મહેલથી કમ નથી વિરાટ કોહલીનો અલીબાગમાં આવેલ આલીશાન વિલા, બંગલામાં છે અનમોલ વસ્તુઓ; જુઓ ઈનસાઈડ ફોટા

કોહલી અને અનુષ્કા આ વિલામાં રજાઓ મનાવી રહ્યા છે. આ વિલાનું નિર્માણ 8 એકર જમીન પર કરવામાં આવ્યું હતો, જે દંપતીએ 2022માં અંદાજે 19 કરોડ રૂપિયામાં ખરીદ્યો હતો. આ વિલા 10,000 સ્ક્વેર ફૂટમાં ફેલાયેલો છે.

આ વિલામાં તાપમાન નિયંત્રિત પૂલ, એક વિશિષ્ટ રસોડું, ચાર બાથરૂમ, એક જેકુઝી, એક વિશાળ પાર્ક, કવર્ડ પાર્કિંગ, સ્ટાફ ક્વાર્ટર્સ અને ઘણું બધું છે. વિલાના નિર્માણમાં ઈટાલિયન માર્બલ, પ્રાચીન પથ્થર અને તુર્કીશ ચૂનાનો પણ ઉપયોગ કરવામાં આવ્યો છે.

રિપોર્ટ્સ અનુસાર કોહલીએ વિલાના નિર્માણ પાછળ 10.5 કરોડથી 13 કરોડ રૂપિયાનો ખર્ચ કર્યો છે. આર્કિટેક્ચરલ ડાયજેસ્ટ અનુસાર કોહલી અને અનુષ્કાના વિલાને સ્ટેફન એન્ટોની ઓલ્મેસડાહલ ટ્રુએન આર્કિટેક્ટ્સ (SAOTA) દ્વારા ડિઝાઇન કરવામાં આવ્યો છે.

કોહલી અને અનુષ્કા લંડન જવાના અહેવાલો પણ આવ્યા છે, જ્યારે ખેલાડી ક્રિકેટમાં તેની કારકિર્દી સમાપ્ત કરવાનો નિર્ણય લેશે. અત્યારે બન્ને મુંબઈમાં 7,171 સ્ક્વેર ફૂટમાં ફેલાયેલા આલીશાન મકાનમાં રહે છે. તેની કિંમત 34 કરોડ રૂપિયા છે.

આ સિવાય કોહલી પાસે ગુરુગ્રામમાં 80 કરોડ રૂપિયાનો બંગલો પણ છે. દિલ્હીમાં મોટો થયેલો કોહલી ઘણા સમયથી મુંબઈમાં રહે છે. હવે લંડન શિફ્ટ થવાના સમાચારે બધાને ચોંકાવી દીધા છે. જો કે, વિરાટ અને અનુષ્કાએ હજુ સુધી આ અંગે કંઈ કહ્યું નથી.