'ମୁଁ ୪ ଥର ମୁଖ୍ୟମନ୍ତ୍ରୀ ରହିଛି କିନ୍ତୁ ରାଜ୍ୟପାଳ ଥରେ ବି ପେଡା ଖୁଆଇ ନାହାଁନ୍ତି'

Maharashtra Politics: ସାମାନାରେ ପେଡା ରାଜନୀତିକୁ ନେଇ କୁହାଯାଇଛି ଯେ, ରାଜ ଭବନ ପରିସରରେ ସ୍ଥିତ ପେଡା ଦୋକାନ ନିଶ୍ଚୟ ବନ୍ଦ ହୋଇଥିବ । ଶରଦ ପାୱାର ଯାହା କୁହନ୍ତି, ତାହା ମଜାଳିଆ ହେବାସହ ସତ ମଧ୍ୟ । ଶରଦ ପାୱାର କହିଛନ୍ତି ଯେ, ମୁଁ ବର୍ତ୍ତମାନ ପର୍ଯ୍ୟନ୍ତ ଚାରିଥର ମୁଖ୍ୟମନ୍ତ୍ରୀ ରହିସାରିଛି, କିନ୍ତୁ ରାଜ୍ୟପାଳ ଥରେ ମଧ୍ୟ ପେଡା ଖୁଆଇ ନାହାଁନ୍ତି ।

ମୁମ୍ୱାଇ: Maharashtra Politics: ମହାରାଷ୍ଟ୍ରରେ କ୍ଷମତା ପରିବର୍ତ୍ତନ ସହିତ ଅନେକ ଜିନିଷ ବଦଳି ଯାଇଛି । ସେଥିପାଇଁ ଶିବସେନା (Shiv Sena) ନିଜ ମୁଖପତ୍ର ସାମନା (Saamana) ମାଧ୍ୟମରେ ବାରମ୍ୱାର ଏକନାଥ ସିନ୍ଦେ (Eknath Shinde), ଦେବେନ୍ଦ୍ର ଫଡନାଭିସ୍ (Devendra Fadanvis) ତ କେତେବେଳେ ରାଜ୍ୟପାଳ ଭଗତ ସିଂ କୋଶୟାରି (Bhagat Singh Koshyari) ଙ୍କୁ ଟାର୍ଗେଟ କରାଯାଉଛି । ଏଥର ସାମନାରେ ମହାରାଷ୍ଟ୍ରର ରାଜ୍ୟପାଳଙ୍କୁ ଟାର୍ଗେଟ କରାଯାଇଛି । ସାମାନାରେ ରାଜ୍ୟପାଳଙ୍କ ଉପରେ ଶରଦ ପାୱାର  (Sharad Pawar) ଙ୍କ ବୟାନକୁ ନେଇ କୁହାଯାଇଛି ଯେ, "ମୁଁ ଏତେ ଥର ମୁଖ୍ୟମନ୍ତ୍ରୀ ହୋଇଛି କିନ୍ତୁ ମୋତେ କେହି ମଧ୍ୟ ପେଡା ଖୁଆଇ ନାହାଁନ୍ତି ।"

ସାମନାରେ କୁହାଯାଇଛି ଯେ, "ମହାରାଷ୍ଟ୍ରରେ ଠାକରେ ସରକାରଙ୍କ ବିଦାୟ ବା ସରକାର ପରିବର୍ତ୍ତନକୁ ନେଇ ଆମ ରାଜ୍ୟପାଳ ଭଗତ ସିଂ କୋଶୟାରି ଅତ୍ୟନ୍ତ ଖୁସି ଅଛନ୍ତି । ତାଙ୍କ ଚେହେରାରେ ଏତେ ଖୁସି ସତେ ଯେପରି କ୍ରାନ୍ତିକାରୀ ଭଗତ ସିଂଙ୍କୁ ଲାହୋରର ସେଣ୍ଟ୍ରାଲ ଜେଲରେ ଯେତେବେଳେ ବ୍ରିଟିଶମାନେ ଫାଶୀ ଦେଇଥିଲା, ସେତେବେଳେ ବ୍ରିଟିଶରମାନଙ୍କୁ ଯେଉଁ ଖୁସି ମିଳିଥିଲା ସେହିଭଳି ଖୁସି । ନବ ନିର୍ବାଚିତ ମୁଖ୍ୟମନ୍ତ୍ରୀ ସିନ୍ଦେଙ୍କୁ ରାଜ୍ୟପାଳ ସେହି ଖୁସିର ଉତ୍ସାହ ସହ ଅଭିନନ୍ଦନ ଜଣାଇଛନ୍ତି । ଯେତେବେଳେ ଉଦ୍ଧବ ଠାକରେ ମୁଖ୍ୟମନ୍ତ୍ରୀ ହୋଇଥିଲେ, ସେତେବେଳେ ତାଙ୍କୁ ଏହି ଖୁସି ମିଳି ନଥିଲା ।"

