12 પાસ માટે આ વિભાગમાં નોકરીની મોટી તક; મળશે 92300 રૂપિયા પગાર, ફટાફટ કરો અરજી

ITBP Recruitment 2024: ઈન્ડો-તિબ્બત બોર્ડર પોલીસ ફોર્સ (ITBP)એ ગ્રુપ 'C' (નોન-ગેઝેટેડ-નોન-મિનિસ્ટ્રીયલ) કેટેગરીમાં આસિસ્ટન્ટ સબ ઈન્સ્પેક્ટર, હેડ કોન્સ્ટેબલ અને કોન્સ્ટેબલ જેવા પદો માટે વિવિધ વેકેન્સી માટે જાહેરનામું બહાર પાડ્યું છે. જો તમે ધોરણ 12ની પરીક્ષા પાસ કરી છે અને સરકારી નોકરી શોધી રહ્યા છો, તો તમારા માટે આ એક સુવર્ણ તક હોઈ શકે છે. રસ ધરાવતા ઉમેદવારો સત્તાવાર ITBP વેબસાઇટ દ્વારા ઓનલાઇન અરજી કરી શકે છે.

એપ્લિકેશન પ્રક્રિયા હાલમાં ખુલ્લી છે અને ઉમેદવારો 26 નવેમ્બર 2024ના રોજ અથવા તે પહેલાં તેમની અરજીઓ ઓનલાઇન સબમિટ કરી શકે છે. આ ભરતી દ્વારા કુલ 20 જગ્યાઓ ભરવામાં આવશે.

ITBPમાં ખાલી જગ્યાઓ:
આસિસ્ટન્ટ સબ ઈન્સ્પેક્ટર (લેબોરેટરી ટેકનિશિયન) – 7
આસિસ્ટન્ટ સબ ઈન્સ્પેક્ટર (રેડિયોગ્રાફર) – 3
આસિસ્ટન્ટ સબ ઈન્સ્પેક્ટર (ઓટી ટેકનિશિયન) – 1
આસિસ્ટન્ટ સબ ઈન્સ્પેક્ટર (ફિઝિયોથેરાપિસ્ટ) - 1
હેડ કોન્સ્ટેબલ (CSR સહાયક) – 1
કોન્સ્ટેબલ (પટાવાળા) - 1
કોન્સ્ટેબલ (ટેલિફોન ઓપરેટર કમ રિસેપ્શનિસ્ટ) – 2
કોન્સ્ટેબલ (ડ્રેસર) – 3
કોન્સ્ટેબલ (લિનન કીપર) - 1
પદોની કુલ સંખ્યા - 20

વય મર્યાદા
આસિસ્ટન્ટ સબ ઈન્સ્પેક્ટર (લેબોરેટરી ટેકનિશિયન) અને આસિસ્ટન્ટ સબ ઈન્સ્પેક્ટર (રેડિયોગ્રાફર)ની જગ્યાઓ માટે વય મર્યાદા 20 વર્ષથી 28 વર્ષની વચ્ચે છે અને અન્ય તમામ જગ્યાઓ માટે વય મર્યાદા 18 વર્ષથી 25 વર્ષની વચ્ચે છે.

અરજી ફી
સામાન્ય, OBC અને આર્થિક રીતે નબળા વર્ગ (EWS)ના ઉમેદવારોએ 100 રૂપિયાની અરજી ફી ચૂકવવી પડશે. SC, ST, મહિલા અને ભૂતપૂર્વ સૈનિક ઉમેદવારો ફીમાં અરજી કરી શકશે.

પગાર
પસંદગી પામેલા ઉમેદવારોને 7મા પગાર પંચ મુજબ પે મેટ્રિક્સ લેવલ 3, 4 અને 5 હેઠળ નિયુક્ત કરવામાં આવશે. પગાર ધોરણ નીચે મુજબ છે.

લેવલ  5: 29,200 રૂપિયા - 92,300 રૂપિયા
લેવલ  4: 25,500 રૂપિયા - 81,100 રૂપિયા
લેવલ  3: 21,700 રૂપિયા - 69,100 રૂપિયા

પસંદગી પ્રક્રિયા
પસંદગી પાંચ રાઉન્ડમાં થશે, જેમાં આનો સમાવેશ થાય છે:
શારીરિક કાર્યક્ષમતા પરીક્ષણ (PET)
શારીરિક ધોરણ પરીક્ષણ (PST)
લેખિત પરીક્ષા
ઓરિજનલ ડોક્યુમેન્ટ વેરિફિકેશન
ડિટેલ્ડ મેડિકલ ટેસ્ટ (DME)/રિવ્યુ મેડિકલ ટેસ્ટ (RME)