ସୁପରଷ୍ଟାର ଉତ୍ତମ ମହାନ୍ତିଙ୍କ ସହ ବାବୁସାନ୍, ବାପା-ପୁଅଙ୍କ ବିଶେଷ ଫଟୋ ହେଉଛି ଭାଇରାଲ୍

ଓଡ଼ିଆ ସିନେଜଗତ ପାଇଁ ବରିଷ୍ଠ ଅଭିନେତା ଉତ୍ତମ ମହାନ୍ତିଙ୍କ ପରିବାରର ଅବଦାନ ଅତୁଳନୀୟ ବୋଲି ସାଧାରଣରେ ଚର୍ଚ୍ଚା ହୋଇଥାଏ।

ଅଭିନେତା ଉତ୍ତମ ମହାନ୍ତି ଏବଂ ଅଭିନେତ୍ରୀ ଅପରାଜିତାଙ୍କ ପରି ପୁଅ ବାବୁସାନ ମଧ୍ୟ କଳା ଦୁନିଆରେ ଲୋକପ୍ରିୟତା ହାସଲ କରିବାରେ ସଫଳ ହୋଇଛନ୍ତି ।

ଓଲିଉଡର ପ୍ରାୟ ଅଧିକାଂଶ କଳାକାର ଏହି ପରିବାରକୁ ଖୁବ ପସନ୍ଦ କରିଥାନ୍ତି । ଅନେକ ସମୟରେ କଳାକାରଙ୍କ ଆସର ମଧ୍ୟ ଜମିଥାଏ ଉତ୍ତମ-ଅପରାଜିତାଙ୍କ ଘରେ 

ବାବୁସାନଙ୍କୁ ଓଲିଉଡର ଅଧିକାଂଶ କଳାକାର ଭଲପାଆନ୍ତି । ଅଭିନୟ ନୃତ୍ୟ ସାଙ୍ଗକୁ ବାବୁସାନଙ୍କ ଗୀତ ଗାଇବାକୁ ମଧ୍ୟ ଦର୍ଶକେ ପସନ୍ଦ କରନ୍ତି ।

ବାପାଙ୍କ ସ୍ୱାସ୍ଥ୍ୟ ଖରାପ ହେବା ପରେ ଖୁବ ବ୍ୟସ୍ତ ହୋଇପଡିଥିଲେ ବାବୁସାନ । କିନ୍ତୁ ଓଲିଉଡର କିଛି କଳାକାର ବାବୁସାନଙ୍କ ପାଖେପାଖେ ରହି ତାଙ୍କୁ ସାହସ ଦେଇଥିଲେ ।

ବର୍ତ୍ତମାନ ରାଜ୍ୟ ବାହାରେ ଉତ୍ତମ ମହାନ୍ତିଙ୍କ ଚିକିତ୍ସା ଚାଲୁଥିବା ସମୟରେ ବାବୁସାନ ସମସ୍ତ କର୍ତ୍ତବ୍ୟ ପୁଅ ହିସାବରେ ପାଳନ କରୁଛନ୍ତି ।

ନିକଟରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଏବଂ ସୁପରଷ୍ଟାର ଅନୁଭବ ମହାନ୍ତି ମଧ୍ୟ ବାବୁସାନଙ୍କୁ ଭେଟି ଉତ୍ତମ ମହାନ୍ତିଙ୍କ ସ୍ୱାସ୍ଥ୍ୟବସ୍ଥା ସମ୍ପର୍କରେ ପଚାରି ବୁଝିଛନ୍ତି ।