AC SIDE EFFECTS: AC ની ઠંડી હવામાં છુપાયેલી છે આ 5 ગંભીર બીમારીઓ

એર કંડિશનરમાંથી નીકળતી ઠંડી હવાના લાંબા સમય સુધી સંપર્કમાં રહેવાથી સ્નાયુઓ અને સાંધાઓમાં રક્ત પરિભ્રમણને નકારાત્મક અસર થવા લાગે છે. આર્થરાઈટિસના દર્દીઓએ ખાસ કરીને ACમાં લાંબા સમય સુધી ન બેસવું જોઈએ.

વાતાનુકૂલિત સ્થળોએ હવામાં ભેજનું પ્રમાણ ખૂબ જ ઓછું હોય છે. જેના કારણે આવા વાતાવરણમાં વધુ સમય વિતાવવાથી આંખોમાં ડ્રાયનેસ, બળતરા, ખંજવાળ અને નબળી દ્રષ્ટિની સમસ્યા થાય છે.

જે લોકો એર કંડિશનરમાં વધુ સમય વિતાવે છે તેઓને શ્વસન સંબંધી સમસ્યાઓનું જોખમ વધારે હોય છે. AC ના કારણે, રૂમમાં હવાનું પરિભ્રમણ યોગ્ય રીતે થતું નથી, જેના કારણે અસ્થમા અને એલર્જીની સંભાવના ઘણી વધી જાય છે.

વાતાનુકૂલિત વિસ્તારોમાં રહેતા લોકોમાં ડિહાઇડ્રેશનની સમસ્યા ખૂબ જ સામાન્ય છે. આ જ કારણ છે કે એસીમાં રહેતા લોકોની ત્વચા વધુ શુષ્ક દેખાય છે.

વેબએમડીના રિપોર્ટ અનુસાર, જો તમે નબળા વેન્ટિલેશનવાળી એસી બિલ્ડીંગમાં કામ કરો છો, તો તે તમારા "સિક બિલ્ડીંગ સિન્ડ્રોમ"નું જોખમ વધારી શકે છે. તેના લક્ષણોમાં માથાનો દુખાવો, સૂકી ઉધરસ, ચક્કર અને ઉબકા, ધ્યાન કેન્દ્રિત કરવામાં મુશ્કેલી, થાક અને ગંધ પ્રત્યે સંવેદનશીલતાનો સમાવેશ થાય છે.