ଅକ୍ଷୟ କୁମାର ମାଗିଲେ କ୍ଷମା, ଜାଣନ୍ତୁ ଏହା ପଛର କାରଣ

ମୁମ୍ୱାଇ: Akshay Kumar: ଗୁଟଖା ବିଜ୍ଞାପନ ପାଇଁ ଗତ କିଛି ଦିନ ହେବ ସମାଲୋଚନାର ଶିକାର ହୋଇଥିବା ବଲିଉଡର ଭେଟେରାନ ଆକ୍ଟର  ଅକ୍ଷୟ କୁମାର ତାଙ୍କ ପ୍ରଶଂସକଙ୍କ ନିକଟରେ କ୍ଷମା ପ୍ରାର୍ଥନା କରିଛନ୍ତି । ଅକ୍ଷୟ କୁମାର (Akshay Kumar) ସୋସିଆଲ ମିଡିଆରେ ଏକ ପୋଷ୍ଟ ଜାରି କରି କହିଛନ୍ତି ଯେ ସେ ତାଙ୍କ ପ୍ରଶଂସକଙ୍କ ଭାବନାକୁ ସମ୍ମାନ କରନ୍ତି ଓ ଏହି ବିଜ୍ଞାପନ ପାଇଁ ପାଦ ଫେରେଇ ନେଇଛନ୍ତି ।

ନିଜ ଟ୍ୱିଟର ଓ ଇନଷ୍ଟାଗ୍ରାମରେ ପୋଷ୍ଟସେୟାର କରି ଅକ୍ଷୟ କୁମାର (Akshay Kumar) କହିଛନ୍ତି, ମୁଁ ମୋର ସମସ୍ତ ପ୍ରଶଂସକ ଓ ଶୁଭେଚ୍ଛୁମାନଙ୍କୁ କ୍ଷମା ମାଗିବାକୁ ଚାହେଁ । ଆପଣଙ୍କ ପ୍ରତିକ୍ରିୟା ମୋତେ ବହୁତ ପ୍ରଭାବିତ କରିଛି । ଯଦିଓ ମୁଁ କେବେ ତମାଖୁକୁ ସମର୍ଥନ କରେ ନାହିଁ, କିମ୍ବା ମୁଁ ଆଗକୁ ମଧ୍ୟ ଏହା କେବେ ସମର୍ଥନ କରିବି ନାହିଁ । ବିମଲ୍ ଏଲାଇଚି ସହ ମୋର ଆସୋସିଏସନ ପରେ ମୁଁ ଆପଣମାନଙ୍କ ଭାବନାକୁ ପ୍ରଶଂସା କରେ । ତେଣୁ ସମସ୍ତ ନମ୍ରତା ସହିତ ମୁଁ ମୋର ପାଦ ପଛକୁ ନେଉଛି ।

ଖିଲାଡି କୁମାର ନିଜର ଏହି ପୋଷ୍ଟରେ ଆହୁରି ଲେଖିଛନ୍ତି, ମୁଁ ନିଷ୍ପତ୍ତି ନେଇଛି ଯେ ମୁଁ ଏହି ବିଜ୍ଞାପନରୁ ପ୍ରାପ୍ତ ସମସ୍ତ ଟଙ୍କାକୁ ଏକ ଉତ୍ତମ କାରଣରେ ଲଗେଇବି । ତଥାପି, ମୋର କ୍ଷମା ପ୍ରାର୍ଥନା ପରେ ମୋର ଚୁକ୍ତିନାମାର ଆଇନଗତ ସମୟ ସୀମା ପୂରଣ ନହେବା ପର୍ଯ୍ୟନ୍ତ ତମାଖୁ ବ୍ରାଣ୍ଡ ଏହି ବିଜ୍ଞାପନ ବ୍ୟବହାର ଜାରି ରଖିବ । କିନ୍ତୁ ମୁଁ ଆପଣ ସମସ୍ତଙ୍କୁ ପ୍ରତିଶୃତି ଦେଉଛି ଯେ ମୁଁ ମୋର ପରବର୍ତ୍ତୀ ବିକଳ୍ପଗୁଡ଼ିକୁ ବହୁତ ଭାବି ଚିନ୍ତି ବାଛିବି । ଏହାର ପ୍ରତିବଦଳରେ ମୁଁ ଆପଣ ସମସ୍ତଙ୍କ ପ୍ରେମ ଓ ଶୁଭେଚ୍ଛା ଚାହୁଁଛି ।

