નવા ફેરફાર સાથે નવા નિયમો: WhatsApp ની ફ્રી સેવા ખતમ! હવે પૈસા ખર્ચીને કરવો પડશે ઉપયોગ

WhatsApp Chat Backup: અત્યાર સુધી વોટ્સએપનો ઉપયોગ કરનારા યુઝર્સને વોટ્સએપની તમામ સેવાઓ બિલકુલ ફ્રી મળી રહી છે. WhatsApp એ વિશ્વનું સૌથી લોકપ્રિય અને સૌથી વધુ ઉપયોગમાં લેવાતું મેસેજિંગ પ્લેટફોર્મ છે, તેથી આ એપ્લિકેશનનો ઉપયોગ વિશ્વભરના લાખો અને અબજો લોકો કરે છે. WhatsApp પણ તેના યૂઝર્સના અનુભવને દિવસેને દિવસે બહેતર બનાવવા માટે તેની એપ્લિકેશનમાં નવા ફેરફારો અને નવા નિયમોને લાગૂ કરતું રહે છે.

વોટ્સએપનો નવો નિયમ શું છે?
આ વખતે એટલે કે 2024 ની શરૂઆત સાથે WhatsApp એ એવો નિયમ લાગુ કર્યો છે, જેના પછી યૂઝર્સે WhatsApp ની તમામ સેવાઓનો સંપૂર્ણ ઉપયોગ કરવા માટે પૈસા ખર્ચવા પડશે. જોકે વોટ્સએપ યુઝર્સ માટે વોટ્સએપ પર કરવામાં આવેલી ચેટ્સની હિસ્ટ્રી જાળવી રાખવી ખૂબ જ મહત્વપૂર્ણ છે. ઘણા એવા યુઝર્સ છે જેઓ WhatsApp પર વર્ષો જુની ચેટ્સનો બેકઅપ રાખે છે.

WhatsApp Chat Backup will soon (first half of 2024) start counting toward your Google Account storage limit.@WhatsApp will let you know 30 days before this change happens with a banner in WhatsApp Settings > Chats > Chat backup.#WhatsApp pic.twitter.com/eveRHlkEY4

— Kunal Chowdhury (@kunaldchowdhury) January 1, 2024

આ માટે વોટ્સએપે ગૂગલ ડ્રાઇવની મદદ લીધી હતી. વૉટ્સએપ વૉટ્સએપમાં લૉગ ઇન કરતી વખતે યુઝર્સને ચેટ બેકઅપ માટે Google ID માંગતું હતું. તે પછી યુઝર્સની વોટ્સએપ ચેટ્સનું બેકઅપ ગૂગલ ડ્રાઇવમાં સ્ટોર થઈ જાય છે. આ અમર્યાદિત સુવિધા હતી. તેનો અર્થ એ છે કે તમે વોટ્સએપ પર ગમે તેટલી ચેટ કરો, તે બધી ચેટનો બેકઅપ ગૂગલ ડ્રાઇવ પર સેવ થતો હતો, પરંતુ હવે આવું નહીં થાય.

WhatsApp ચેટનું ફ્રી બેકઅપ મર્યાદિત રહેશે
હવે WhatsApp ચેટનું ફ્રી બેકઅપ મર્યાદિત રહેશે. ગૂગલ ડ્રાઇવમાં યુઝર્સને 15GB સ્ટોરેજની ફ્રી સુવિધા મળે છે, જે યુઝર્સ માટે પહેલાથી જ ઘણી ઓછી છે. કારણ કે તે 15 જીબીમાં જ યુઝર્સ તેમના ફોટા, વીડિયો, ઈમેલ અને અન્ય ડોક્યુમેન્ટ સેવ કરે છે. હવે WhatsApp ચેટ્સ પણ Google Driveના સમાન 15 GB ફ્રી સ્ટોરેજમાં સ્ટોર કરવામાં આવશે.

જો યુઝરની ગૂગલ ડ્રાઈવમાં 15 જીબી સ્ટોરેજ ફુલ થઈ જશે, તો યુઝરની વોટ્સએપ ચેટ્સનો બેકઅપ ગૂગલ ડ્રાઈવમાં સ્ટોર થશે નહીં. તે પછી, યુઝર્સે ગૂગલ વનનું સબસ્ક્રિપ્શન લઈને ગૂગલ ડ્રાઇવનું સ્ટોરેજ વધારવું પડશે જેથી કરીને તેમાં વોટ્સએપ ચેટ્સનું બેકઅપ સ્ટોર કરી શકાય.

#whatsApp started counting chat backup to #Google account storage pic.twitter.com/UlI2cPnm1a

— Leojit Thounaojam𓃵𝕏 (@Leojit_Thouna) January 3, 2024

બીટા યૂઝર્સ માટે લાગૂ થયો આ નિયમ
તમને જણાવી દઈએ કે વોટ્સએપે તેની સત્તાવાર જાહેરાત કરતી વખતે આ માહિતી આપી હતી, અને કહ્યું હતું કે આ નિયમ ડિસેમ્બર 2023 થી બીટા યૂઝર્સ માટે અને પછી 2024 ના પહેલા 6 મહિના સુધી તમામ એન્ડ્રોઇડ યૂઝર્સ માટે લાગુ કરવામાં આવશે. આ અંગે નવો નિયમ પેઇડ સર્વિસ લાગુ કરવામાં આવશે.

આ સમાચારનું લેટેસ્ટ અપડેટ એ છે કે વોટ્સએપે તેના બીટા યુઝર્સ માટે એક નવો નિયમ લાગુ કર્યો છે. X (જૂનું નામ ટ્વિટર) પર WhatsAppના ઘણા બીટા યુઝર્સે આ નવા નિયમના અમલ વિશે માહિતી આપી છે. નવા નિયમ પછી બીટા યુઝરના વોટ્સએપ ચેટ બેકઅપમાં શું ફેરફારો થયા છે.