આ અભિનેત્રી છે ગુજરાતના સૌથી ધનાઢ્ય બેંકરની વહુ, જેની પાસે છે 350000000 રૂપિયાની સંપત્તિ

તે અન્ય કોઈ નહીં પરંતુ અદિતિ આર્યા છે જેણે દેશના સૌથી ધનિક બેંકર ઉદય કોટકના પુત્ર જય કોટક સાથે લગ્ન કર્યા છે. બંનેએ વર્ષ 2023માં લગ્ન કર્યા હતા. ઉદય કોટક 'કોટક મહિન્દ્રા બેંક'ના સ્થાપક છે. જે ભારતના બેંકિંગ ક્ષેત્રનું મોટું નામ બની ગયું છે.

અદિતિ આર્યના સાસરિયાઓના બિઝનેસ વિશે વાત કરીએ તો ઉદય કોટક ગુજરાતી છે. આજેના સમયમાં 'કોટક મહિન્દ્રા બેંક' ભારતની ત્રીજી સૌથી મોટી ખાનગી બેંક છે. તે 1985 માં ઉદય કોટક દ્વારા નોન-બેંકિંગ ફાઇનાન્સ કંપની તરીકે શરૂ કરવામાં આવી હતી. જે આગળ જઈને 2003માં રિઝર્વ બેંક તરફથી બેંકિંગ લાઇસન્સ મળ્યું હતું. આજે આઉટલૂક બિઝનેસ મુજબ, કોટક મહિન્દ્રા બેંકનું માર્કેટ વેલ્યુએશન રૂ. 31,999.66 કરોડ વધીને રૂ. 3,81,649.82 કરોડ થયું છે. બ્લૂમબર્ગ બિલિયોનેર્સ ઇન્ડેક્સ અનુસાર, ઉદય કોટકની કુલ સંપત્તિ 13.4 બિલિયન ડોલર (રૂ. 1.10 લાખ કરોડ) છે.

હવે આવીએ જય કોટક પર...7 નવેમ્બર 2023 ના રોજ ઉદય કોટકના પુત્ર જય કોટકે તેમની ગર્લફ્રેન્ડ અદિતિ આર્ય સાથે લગ્ન કર્યા. બંનેના આ લગ્ન Jio કન્વેન્શન સેન્ટર મુંબઈમાં થયા હતા. અહેવાલો અનુસાર પહેલા બંનેના પ્રી-વેડિંગ ફંક્શન ઉદયપુરમાં થયું અને પછી તેઓ મુંબઈ આવ્યા અને ભવ્ય લગ્ન કર્યા.  

ઘણા અહેવાલોમાં એવો પણ દાવો કરવામાં આવ્યો છે કે અદિતિ આર્ય અને જયની 2022માં પેરિસમાં સગાઈ થઈ હતી. સોશિયલ મીડિયા પર એવા ઘણા ફોટા જોવા મળે છે જેમાં અદિતિ એફિલ ટાવરની સામે તેની સગાઈની વીંટી ફ્લોન્ટ કરતી જોવા મળે છે. આજના સમયમાં કોટક પરિવારની વહુ અદિતિની ખૂબ ચર્ચા છે.

હવે આવીએ અદિતિ આર્યની ફેમ પર...તે 2015માં મિસ ઈન્ડિયાનો તાજ માથા પર શણગારવામાં સફળ રહી હતી, તે જ વર્ષે તેણે મિસ વર્લ્ડમાં પણ ભારતનું પ્રતિનિધિત્વ કર્યું હતું. અદિતિ મૂળ ચંદીગઢની છે. તેમના પ્રાથમિક શિક્ષણ પછી તેમણે એમિટી ઇન્ટરનેશનલ સ્કૂલ ગુડગાંવમાં પ્રવેશ લીધો અને પછી 'શહીદ સુખદેવ કૉલેજ ઑફ બિઝનેસ સ્ટડીઝ'માંથી બિઝનેસ સ્ટડીઝનો અભ્યાસ કર્યો. બાદમાં એમબીએ પણ કર્યું.

અદિતિની ફિલ્મોની વાત કરીએ તો તેણે પોતાના કરિયરની શરૂઆત ટોલીવુડથી કરી હતી. પુરી જગન્નાથ દ્વારા દિગ્દર્શિત Ism માં તેણે નંદમુરી કલ્યાણ રામની સામે મુખ્ય ભૂમિકા ભજવી હતી. પહેલી જ ફિલ્મ બોક્સ ઓફિસ પર સારો બિઝનેસ કરવામાં સફળ રહી હતી. પછી તેણે કન્નડ ફિલ્મ 'કુરુક્ષેત્ર'માં કામ કર્યું. ત્યારબાદ તે વિક્રમ ભટ્ટ દ્વારા નિર્મિત હિન્દી વેબ સિરીઝ 'તંત્ર'માં જોવા મળી હતી.

તેની કારકિર્દીમાં અદિતિએ માત્ર 7 પ્રોજેક્ટ્સમાં કામ કર્યું છે જેમાં બે વેબ સિરીઝનો સમાવેશ થાય છે. તેમાંથી તેનો અત્યાર સુધીનો સૌથી મોટો બોલિવૂડ પ્રોજેક્ટ રણવીર સિંહ અને કબીર ખાનની '83' છે જેમાં તેણે ઈન્દ્રજીત ભારદ્વાજની ભૂમિકા ભજવી હતી. જોકે, અત્યાર સુધી અદિતિએ મુખ્ય ભૂમિકા તરીકે બોલિવૂડમાં સફળતાનો સ્વાદ ચાખ્યો નથી.