2 કલાક 18 મિનિટની એ બ્લોકબસ્ટર ફિલ્મ...રિલીઝ થતાં જ મચ્યો હતો હોબાળો, 15 કરોડના ખર્ચ સામે કમાયા 300 કરોડ

આ 2 કલાક 18 મિનિટની ફિલ્મ છે જે તમને હચમચાવી દેશે. તો ફિલ્મમાં કેટલાક એવા દ્રશ્યો છે જેને જોયા પછી તમારા  રૂંવાડા ઊભા થઈ જશે. એટલું જ નહીં ફિલ્મમાં કેટલાક એવા ભયાનક દ્રશ્યો બતાવવામાં આવ્યા છે જે નબળા હૃદયના લોકો જોઈ પણ ના શકે.

આ ફિલ્મ વર્ષ 2023માં રિલીઝ થયેલી 'ધ કેરલા સ્ટોરી' છે. સુદીપ્તો સેન અને વિપુલ અમૃતલાલ શાહની આ ફિલ્મે તે સમયે એવી હલચલ મચાવી હતી કે ફિલ્મને લઈને ભારે હોબાળો મચી ગયો હતો. આ ફિલ્મ કેરળની 32000 મહિલાઓના બળજબરીથી ધર્મ પરિવર્તનની કહાની છે. તેથી કેટલાક જૂથોએ ફિલ્મમાં બતાવવામાં આવેલા કેટલાક દ્રશ્યો અને તેની કહાનીને લઈને ભારે હોબાળો મચાવ્યો હતો.

આ ફિલ્મમાં ત્રણ છોકરીઓની કહાની બતાવવામાં આવી છે. જેમની ભૂમિકા અદા શર્મા, યોગિતા ભિયાણી, સોનિયા બાલાનીએ ભજવી છે. આ છોકરીઓનું બ્રેઈનવોશ કરીને ધર્મ પરિવર્તન કરવામાં આવે છે. આ પછી જુઠ્ઠું બોલીને તેમને આતંકવાદી સંગઠનમાં સામેલ કરવામાં આવે છે.

આ ફિલ્મમાં અદા શર્મા અને  તેની સાથે જોવા મળેલી બંને અભિનેત્રીઓની એક્ટિંગના ખૂબ વખાણ થયા હતા. જોકે, ફિલ્મને લઈને હોબાળો થયો હતો. પરંતુ ફિલ્મના નિર્માતાઓ તેમના તથ્યો પર અડગ રહ્યા.

મીડિયા રિપોર્ટ અનુસાર, આ ફિલ્મનું બજેટ 15 કરોડ હતું જ્યારે વિશ્વભરમાં કલેક્શન 300 કરોડ હતું. એટલું જ નહીં, આ ફિલ્મને IMDb પર 6.9 રેટિંગ મળ્યું છે. આ ઉપરાંત તે લાંબા સમય સુધી થિયેટરમાં ચાલી હતી.