ସାମାନାରେ ପେଡା ରାଜନୀତିକୁ ନେଇ କୁହାଯାଇଛି ଯେ, ରାଜ ଭବନ ପରିସରରେ ସ୍ଥିତ ପେଡା ଦୋକାନ ନିଶ୍ଚୟ ବନ୍ଦ ହୋଇଥିବ । ଶରଦ ପାୱାର ଯାହା କୁହନ୍ତି, ତାହା ମଜାଳିଆ ହେବାସହ ସତ ମଧ୍ୟ । ଶରଦ ପାୱାର କହିଛନ୍ତି ଯେ, ମୁଁ ବର୍ତ୍ତମାନ ପର୍ଯ୍ୟନ୍ତ ଚାରିଥର ମୁଖ୍ୟମନ୍ତ୍ରୀ ରହିସାରିଛି, କିନ୍ତୁ ରାଜ୍ୟପାଳ ଥରେ ମଧ୍ୟ ପେଡା ଖୁଆଇ ନାହାଁନ୍ତି । ଶରଦ ପାୱାରଙ୍କ ଏପରି କହିବା ଠିକ୍ କାରଣ ରାଜ୍ୟପାଳ ନିରପେକ୍ଷ ଓ ସମ୍ବିଧାନର ସଂରକ୍ଷକ ହୋଇଥାଏ । କିଏ ମୁଖ୍ୟମନ୍ତ୍ରୀ ଅଛନ୍ତି କିମ୍ବା କେଉଁ ଦଳରୁ ସେ ଆସନ୍ତି ବା ଯାଆନ୍ତି, ଏଥିରେ କିଛି ଫରକ ପଡ଼େ ନାହିଁ, କିନ୍ତୁ ଗତ ଦୁଇ ଚାରି ବର୍ଷ ମଧ୍ୟରେ ମହାରାଷ୍ଟ୍ରର ରାଜ ଭବନରେ ଏକ ଭିନ୍ନ ଚିତ୍ର ଦେଖାଯାଉଛି ।

ଏହା ବି ପଢ଼ନ୍ତୁ:-ମମତା ସରକାରଙ୍କୁ ଝଟକା ଦେଲେ ରାଜ୍ୟପାଳ ଧନଖର, ନେଲେ ଏହି ବଡ଼ ନିଷ୍ପତ୍ତି

ଏହା ବି ପଢ଼ନ୍ତୁ:-ସିନ୍ଦେ ସରକାରଙ୍କ ସଂଖ୍ୟାଗରିଷ୍ଠତା ପ୍ରମାଣକୁ ନେଇ ଉଦ୍ଧବ ଠାକରେଙ୍କ ଆସିଲା ପ୍ରଥମ ପ୍ରତିକ୍ରୟା, ବିଦ୍ରୋହୀ ବିଧାୟକ ଓ ବିଜେପିକୁ କଲେ ଏହି ଚ୍ୟାଲେଞ୍ଜ

ଏହା ବି ପଢ଼ନ୍ତୁ:-'ଦ୍ରୌପଦୀ ମୁର୍ମୁ ପ୍ରତିଶୃତି ଦିଅନ୍ତୁ ଯେ ସେ ରାଷ୍ଟ୍ରପତି ହେଲେ ହେବେନି ସରକାରଙ୍କର ରବର ଷ୍ଟାମ୍ପ'

