SCO ରୁ ଫେରିବା ପରେ ପ୍ରଥମ ଥର ପାଇଁ ନଜର ଆସିଲେ ଜିନପିଙ୍ଗ, ଜାଣନ୍ତୁ ଗୃହବନ୍ଦୀ ପଛରେ ସତ୍ୟତା

Xi Jinping Update: କହିରଖୁଛୁ ଯେ ସି ଜିନପିଙ୍ଗ ଉଜବେକିସ୍ତାନରେ ଅନୁଷ୍ଠିତ ଏସସିଓ ବୈଠକରେ ଭାଗ ନେଇଥିଲେ । ଏଥିରେ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ଋଷର ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ସମେତ ବହୁ ରାଷ୍ଟ୍ର ମୁଖ୍ୟ ଉପସ୍ଥିତ ଥିଲେ । କିନ୍ତୁ ଫେରିବା ପରେ ଖୁବ ଶୀଘ୍ର ତାଙ୍କୁ ଗୃହବନ୍ଦୀ ରଖାଯାଇଛି ବୋଲି ଚର୍ଚ୍ଚା ହୋଇଥିଲା ।

Xi Jinping: ଏସସିଓ ଶିଖର ସମ୍ମିଳନୀରୁ (SCO summit) ଫେରିବା ପରେ ଚୀନ୍ ରାଷ୍ଟ୍ରପତି ସି ଜିନପିଙ୍ଗ (Xi Jinping) ପ୍ରଥମ ଥର ପାଇଁ ମଙ୍ଗଳବାର ଦିନ ସର୍ବସାଧାରଣରେ ହାଜର ହୋଇଛନ୍ତି । ଚୀନର ସରକାରୀ ଟେଲିଭିଜନ ଅନୁଯାୟୀ, ସି ଜିନପିଙ୍ଗ ପ୍ରଥମ ଥର ପାଇଁ ସେପ୍ଟେମ୍ବର ମଧ୍ୟଭାଗରେ ଉଜବେକିସ୍ତାନରୁ (Uzbekista) ଫେରିଥିଲେ । ଆସନ୍ତା ମାସରେ କମ୍ୟୁନିଷ୍ଟ ପାର୍ଟିର ଏକ ବୈଠକ ଅନୁଷ୍ଠିତ ହେବ, ଯେଉଁଥିରେ ସି ଜିନପିଙ୍ଗ କ୍ରମାଗତ ତୃତୀୟ ଥର ପାଇଁ ରାଷ୍ଟ୍ରପତି ଭାବରେ ନିର୍ବାଚିତ ହେବେ । ଏହା ବ୍ୟତୀତ ସେ ପିଏଲଏର ସଭାପତି ମଧ୍ୟ ରହିବେ । କୁହାଯାଉଛି ଯେ ସି ଜିନପିଙ୍ଗଙ୍କୁ ମାଓ ଜେଡୋଙ୍ଗଙ୍କ (Mao Zedong) ପରେ ସର୍ବଶ୍ରେଷ୍ଠ ନେତା ମାନ୍ୟତା ଦିଆଯିବ । ଏଥିରୁ ଏହା ସ୍ପଷ୍ଟ ହୋଇଛି ଯେ ସି ଜିନପିଙ୍ଗ ଚୀନ୍‌ରେ ଜଣେ ଶକ୍ତିଶାଳୀ ନେତା ହୋଇପାରିଛନ୍ତି ଓ ତାଙ୍କ ଶାସନ ଲମ୍ବା ସମୟ ପର୍ଯ୍ୟନ୍ତ ରହିବ ।

କହିରଖୁଛୁ ଯେ ଉଜବେକିସ୍ତାନରୁ ସି ଜିନପିଙ୍ଗ ଫେରିବା ପରେ ଏପରି ଗୁଜବ ବ୍ୟାପିଥିଲା ଯେ ତାଙ୍କୁ ପିପୁଲ୍ସ ଲିବରେସନ୍ ଆର୍ମି ଦ୍ୱାରା ଗୃହ ବନ୍ଦୀ ରଖାଯାଇଛି । ଏହି ଗୁଜବ ଅତି ଦ୍ରୁତ ଗତିରେ ବ୍ୟାପିଯାଇଥିଲା, କିନ୍ତୁ ପରେ ଜଣାପଡିଥିଲା ​​ଯେ ସେ ବିଦେଶ ଗସ୍ତରୁ ଫେରିବା ପରେ ଘରେ ରହିଛନ୍ତି । କେତେକ ଟ୍ୱିଟରେ ମଧ୍ୟ ଦାବି କରଯାଇଥିଲା ଯେ ବେଜିଂ ଓ ନିକଟବର୍ତ୍ତୀ ସହରକୁ ବିମାନ ସେବା କମ୍ କରାଯାଇଛି । ଏକ ଭିଡିଓ ମଧ୍ୟ ଭାଇରାଲ ହୋଇଥିଲା, ଯେଉଁଥିରେ PLA ଗାଡିଗୁଡିକ ଯାଉଥିବା ଦେଖାଯାଇଥିଲା । ସେହି ଭିଡିଓ ବିଷୟରେ କୁହାଯାଇଥିଲା ଯେ ଚୀନ୍ ସେନା ବେଜିଂ ଆଡକୁ ଗତି କରୁଛି ।

ଯଦିଓ ଏପରି ସମସ୍ତ ଦାବି ମିଥ୍ୟା ବୋଲି ପ୍ରମାଣିତ ହୋଇଥିଲା । କହିରଖୁଛୁ ଯେ ସି ଜିନପିଙ୍ଗ ଉଜବେକିସ୍ତାନରେ ଅନୁଷ୍ଠିତ ଏସସିଓ ବୈଠକରେ ଭାଗ ନେଇଥିଲେ । ଏଥିରେ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ଋଷର ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ସମେତ ବହୁ ରାଷ୍ଟ୍ର ମୁଖ୍ୟ ଉପସ୍ଥିତ ଥିଲେ । କିନ୍ତୁ ଫେରିବା ପରେ ଖୁବ ଶୀଘ୍ର ତାଙ୍କୁ ଗୃହବନ୍ଦୀ ରଖାଯାଇଛି ବୋଲି ଆଲୋଚନା ଆରମ୍ଭ ହୋଇଥିଲା । ଏହାର କାରଣ ଥିଲା ଯେ ସେ ଫେରିବା ପରେ ତାଙ୍କୁ କେଉଁଠାରେ ଦେଖାଯାଇ ନଥିଲା । ପରେ ଜାଣିବାକୁ ମିଳିଥିଲା ଯେ ସେ କୋରୋନା ପାଇଁ ଜାରି ହୋଇଥିବା କୋଭିଡ ଗାଇଡ଼ଲାଇନ ଅନୁଯାୟୀ ସେ ହୋମ୍ କ୍ଵାରେଣ୍ଟିନ ରହିଛନ୍ତି । ବର୍ତ୍ତମାନ ସେହି ଅବଧି ସମ୍ଭବତ ସମାପ୍ତ ହୋଇଛି, ତେଣୁ ବର୍ତ୍ତମାନ ସେ ବାହାରକୁ ଆସିଛନ୍ତି ।