GK : વિશ્વનો એક એવો દેશ, જ્યાં આજ દિન સુધી એક પણ જવાન નથી થયો શહીદ

Military service : વિશ્વમાં અનેક દેશોની આર્મી મોટા મોટા યુદ્ધનો સામનો કરી ચૂકી છે. યુદ્ધ દરમિયાન આ દેશોની આર્મીના અનેક જવાનો શહીદ થતા હોય છે. પરંતુ એક એવો દેશ છે, જેની આર્મીનો એક પણ જવાન આજ દિન સુધી યુદ્ધમાં શહીદ થયો નથી.

સ્વિત્ઝર્લેન્ડ એક એવો દેશ છે, જેનો એક પણ જવાન આજ દિન સુધી યુદ્ધમાં શહીદ થયો નથી. આ સત્યતા સ્વિત્ઝર્લેન્ડની સ્થાયી તટસ્થતાની નીતિ સાથે જોડાયેલી છે, જેને આ દેશે છેલ્લા 200 વર્ષથી જાળવી રાખી છે. સ્વિત્ઝર્લેન્ડે 1815માં વિયેના કોંગ્રેસ પછી સ્થાયી તટસ્થતાની નીતિ અપનાવી હતી.

આ નીતિ અંતર્ગત સ્વિત્ઝર્લેન્ડે કોઈ આંતરરાષ્ટ્રીય સંઘર્ષ કે યુદ્ધમાં સામેલ ના થવાનો સંકલ્પ લીધો હતો. આ જ કારણ છે કે સ્વિત્ઝર્લેન્ડે પ્રથમ અને બીજા વિશ્વ યુદ્ધ દરમિયાન પોતાની તટસ્થતા જાળવી રાખી હતી.   

સ્વિત્ઝર્લેન્ડની સેનાનો મુખ્ય ઉદ્દેશ દેશની સુરક્ષા અને સાર્વભૌમત્વની રક્ષા કરવાનો છે. આ સેના સારી રીતે ઓર્ગેનાઈઝ્ડ અને ટ્રેન્ડ કરેલી છે, પરંતુ તેને માત્ર ડિફેન્સના ઉદ્દેશથી તૈયાર કરવામાં આવી છે.   

સ્વિત્ઝર્લેન્ડની તટસ્થતાનું સન્માન અન્ય દેશો દ્વારા પણ કરવામાં આવે છે, તેથી સ્વિત્ઝર્લેન્ડ કોઈ પણ ડાયરેક્ટ મિલિટ્રી કન્ફ્લિક્ટમાં સામેલ થયું નથી. તેનું પરિણામ એ આવ્યું કે સ્વિત્ઝર્લેન્ડના જવાનોને યુદ્ધના મેદાનમાં શહીદીનો સામનો કરવો પડ્યો નથી.