Top 10 Powerful Countries: ଏହା ହେଉଛି ବିଶ୍ୱର ୧୦ ସବୁଠାରୁ ଶକ୍ତିଶାଳୀ ଦେଶ, ଜାଣନ୍ତୁ କେଉଁ ନମ୍ବରରେ ରହିଛି ଭାରତ?

Most Powerful Countries in World: ଫୋବର୍ସର ୨୦୨୫ ମସିହାର ଶ୍ରେଷ୍ଠ ୧୦ ଶକ୍ତିଶାଳୀ ଦେଶ ତାଲିକାରୁ ଭାରତକୁ ବାଦ ଦିଆଯାଇଛି। ଆମେରିକା, ଚୀନ୍ ଏବଂ ରୁଷ ଶୀର୍ଷ ସ୍ଥାନ ବଜାୟ ରଖିଛନ୍ତି। କିନ୍ତୁ ଏହି ତାଲିକାରେ ଭାରତର ଅନୁପସ୍ଥିତି ଅନେକ ପ୍ରଶ୍ନ ଉଠାଇଛି।

World’s 10 most powerful countries in 2025: ଫୋବର୍ସ ବିଶ୍ୱର ୧୦ଟି ସବୁଠାରୁ ଶକ୍ତିଶାଳୀ ଦେଶର ସଦ୍ୟତମ ତାଲିକା ପ୍ରକାଶ କରିଛି। ଏହି ତାଲିକାରେ ଯୁକ୍ତରାଷ୍ଟ୍ର ୧ ନମ୍ବର ସ୍ଥାନରେ ଥିବା ବେଳେ ପଡ଼ୋଶୀ ଚୀନ୍ ଦ୍ୱିତୀୟ ସ୍ଥାନ ପାଇଛି। ଯେତେବେଳେ କି ଇସ୍ରାଏଲ ସବୁଠାରୁ ଶକ୍ତିଶାଳୀ ଦେଶ ତାଲିକାରେ ୧୦ ନମ୍ବରରେ ଅଛି। କହି ରଖୁଛୁ ଯେ ଏହି ର଼୍ୟାଙ୍କିଂ ଅନେକ ବିଭିନ୍ନ କାରଣ ଉପରେ ଆଧାରିତ। କିନ୍ତୁ ଏକ ବୃହତ ଜନସଂଖ୍ୟା, ବିଶ୍ୱର ଚତୁର୍ଥ ବୃହତ ସାମରିକ ଏବଂ ପଞ୍ଚମ ବୃହତ ଅର୍ଥନୀତି ସତ୍ତ୍ୱେ ଭାରତକୁ ଏହି ତାଲିକାରେ ସ୍ଥାନ ନ ମିଳିବାକୁ ନେଇ ଏକ ବିତର୍କ ସୃଷ୍ଟି କରିଛି।

ଫୋବର୍ସ ସ୍ପଷ୍ଟ କରିଛି ଯେ ତାଲିକାଟି ୟୁଏସ୍ ନ୍ୟୁଜ୍ ଦ୍ୱାରା ସଂକଳିତ ହୋଇଥିଲା ଏବଂ ର଼୍ୟାଙ୍କିଂ ପାଞ୍ଚଟି ପ୍ରମୁଖ ପାରାମିଟର ଉପରେ ଆଧାରିତ ଥିଲା: ନେତୃତ୍ୱ, ଅର୍ଥନୈତିକ ପ୍ରଭାବ, ରାଜନୈତିକ ଶକ୍ତି, ଦୃଢ଼ ଅନ୍ତର୍ଜାତୀୟ ମେଣ୍ଟ ଏବଂ ସାମରିକ ଶକ୍ତି।

