KIIT Tragedy Viral Images: ଏପଟେ ଛାତ୍ରୀଙ୍କ ମୃତ୍ୟୁ ନେଇ ହୋହଲ୍ଲା, ସେପଟେ ଶୋକସଭା ଆୟୋଜନ କଲା କିଟ୍

ସେପଟେ ମୃତ ଛାତ୍ରୀଙ୍କ ନିକଟରୁ ଜବତ୍ ମୋବାଇଲ ଓ ଲାପଟପ୍‌ରୁ ତଥ୍ଯ ଜାଣିବା ପାଇଁ ରାଜ୍ଯ ଫରେନସିକ୍ ଲାବ୍କୁ ପଠାଯାଇଛି। ଅନ୍ୟପଟେ କିଟ୍ ଅନ୍ତର୍ଜାତୀୟ ସମ୍ପର୍କ ଅଧିକାରୀ (ଆଇଆରଓ) , ନେପାଳୀ ଛାତ୍ରୀଙ୍କୁ ଧମକ ଦେଇଥିବା ୨ ହଷ୍ଟେଲ୍ ୱାର୍ଡେନଙ୍କୁ ଜେରା କରିବା ପାଇଁ ନୋଟିସ୍ ଜାରି କରାଯାଇଛି।

Also Read: KIIT University Viral Photos: ମୃତ ନେପାଳୀ ଛାତ୍ରୀଙ୍କୁ ନିର୍ଯାତନା ଦେଉଥିବା ବୟଫ୍ରେଣ୍ଡ ର ଫଟୋ ଭାଇରାଲ

Also Read: KIIT University Fees: କିଟ୍ ରେ ପଢିବାକୁ ଚାହୁଁଛନ୍ତି କି? ଜାଣନ୍ତୁ କେଉଁ କୋର୍ସ ପାଇଁ କେତେ ଦେବାକୁ ପଡେ ଫି?

ଏହାରି ମଧ୍ୟରେ ଅନେକ ଫଟୋ ଭାଇରାଲ ହେବାରେ ଲାଗିଛି। ଛାତ୍ରଛାତ୍ରୀ ମାନେ ପ୍ଲାକାର୍ଡ ଧରି କିଟ୍ ବିଶ୍ୱବିଦ୍ୟାଳୟର ସାମ୍ନାରେ ଓ ହଷ୍ଟେଲ ସାମ୍ନାରେ ବିକ୍ଷୋଭ ଜାରି ରଖିଛନ୍ତି। 

କିଟ୍ ଅଶାନ୍ତ ହୋଇ ଉଠୁଥିବା ବେଳେ ନ୍ୟାୟ ଦାବିରେ ଗତରାତିରେ କିଟ୍ ଛାତ୍ରଛାତ୍ରୀ କ୍ୟାଣ୍ଡେଲ ଶୋଭାଯାତ୍ରା କରିଥିଲେ । ଏବେ କିଟ୍ ମୁଖ୍ୟ ଫାଟକ ସାମନାରେ ପୋଲିସ୍ ଛାଉଣୀ ।  ୪ ପ୍ଲାଟୁନ ପୋଲିସ୍ ଫୋର୍ସ ମୁତୟନ ଅଛନ୍ତି । ଅତିରିକ୍ତ ଡିସିପିଙ୍କ ସହ ବହୁ ବରିଷ୍ଠ ଅଧିକାରୀଙ୍କୁ ନିୟୋଜିତ କରାଯାଇଛି। 

ଅନ୍ୟପଟେ ଏହାରି ମଧ୍ୟରେ କିଟ୍ ବିଶ୍ୱବିଦ୍ୟାଳୟ କିଛି ଘଣ୍ଟା ପୂର୍ବରୁ କିଛି ଟା ଫଟୋ ସେୟାର କରିଛି । ଏହି ଫଟୋରେ କ୍ୟାପସନ ରଖାଯାଇଛି ଯେ, ଆମର ପ୍ରିୟ ଛାତ୍ରୀଙ୍କ ଅକାଳ ବିୟୋଗରେ ଗଭୀର ଶୋକ ପ୍ରକାଶ କରୁଛୁ। 

ମଙ୍ଗଳବାର କିଟ୍ ର ସମସ୍ତ ବରିଷ୍ଠ କର୍ମକର୍ତ୍ତା ଏକତ୍ରିତ ହୋଇ ଗଭୀର ସମବେଦନା ଜଣାଇବା ସହ ତାଙ୍କ ପରିବାର, ବନ୍ଧୁ, ଓ ଛାତ୍ର ସମ୍ପ୍ରଦାୟ ପ୍ରତି ସମବେଦନା ଜଣାଉଛୁ। ସମସ୍ତଙ୍କ ପାଇଁ ନ୍ୟାୟ ଏବଂ ସମର୍ଥନ ସୁନିଶ୍ଚିତ କରିବାକୁ ଆମେ ପ୍ରତିଶ୍ରୁତି ବଦ୍ଧ। ଛାତ୍ରୀଙ୍କ ଆତ୍ମାକୁ ଶାନ୍ତି ମିଳୁ ବୋଲି ଏହି ପୋଷ୍ଟରେ ଉଲ୍ଲେଖ ରହିଛି।