SAMSUNG ટૂંક સમયમાં લોન્ચ કરશે Galaxy M30s અને Galaxy A30s, જાણો ફીચર્સ

નવી દિલ્હીઃ સાઉથ કોરિયન સ્માર્ટફોન મેકર સેમસંગે M Series સિરીઝના ઘણા સ્માર્ટફોન અત્યાર સુધી લોન્ચ કર્યાં છે. જાણકારી પ્રમાણે, હવે કંપની Samsung Galaxy M30s લોન્ચ કરશે. ન્યૂઝ એજન્સી IANSના રિપોર્ટ પ્રમાણે, આગામી મહિને આ સ્માર્ટફોન લોન્ચ કરવામાં આવશે. હાલમાં કિંમતને લઈને કોઈ પ્રકારની જાણકારી નથી. પરંતુ ઇન્ડસ્ટ્રીઝ સાથે જોડાયેલા લોકોનું માનવું છે કે Galaxy M સિરીઝ સ્માર્ટફોન એક બજેટ ફોન છે, તેથી તેની કિંમત 20000ની આસપાસ હોઈ શકે છે. 

લીક રિપોર્ટ્ પ્રમાણે, આ સ્માર્ટફોનમાં 48 મેગાપિક્સલનો ટ્રિપલ રિયર કેમેરા સેટઅપ હશે. આ નવા એક્સીનોસ પ્રોસેસરથી લેસ છે, જે અત્યાર સુધી લોન્ચ કરાયેલી ગેલેક્સી ડિવાઇસમાં નહતું. મહત્વનું છે કે એ રેન્જમાં કંપનીનો મુકાબલો Xiaomi K20 Pro, Mi A3 અને Realme 5 Pro સાથે થશે. આ તમામ સ્માર્ટફોનમાં 48 મેગાપિક્સલનું પ્રાઇમરી સેન્સર છે. આ સ્માર્ટફોનમાં પાવરફુલ બેટરી હશે જે ફાસ્ટ ચાર્જિંગને સપોર્ટ કરશે. 

સેમસંગે આ પહેલા Galaxy A30sને ગ્લોબલ માર્કેટમાં લોન્ચ કર્યો હતો. સૂત્રોના હવાલાથી ખબર છે કે આ સ્માર્ટફોનને પણ ઝડપથી ભારતીય બજારમાં લોન્ચ કરવામાં આવશે. ગ્લોબલ માર્કેટમાં તેની કિંમત 22000ની નજીક છે. તેમાં 4જીબીની રેમ લાગેલી છે અને ઇન્ટરનલ સ્ટોરેજ 128 જીબી છે. સ્ક્રીન 6.4 ઇંચ છે. આ ફોનમાં ઇન ડિસ્પ્લે ફિંગરપ્રિન્ટ સેન્સર ફીચર આપવામાં આવ્યું છે. કેમેરાની વાત કરીએ તો 25MP+8MP+5MPનો ટ્રિપલ રિયર કેમેરા સેટઅપ છે. સેલ્ફી કેમેા 16 મેગાપિક્સલનો છે. તેની બેટરી 4000 mAhની છે જે 15Wને સપોર્ટ કરે છે.