ના ઉંમરકેદ ના ફાંસી... આ દેશોના ખતરનાક કાયદાઓ જાણી ધ્રુજી ઉઠે છે ગુનેગારો

આ દુનિયામાં સૌથી ખતરનાક અને સૌથી મોટી સજા મોતની માનવામાં આવે છે. જો કે, દરેક દેશ આ સજા અંગે પોતાના કાયદા બનાવે છે. કેટલાક દેશો એવા છે જ્યાં ફાંસીની સજા આપવામાં આવે છે. જ્યારે કેટલાક દેશો એવા છે જે ગુનેગારોને ગોળી મારીને મોતની સજા આપવામાં આવે છે.

વિશ્વમાં એવા ઘણા દેશો છે જ્યાં મૃત્યુદંડના દોષિતોને ગોળી મારી દેવામાં આવે છે. જેમાં યમન, તુર્કમેનિસ્તાન, બહેરીન, ટોગો, ઘાના, ચિલી, થાઈલેન્ડ, આર્મેનિયા અને ઈન્ડોનેશિયા જેવા દેશોના નામ સામેલ છે.

જ્યારે સાઉદી અરબ સહિત 3 દેશ એવા છે જ્યાં સર કલમ કરીને મોતની સજા આપવામાં આવે છે. તમને જાણીને નવાઈ લાગશે કે આ સજાને જોવા માટે મોટી ભીડ પણ એકઠી થાય છે.

અમેરિકા જેવા કેટલાક દેશો એવા પણ છે, જે મોતની સજા ઝેરના ઈન્જેક્શનથી પણ આપવામાં આવે છે. રિપોર્ટ્સ અનુસાર 2013માં વિયેતનામમાં પણ આ પ્રકારની સજા આપવામાં આવી હતી. આ સિવાય અમેરિકા સહિત ઘણા દેશો ઈલેક્ટ્રીક શોક આપીને મોતની સજા આપે છે. જો કે, આ સજાને લઈને અમેરિકામાં ભારે હોબાળો પણ મચી ગયો છે.

ઉલ્લેખનીય છે કે, વિશ્વના 58 દેશોમાં મોતની સજા માટે ફાંસીની પદ્ધતિ અપનાવવામાં આવે છે. જો કે, ભારત સહિત માત્ર 33 દેશો એવા છે જ્યાં ફાંસીની સજાની એકમાત્ર પદ્ધતિ છે, જ્યારે 73થી વધુ દેશોમાં દોષિતને ગોળી મારી દેવામાં આવે છે. 6 દેશો પથ્થર મારીને મોતની સજા આપે છે. જ્યારે 3 દેશોમાં સર કલમ કરી દેવામાં આવે છે.