Delhi New CM: ରେଖା ଗୁପ୍ତା ହେବେ ଦିଲ୍ଲୀ ମୁଖ୍ୟମନ୍ତ୍ରୀ, ପର୍ବେଶ ବର୍ମା ଉପ-ମୁଖ୍ୟମନ୍ତ୍ରୀ

Delhi New CM: ରେଖା ଗୁପ୍ତା ଦିଲ୍ଲୀର ନୂତନ ମୁଖ୍ୟମନ୍ତ୍ରୀ ହେବେ। ରେଖା ଗୁପ୍ତା ଶାଲିମାର ବାଗ ଆସନରୁ ବିଧାୟକ ନିର୍ବାଚୀତ ହୋଇଛନ୍ତି। ନୂଆଦିଲ୍ଲୀ ଆସନରୁ ପୂର୍ବତନ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲଙ୍କୁ ପରାସ୍ତ କରିଥିବା ପର୍ବେଶ ବର୍ମା ଉପମୁଖ୍ୟମନ୍ତ୍ରୀ ହେବେ। ବିଜେପି ଏହା ଘୋଷଣା କରିଛି।

Delhi New CM: ରେଖା ଗୁପ୍ତା ଦିଲ୍ଲୀର ନୂତନ ମୁଖ୍ୟମନ୍ତ୍ରୀ ହେବେ। ରେଖା ଗୁପ୍ତା ଶାଲିମାର ବାଗ ଆସନରୁ ବିଧାୟକ ନିର୍ବାଚୀତ ହୋଇଛନ୍ତି। ନୂଆଦିଲ୍ଲୀ ଆସନରୁ ପୂର୍ବତନ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲଙ୍କୁ ପରାସ୍ତ କରିଥିବା ପ୍ରର୍ବେଶ ବର୍ମା ଉପମୁଖ୍ୟମନ୍ତ୍ରୀ ହେବେ। ବିଜେପି ଏହା ଘୋଷଣା କରିଛି। ମୁଖ୍ୟମନ୍ତ୍ରୀ ଚୟନ କରିବା ପାଇଁ ବିଜେପି ବରିଷ୍ଠ ନେତା ରବି ଶଙ୍କର ପ୍ରସାଦ ଏବଂ ଓମ ପ୍ରକାଶ ଧନଖଡ଼ଙ୍କୁ ନିଯୁକ୍ତ କରିଥିଲା।

କହିରଖୁଛୁ ଯେ ବିଧାନସଭା ନିର୍ବାଚନରେ ​​ବିଜେପି ଏକ ବଡ଼ ବିଜୟ ହାସଲ କରିଛି ଏବଂ ଦଳର ୨୭ ବର୍ଷର ନିର୍ବାସନ ଶେଷ ହୋଇଛି। ୭୦ ଆସନ ବିଶିଷ୍ଟ ବିଧାନସଭାରେ ବିଜେପି ୪୮ଟି ଏବଂ ଆମ ଆଦମୀ ପାର୍ଟି ୨୨ଟି ଆସନ ଜିତିଛି। ପୁଣିଥରେ ଦିଲ୍ଲୀରେ କଂଗ୍ରେସର ଖାତା ଖୋଲିପାରି ନାହିଁ।

#WATCH | Rekha Gupta to be Delhi Chief Minister, elected leader at BJP legislators meeting pic.twitter.com/eXUJ5rhAVc

— ANI (@ANI) February 19, 2025

ବିଜେପି ମଧ୍ୟ ଏହାର X ହ୍ୟାଣ୍ଡେଲରେ ଏହି ସୂଚନା ଦେଇଛି ଏବଂ ରେଖା ଗୁପ୍ତାଙ୍କୁ ଅଭିନନ୍ଦନ ଜଣାଇଛି। ବିଜେପି ଟ୍ୱିଟରରେ ପୋଷ୍ଟ କରି କହିଛି, 'ଦିଲ୍ଲୀ ବିଜେପି ବିଧାୟକ ଦଳର ନେତା ନିର୍ବାଚିତ ହେବା ପାଇଁ ଶ୍ରୀମତୀ ରେଖା ଗୁପ୍ତା ଜୀଙ୍କୁ ହାର୍ଦ୍ଦିକ ଅଭିନନ୍ଦନ ଏବଂ ଶୁଭେଚ୍ଛା।' ଆମର ପୂର୍ଣ୍ଣ ବିଶ୍ୱାସ ଯେ ଆପଣଙ୍କ ନେତୃତ୍ୱରେ ରାଜ୍ୟ ପ୍ରଗତି କରିବ।'

श्रीमती रेखा गुप्ता जी को दिल्ली भाजपा विधायक दल का नेता चुने जाने पर हार्दिक बधाई एवं अशेष शुभकामनाएँ।

हमें पूर्ण विश्वास है कि आपके नेतृत्व में प्रदेश उत्तरोत्तर प्रगति करेगा। pic.twitter.com/K8Mu5SyvdV

— BJP Delhi (@BJP4Delhi) February 19, 2025

ରେଖା ଗୁପ୍ତା ଦିଲ୍ଲୀର ନୂତନ ମୁଖ୍ୟମନ୍ତ୍ରୀ ହେବାକୁ ଯାଉଛନ୍ତି। ସେ ଗୁରୁବାର ଦିନ ରାମଲୀଳା ମୈଦାନରେ ମୁଖ୍ୟମନ୍ତ୍ରୀ ଭାବରେ ଶପଥ ନେବେ। ରେଖା ଗୁପ୍ତା ମୁଖ୍ୟମନ୍ତ୍ରୀ ଚୟନ ହେବା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତାଙ୍କୁ ଫୋନ୍ କରି ଅଭିନନ୍ଦନ ଜଣାଇଛନ୍ତି।