ଏକ ସାକ୍ଷାତକାରରେ ବଲିଉଡ ଅଭିନେତା ଅଜୟ ଦେବଗନ କହିଛନ୍ତି ଯେ, ଯେତେବେଳେ ଆପଣ ଏକ ବିଜ୍ଞାପନ କରନ୍ତି, ଏହା ଆପଣଙ୍କର ବ୍ୟକ୍ତିଗତ ପସନ୍ଦ ଅଟେ । ତା’ପରେ ଆପଣ ମଧ୍ୟ ଦେଖିବେ ଏହା କେତେ କ୍ଷତି କରେ । ମୁଁ ନିଜ ପାଇଁ ଏହା କହିବି ଯେ ଯେ ମୁଁ ଗୁଜୁରାତିର ବିଜ୍ଞାପନ କରେ । ଅଭିନେତା କହିଛନ୍ତି ଯେ ମୁଁ ବିଶ୍ୱାସ କରେ ଯେ ସମସ୍ୟା ବିଜ୍ଞାପନରେ ନାହିଁ, ଯଦି କିଛି ଭୁଲ୍ ତେବେ ଏହା ଆଦୌ ବିକ୍ରି ହେବା ଉଚିତ୍ ନୁହେଁ । ଲୋକମାନେ ଏହାକୁ କିଣୁଛନ୍ତି କାହିଁକି?

ଏଠି କହି ରଖୁଛୁ ଗୁଟଖା କମ୍ପାନୀର ବିଜ୍ଞାପନ ଯୋଗୁଁ ଅକ୍ଷୟ କୁମାର କିଛି ଦିନ ହେବ ସମାଲୋଚନାରେ ଘେରି ରହିଥିଲେ । ଏହି ବିଜ୍ଞାପନରେ ପୂର୍ବରୁ ବଲିଉଡ ଅଭିନେତା ଅଜୟ ଦେବଗନ ଓ ଶାହାରୁଖ ଖାନ ଏକାଠି ନଜର ଆସିଛନ୍ତି । ଲୋକମାନେ ସୋସିଆଲ ମିଡିଆରେ ଏହି ତିନି କଳାକାରଙ୍କ ବିରୋଧରେ ବିଷ ଓଗାଳୁଛନ୍ତି ।

ଏହା ବି ପଢ଼ନ୍ତୁ:-ରାଜଧାନୀରେ ଚାଞ୍ଚଲ୍ୟ, ବିଜେପି ନେତାଙ୍କୁ ଗୁଳି କରି ହତ୍ୟା

ଏହା ବି ପଢ଼ନ୍ତୁ:-ଗୁଜୁରାଟର କଂଗ୍ରେସ ବିଧାୟକଙ୍କୁ ଗିରଫ କଲା ଆସାମ ପୋଲିସ, ଜାଣନ୍ତୁ କ'ଣ ରହିଛି କାରଣ

ଲୋକମାନେ କହିଛନ୍ତି ଯେ, ସରକାର ଏହି ତିନି କଳାକାରଙ୍କୁ ପଦ୍ମଶ୍ରୀ ପୁରସ୍କାରରେ ସମ୍ମାନିତ କରିଛନ୍ତି । ଏହା ହେଉଛି ଦେଶର ଚତୁର୍ଥ ସର୍ବୋଚ୍ଚ ନାଗରିକ ସମ୍ମାନ, କିନ୍ତୁ ଦେଶର ପ୍ରଗତିରେ ସହଯୋଗ କରିବା ପରିବର୍ତ୍ତେ ସେହି କଳାକାରମାନେ ଗୁଟଖା କମ୍ପାନୀର ଉତ୍ପାଦକୁ ପ୍ରୋତ୍ସାହିତ କରିବାରେ ଲାଗିଛନ୍ତି । ଅନେକ ଲୋକ ତାଙ୍କ ଚଳଚ୍ଚିତ୍ର ବୟକଟ ଓ ପଦ୍ମଶ୍ରୀ ପୁରସ୍କାର ପ୍ରତ୍ୟାହାର କରିବାକୁ ମଧ୍ୟ ଦାବି କରିଥିଲେ ।

ବର୍ତ୍ତମାନ ଅକ୍ଷୟ କୁମାରଙ୍କ କ୍ଷମା ପ୍ରାର୍ଥନା ପରେ ଏହି ବିବାଦ ଏଠାରେ ଶେଷ ହେବ ବୋଲି ମନେ କରାଯାଉଛି । ଏହି କ୍ଷମା ପ୍ରାର୍ଥନା ସହିତ ଅକ୍ଷୟ କୁମାର ପ୍ରଶଂସକମାନଙ୍କୁ ସେମାନଙ୍କର ସମର୍ଥନ ରଖିବାକୁ ଅନୁରୋଧ କରିଛନ୍ତି ।