Vastu Tips: ઘરની આ જગ્યા છે ક્રૂર ગ્રહોનું સ્થાન, તુલસીના છોડ સહિત આ વસ્તુઓ અહીં રાખવાથી વધે છે ગરીબી

જ્યોતિષ શાસ્ત્રમાં રાહુ-કેતુને અશુભ ગ્રહ માનવામાં આવે છે. વાસ્તુ શાસ્ત્રમાં પણ ઘરની એક દિશા વિશે કહેવાય છે કે ત્યાં રાહુ-કેતુનો વાસ હોય છે. તેથી આ દિશામાં કેટલીક વસ્તુઓ રાખવાનું ટાળવું જોઈએ.

વાસ્તુ શાસ્ત્ર અનુસાર, રાહુ-કેતુ ઘરની દક્ષિણ-પશ્ચિમ દિશામાં રહે છે. જેને ઉત્તર-પશ્ચિમ દિશા પણ કહેવાય છે. જો તમે આ દિશામાં કેટલીક વસ્તુઓ રાખો છો તો તમારે ભારે નુકસાન સહન કરવા તૈયાર રહેવું પડે છે.

વાસ્તુ અનુસાર ઘરની દક્ષિણ-પશ્ચિમ દિશામાં  તિજોરી કે પૈસા રાખવાનું સ્થાન ન રાખવું. જો તમે ભૂલથી પણ આ કરો છો તો તમારે આર્થિક નુકસાનનો સામનો કરવો પડી શકે છે. આ સાથે આ દિશામાં કિંમતી વસ્તુઓ જેમ કે સોનું, ચાંદી કે ઝવેરાત વગેરે રાખવાનું ટાળવું જોઈએ.  

મંદિરને ઘરનું સૌથી પવિત્ર સ્થાન માનવામાં આવે છે. મંદિર પણ રાહુ-કેતુની દિશામાં એટલે કે દક્ષિણ-પશ્ચિમ દિશામાં ન રાખવું. આ દિશામાં મંદિર હોય તો વ્યક્તિને પૂજાનું ફળ પ્રાપ્ત થતું નથી.

તુલસીના છોડમાં દેવી લક્ષ્મીનો વાસ હોય છે. જો ઘરમાં તુલસીનો છોડ રાહુ-કેતુની દિશામાં રાખવામાં આવે તો તિજોરી ખાલી થવામાં સમય લાગતો નથી.  

બાળકોનો સ્ટડી રુમ પણ ઘરની દક્ષિણ-પશ્ચિમ દિશામાં રાખવાથી નુકસાન થઈ શકે છે. આ જગ્યાએ સ્ટડી રુમ હોય તો બાળકોનું મન અભ્યાસમાંથી વિચલિત થઈ જાય છે.