1 કલાક 48 મિનિટની ફિલ્મ રિઝીલ થતા જ 18 દેશોમાં પ્રતિબંધ, છતાં પણ કરી રેકોર્ડ તોડ કમાણી

ફિલ્મ ઈન્ડસ્ટ્રીમાં એવી ઘણી ફિલ્મો છે, જેને લઈને કોઈને કોઈ પ્રકારનો વિવાદ થતો રહે છે અને તેના પર પ્રતિબંધ કરવા સુધી માંગ કરવામાં આવે છે. પરંતુ આજે અમે તમને 16 વર્ષ જૂની એક એવી ફિલ્મ વિશે જણાવવા જઈ રહ્યા છીએ, જેના વિશે ઘણો વિવાદ થયો હતો અને તેના પર એક-બે નહીં પરંતુ 18 દેશોમાં પ્રતિબંધ મૂકવામાં આવ્યો હતો. આજ સુધી આ ફિલ્મ ત્યાં પ્રતિબંધિત છે. જો કે, પહેલા ભારતનું નામ પણ આ લિસ્ટમાં સામેલ હતું, પરંતુ બાદમાં તેને OTT પર રિલીઝ કરવામાં આવી હતી, પરંતુ 18 વર્ષથી વધુ ઉંમરના લોકો જ તેને જોઈ શકે છે.

અમે અહીં 16 વર્ષ પહેલા 2009માં રિલીઝ થયેલી 'એન્ટીક્રાઈસ્ટ'ની વાત કરી રહ્યા છીએ. આ ફિલ્મને લાર્સ વોન ટ્રાયર દ્વારા લખવામાં અને નિર્દેશિત કરવામાં આવી છે. આ ફિલ્મમાં વિલેમ ડેફો અને ચાર્લોટ ગેન્સબર્ગ જેવા કલાકારો જોવા મળે છે. આ ફિલ્મમાં એક એવા કપલની ભૂમિકામાં જોવા મળે છે, જેઓ તેમના નાના પુક્ષની મોતથી પોતાને બહાર નિકળવા માટે જંગલની ટ્રિપ  પર જાય છે. પરંતુ ત્યાં સ્થિતિ વધુ ખતરનાક થઈ જાય છે. પત્ની, જે પ્રિપરેશન અને હાઈપરસેક્સુઅલ ડિસઓર્ડર જેવી બીમારીઓનો સામનો કરી રહી હોય છે, તે પોતાને અને તેના પતિને નુકસાન પહોંચાડે છે.

આ ફિલ્મની કહાનીને ચાર ચેપ્ટર્સમાં વહેંચવામાં આવી છે, જેમાં તેનું ધીમે ધીમે બદલાતું જીવન બતાવવામાં આવ્યું છે. આ ફિલ્મ રિલીઝ થયા બાદ જ 18 દેશોમાં પ્રતિબંધિત કરવામાં આવી હતી. જેની પાછળનું કારણ છે તેમાં બતાવવામાં આવેલા વિવાદાસ્પદ બોલ્ડ સીન અને કેટલાક એવા સીન જેને જોયા પછી કોઈના પણ દિલ-દિમાગ હચમચી જાય છે અને આ ફિલ્મ તેમના દિમાગ પર ખૂબ જ ગંભીર અસર કરી શકે છે. ભલે આ ફિલ્મ અનેક પ્રકારના સાઈકોલોજિકલ બીમારીઓને ઉજાગર કરે છે, પરંતુ તેના બોલ્ડ સીન્સ જોવા લાયક નથી.

આ ફિલ્મની એક ખાસ વાત એ પણ છે કે, 18 દેશોમાં તેના પર પ્રતિબંધ મુકવામાં આવ્યો હોવા છતાં પણ આ ફિલ્મે બોક્સ ઓફિસ પર રેકોર્ડ તોડીને ઘણી કમાણી કરી છે. કેટલાક મીડિયા રિપોર્ટ અનુસાર વિલેમ ડેફો અને ચાર્લોટ ગેન્સબર્ગની આ ફિલ્મનું બજેટ અંદાજે $11 મિલિયન હતું, જે ભારતીય રૂપિયામાં અંદાજે રૂ. 95.61 કરોડ થાય છે અને તેણે વર્લ્ડવાઈડ બોક્સ ઓફિસ પર અંદાજે $21.7 મિલિયનની કમાણી કરી છે, જે ભારતીય રૂપિયામાં આશરે રૂ. 188.38 કરોડ થાય છે.

આ ફિલ્મમાં કેટલાક એટલા ભયાનક સીન પણ છે, જે તેને સાઈકોલોજિકલ ડ્રામા કેટેગરીની સાથે-સાથે હોરર કેટેગરીમાં પણ ઉમેરે છે. ફિલ્મના કેટલાક સીન તમને ખરાબ રીતે ડરાવી શકે છે. જો કે, આ ફિલ્મને શાનદાર રેટિંગ પણ મળ્યું છે. તેને IMDb પર 10 માંથી 6.6 રેટિંગ મળ્યું છે. જો તમે પણ આ ફિલ્મ જોવા માંગો છો, તો તમે તેને OTT પ્લેટફોર્મ પ્રાઇમ વીડિયો પર જોઈ શકો છો. પરંતુ તેને જોવા માટે તમારે પહેલા તેને રેન્ટ પર લેવી પડશે. તે પણ જો તમારી ઉંમર 18 વર્ષ છે અને તમે તેને માત્ર અંગ્રેજી ભાષામાં જ જોઈ શકો છો.