પ્રોટીનના મામલામાં માસ-મટનનો પણ બાપ છે આ 5 શાકાહારી વસ્તુ, ડોક્ટર પણ આપે છે ખાવાની સલાહ!
Protein Rich Foods: પ્રોટીન આપણા શરીર માટે સૌથી જરૂરી પોષક તત્વોમાંથી એક છે. તે સ્નાયુઓને મજબૂત કરવા, પેશીઓના સમારકામ અને શરીરના સર્વાંગી વિકાસ માટે જરૂરી છે. જ્યારે પ્રોટીનની વાત આવે છે, ત્યારે મોટાભાગના લોકો ચિકન, ઇંડા અને માછલી જેવા નોન-વેજ ખોરાકને પ્રાથમિકતા આપે છે. પરંતુ શું તમે જાણો છો કે કેટલીક શાકાહારી વસ્તુઓ પ્રોટીનની બાબતમાં ચિકન કરતાં પણ આગળ હોય છે. તમારી ડાયટમાં આ ખોરાકનો સમાવેશ કરીને તમે ન માત્ર પ્રોટીનની કમીને પૂર્ણ કરી શકો છો પરંતુ તમારા સ્વાસ્થ્યને પણ સુધારી શકો છો.
1. દાળ અને કઠોળ
દાળ અને કઠોળ શાકાહારી પ્રોટીનનો સૌથી બેસ્ટ સ્ત્રોત છે. મગની દાળ, મસૂર દાળ, રાજમા અને ચણા પ્રોટીનથી ભરપૂર હોય છે. 100 ગ્રામ રાજમામાં લગભગ 24 ગ્રામ પ્રોટીન હોય છે, જે તેને શાકાહારી પ્રોટીન સુપરફૂડ બનાવે છે.
2. સોયાબીન અને ટોફુ
સોયાબીનને પ્રોટીનનું પાવરહાઉસ માનવામાં આવે છે. 100 ગ્રામ સોયાબીનમાં લગભગ 36 ગ્રામ પ્રોટીન હોય છે. ટોફુ પણ સોયાબીનમાંથી બનાવવામાં આવે છે અને તે પ્રોટીની સાથે-સાથે કેલ્શિયમનો પણ સારો સ્ત્રોત છે.
3. ચિયા સીડ્સ અને ફ્લેક્સ સીડ્સ
ચિયા અને ફ્લેક્સના બીજમાં ભરપૂર માત્રામાં પ્રોટીનની સાથે-સાથે ઓમેગા-3 ફેટી એસિડ પણ હોય છે. આ બીજ પાચન સુધારવા અને વજન ઘટાડવામાં મદદરૂપ છે.
4. ક્વિનોઆ
ક્વિનોઆ એક સુપરગ્રેન છે, જે શાકાહારી પ્રોટીનનો શ્રેષ્ઠ સ્ત્રોત માનવામાં આવે છે. તેમાં તમામ 9 જરૂરી એમિનો એસિડ હોય છે, જે તેને સ્નાયુઓના વિકાસ માટે આદર્શ બનાવે છે.
5. ડ્રાયફ્રુટ અને બીજ
બદામ, અખરોટ, પિસ્તા, સૂર્યમુખી અને કોળાના બીજ પ્રોટીનથી ભરપૂર હોય છે. આ ન માત્ર શરીરને શક્તિ આપે છે, પરંતુ મગજના વિકાસ માટે પણ ફાયદાકારક છે.
Trending Photos
- 5
- 10
- 8
- 5
