ભ્રષ્ટાચારમાં દોષી મરિયમની અનોખી કહાની, પિતાના સિક્યોરિટી ઓફિસર સાથે કર્યા હતા લગ્ન

28 ઓક્ટોબર 1973ના રોજ લાહોરમાં જન્મેલી મરિયમ નવાઝ શરીફે પોતાનું શરૂઆતી શિક્ષણ લાહોરમાં લીધું. ત્યારબાદ તે મેડિકલના શિક્ષણ માટે ઈંગ્લેન્ડની કિંગ એડવર્ડ મેડિકલ કોલેજમાં ગઈ.

Last Updated: Jul 06, 2018, 07:07 PM IST

ભ્રષ્ટાચારમાં દોષી મરિયમની અનોખી કહાની, પિતાના સિક્યોરિટી ઓફિસર સાથે કર્યા હતા લગ્ન

નવી દિલ્હીઃ પાકિસ્તાનમાં એક મોટા નિર્ણયે નવાઝ શરીફ અને તેના પરિવારના રાજનીતિક ભવિષ્ય પર પ્રશ્નચિન્હ લગાવી દીધો છે. ખાસ કરીને તેની પુત્રી મરિયમ નવાઝ શરીફને લઈને આશંકાના વાદળો ઘેરાયેલા છે. 28 ઓક્ટોબર 1973ના રોજ લાહોરમાં જન્મેલી મરિયમ નવાઝ શરીફે પોતાનું શરૂઆતી શિક્ષણ લાહોરમાં લીધું. ત્યારબાદ તે મેડિકલના શિક્ષણ માટે ઈંગ્લેન્ડની કિંગ એડવર્ડ મેડિકલ કોલેજમાં ગઈ. પરંતુ ત્યાં પોતાની ડિગ્રી પૂર્ણ ન કરી શકી. કારણ કે પાકિસ્તાનમાં વિપક્ષના નેતાએ તેની એડમિશનની પ્રક્રિયા પર સવાલ ઉઠાવ્યા હતા.

બાદમાં મરિયમે પાકિસ્તાનમાં પોતાનું શિક્ષણ પૂરુ કર્યું. 1992માં તેણે 19 વર્ષની ઉંમરમાં લગ્ન કર્યા. તેણે પોતાના પિતાના સિક્યોરિટી ઓફિસર મુહમ્મદ સફદર અવાન સાથે લગ્ન કર્યા. તેને ત્રણ બાળકો છે.

પાકિસ્તાનના પૂર્વ PM નવાઝ શરીફને 10 અને પુત્રી મરિયમને 7 વર્ષની જેલની સજા

2012માં તેણે પોતાનું રાજનીતિક કેરિયર શરુ કર્યું. 2013માં તેણે પોતાના પિતાના પ્રચારની તમામ જવાબદારી ઉપાડી. 2013માં તે પ્રાઇમ મિનિસ્ટર યૂથ પ્રોગ્રામની ચેયરપર્સન બની. અહીં પણ વિવાદ થયો. વિપક્ષે તેની નિમણૂક પર સવાલ ઉઠાવ્યા અને તેણે ખુરશી છોડવી પડી.