Photos: મહાકુંભમાં પહોંચ્યો અદાણી પરિવાર, ગૌતમ અદાણીએ ભક્તોને ભોજન બનાવીને પીરસ્યું, ગંગા કિનારે પૂજા કરી

ગૌતમ અદાણી સવારે 8 કલાકે ચાર્ટર પ્લેન દ્વારા અમદાવાદથી નીકળ્યા હતા અને સવારે 10 વાગ્યા આસપાસ પ્રયાગરાજ પહોંચ્યા હતા. ત્યારબાદ અદાણી પરિવાર મહાકુંભના સેક્ટર 18માં સ્થિત ઈસ્કોનના વીઆઈપી ટેન્ટમાં પહોંચ્યા હતા. ત્યારબાદ સેક્ટર 19માં સ્થિત ઈસ્કોનના મહાપ્રસાદ રસોડામાં પહોંચ્યા જ્યાં પ્રસાદ બનાવી ભક્તોને વિતરણ કર્યું હતું.  

ગૌતમ અદાણીએ પરિવાર સાથે ઈસ્કોન મંદિરના રસોડામાં સેવા આપી હતી. ગૌતમ અદાણીએ પોતાના હાથે ભક્તોને ભોજન પણ પીરસ્યું હતું.

પ્રયાગરાજમાં મહાકુંભની મુલાકાત બાદ ગૌતમ અદાણીએ એક્સ પર તસવીરો શેર કરી હતી.

ગૌતમ અદાણીએ મહાકુંભમાં સેક્ટર ત્રણમાં પૂજા પણ કરી હતી. ત્યારબાદ અદાણી પરિવારે હનુમાનજીના દર્શન પણ કર્યાં હતા.

ગૌતમ અદાણીએ કહ્યું કે આજે હું પ્રયાગરાજની ધરતી પર આવ્યો છું. આ એક અદ્ભુત અનુભવ છે, જે મેં અનુભવ્યો છે. હું તેની કલ્પના પણ કરી શકતો નથી. અહીંનું વર્ણન શબ્દોમાં કરી શકાય નહીં. મહાકુંભમાં ઉત્તમ વ્યવસ્થા માટે હું પીએમ મોદી અને મુખ્યમંત્રી યોગીનો આભાર માનું છે.