ପେନସିଲଭାନିଆ ବିଶ୍ୱବିଦ୍ୟାଳୟର ହ୍ୱାର୍ଟନ ସ୍କୁଲର ପ୍ରଫେସର ଡେଭିଡ ରେବଷ୍ଟାଇନଙ୍କ ନେତୃତ୍ୱରେ ଗବେଷକଙ୍କ ସହଯୋଗରେ ଏବଂ ୟୁଏସ୍ ନ୍ୟୁଜ୍ ଆଣ୍ଡ ୱାର୍ଲ୍ଡ ରିପୋର୍ଟ ସହିତ ମିଳିତ ଭାବରେ ବିଶ୍ୱସ୍ତରୀୟ ମାର୍କେଟିଂ ଫାର୍ମ WPPର ଏକ ୟୁନିଟ୍ BAV ଗ୍ରୁପ୍ ଦ୍ୱାରା ଏହି ର଼୍ୟାଙ୍କିଂ ପଦ୍ଧତି ବିକଶିତ କରାଯାଇଥିଲା। ଏଥର ମଧ୍ୟ ବିଶ୍ୱର ୧୦ଟି ଶକ୍ତିଶାଳୀ ଦେଶ ମଧ୍ୟରେ ଆମେରିକା ଶୀର୍ଷରେ ରହିଛି। ଶକ୍ତିଶାଳୀ ଏବଂ ବିବିଧ ଶିଳ୍ପ, ଅତ୍ୟଧିକ ସାମରିକ ଖର୍ଚ୍ଚ ଓ ଶୀର୍ଷ ସୂଚନା ପ୍ରଯୁକ୍ତିବିଦ୍ୟା କମ୍ପାନୀଗୁଡ଼ିକର ଉପସ୍ଥିତି ଆମେରିକାକୁ ବିଶ୍ୱର ସବୁଠାରୁ ଶକ୍ତିଶାଳୀ ଅର୍ଥନୀତି ହେବାରେ ସାହାଯ୍ୟ କରିଛି।

ବିଶ୍ୱର ପଞ୍ଚମ ବୃହତ୍ତମ ଅର୍ଥନୀତି ଏବଂ ଚତୁର୍ଥ ବୃହତ୍ତମ ସାମରିକ ଶକ୍ତି ହେବା ସତ୍ତ୍ୱେ ଭାରତ ଏହି ତାଲିକାରେ ସ୍ଥାନ ପାଇପାରିଲା ନାହିଁ। ଏହା ପ୍ରଶ୍ନ ଉଠାଏ ଯେ ଭାରତକୁ ଏହି ତାଲିକାରୁ କାହିଁକି ବାହାରେ ରଖାଗଲା। ଫୋବର୍ସର ବିଶ୍ୱ ସୁପରପାୱାର ଭାବରେ ଶ୍ରେଷ୍ଠ ୧୦ ଦେଶ ତାଲିକାରେ ସାମିଲ ହୋଇଥିବା ଦେଶଗୁଡ଼ିକ ହେଉଛି ଆମେରିକା, ଚୀନ୍, ରୁଷ, ୟୁକେ, ଜର୍ମାନୀ, ଦକ୍ଷିଣ କୋରିଆ, ଫ୍ରାନ୍ସ, ଜାପାନ, ସାଉଦି ଆରବ ଏବଂ ଇସ୍ରାଏଲ। ଏହି ତାଲିକାରେ ଭାରତର ନାମ କୌଣସି ସ୍ଥାନରେ ନାହିଁ, ଯାହା ଏକ ଆଶ୍ଚର୍ଯ୍ୟଜନକ କଥା।

ଏହି ତାଲିକାରୁ ଭାରତକୁ ବାଦ ଦିଆଯିବା ଏକ ବିତର୍କର ବିଷୟ ପାଲଟିଛି। ଭାରତର ଅର୍ଥନୀତି ୨୦୨୫ ସୁଦ୍ଧା ୫ ଟ୍ରିଲିୟନ ଡଲାର ହେବା ଆଡ଼କୁ ଗତି କରୁଛି। ଭାରତରେ ବିଶ୍ୱର ସର୍ବାଧିକ ଜନସଂଖ୍ୟା ଅଛି। ଯାହା ଏହାକୁ ସବୁଠାରୁ ବଡ଼ ବଜାର ମଧ୍ୟରୁ ଗୋଟିଏ କରିଥାଏ। ଭାରତ ଚନ୍ଦ୍ରାଯାନ-୩ ଏବଂ ପ୍ରତିରକ୍ଷା କ୍ଷେତ୍ରରେ ନୂତନ ସଫଳତା ହାସଲ କରିଛି। ଯାହା ଏହାର ବୈଜ୍ଞାନିକ ଏବଂ ପ୍ରଯୁକ୍ତିବିଦ୍ୟା ଶକ୍ତିକୁ ପ୍ରତିଫଳିତ କରେ। ଏହା ସତ୍ତ୍ୱେ ଫୋର୍ବସ୍ ଭାରତକୁ ଏକ ବିଶ୍ୱ ସୁପରପାୱାର ଭାବରେ ସ୍ୱୀକୃତି ଦେଇ ନଥିଲା।