છે. ઘણા વિસ્તારોમાં કરા પણ પડી શકે છે.