ସାମନାରେ ଆଗକୁ କୁହାଯାଇଛି ଯେ, 'ଠାକରେ ସରକାର'ର ଶପଥ ଗ୍ରହଣ ସମାରୋହରେ ଯେତେବେଳେ କିଛି ମନ୍ତ୍ରୀ' ଶାହୁ, ଫୁଲେ ଏବଂ ଆମ୍ବେଦକରଙ୍କ 'ନାମ ନେଇ ଶପଥ ଗ୍ରହଣ କରିଥିଲେ, ସେତେବେଳେ ରାଜ୍ୟପାଳ ଭଗତ ସିଂ କ୍ରୋଧିତ ହୋଇ କହିଥିଲେ ଯେ ଏହି ଶପଥ ସମ୍ବିଧାନ ଅନୁଯାୟୀ ନୁହେଁ, ଏପରି କହି ସେ ମଞ୍ଚରୁ ହିଁ ମନ୍ତ୍ରୀମାନଙ୍କୁ ତାଗିଦ କରିବା ଆରମ୍ଭ କରିଥିଲେ । ସମ୍ବିଧାନ ଓ ଶପଥର ସେହି ସୁରକ୍ଷା ମାମଲାରେ ଏଥର ଦେଖାଯାଇନଥିଲା । କେବଳ ସମ୍ବିଧାନର ତଥାକଥିତ ସଂରକ୍ଷକ ହିଁ ଏପରି ଦୋମୁହାଁ ଆଚରଣ କରୁଛନ୍ତି, ତେଣୁ ଲୋକ ଅଯୋଗ୍ୟ ବିଧାନ ସଭା ସଦସ୍ୟ ହିଁ କ'ଣ, ବାହାରର କୌଣସି ବ୍ୟକ୍ତିଙ୍କୁ ଭିତରେ ଆଣି ଏହି ଲୋକ ବିଧାନସଭାର କୌଣସି ମଧ୍ୟ ପ୍ରସ୍ତାବ ଓ ନିର୍ବାଚନ ଜିତିପାରିବେ । ଏଭଳି ଆଚରଣ ଓ ରାଜନୀତି ମହାରାଷ୍ଟ୍ରରେ କେବେ ଘଟିନାହିଁ ।

ବର୍ତ୍ତମାନ ପ୍ରଶ୍ନ ହେଉଛି ବିଧାନ ପରିଷଦର ୧୨ ଜଣ ମନୋନୀତ ସଦସ୍ୟଙ୍କ ବିଷୟରେ, ଯାହା ଗତ ଅଢ଼େଇ ବର୍ଷ ଧରି ରାଜ୍ୟପାଳଙ୍କ ପାଖରେ ବିଚାରଧୀନ ରହିଛି । ବର୍ତ୍ତମାନ ନୂତନ ସରକାର ଆସିଛି, ତେଣୁ ସେହି ଫାଇଲ ବଦଳରେ ଏକ ନୂତନ ଫାଇଲ ଅଣାଯିବ ଓ ଚବିଶ ଘଣ୍ଟା ମଧ୍ୟରେ ଏହା ରାଜ୍ୟପାଳଙ୍କ ଦସ୍ତଖତ ଦ୍ୱାରା ଅନୁମୋଦିତ ହେବ ଏବଂ ପେଡା ଖାଇବାକୁ କାର୍ଯ୍ୟକ୍ରମ ବାରମ୍ବାର ପୁନରାବୃତ୍ତି ହେବ । ସମୟ ବହୁତ କଷ୍ଟସାଧ୍ୟ ହୋଇଛି, ଏହା ସତ କିନ୍ତୁ ଏହି ଅନ୍ଧକାର ସମୟ ମଧ୍ୟ ଅତିକ୍ରମ କରିବ! ବୋଲି ସାମନାରେ ଲେଖାଯାଇଛି ।