Odisha News: ଅନୀଲ କୁମାର ଶେଣ୍ଢ ହେଲେ ଓଡ଼ିଶା ପୁଲିସ ମହାସଂଘର ନୂଆ ସଭାପତି

Odisha News: ଏହି ବିଜ୍ଞପ୍ତିରେ ଶ୍ରୀ ଶେଣ୍ଢଙ୍କ ସହ ଅନ୍ୟ ୬ ଜଣ ନିର୍ବାଚିତ ପଦାଧିକାରୀଙ୍କ ନାମ ବି ଘୋଷଣଣା କରାଯାଇଛି। ସେମାନଙ୍କ ଭିତରେ ଉପ ସଭାପତି ଭାବେ ନିର୍ବାଚିତ ହୋଇଛନ୍ତି ପୁରୀ ଜିଲ୍ଲାରେ କନଷ୍ଟେବଳ ଭାବେ କାର୍ଯ୍ୟରତ ସନ୍ତୋଷ କୁମାର ମହାନ୍ତି, ସାଧାରଣ ସମ୍ପାଦକ ଭାବେ କିଶୋର କୁମାର ମହାନ୍ତିଙ୍କ ନାମ ସାମିଲ ରହିଛି। ଶ୍ରୀ ମହାନ୍ତି ଢେଙ୍କାନାଳ ଓଡ଼ିଶା ସଶସ୍ତ୍ର ବାହିନୀରେ ହାବିଲଦାର ଭାବରେ କାର୍ଯ୍ୟରତ।

ଭୁବନେଶ୍ୱର: ଓଡ଼ିଶା ପୁଲିସ ଓଏସ୍‍ଏପି, ହାବିଲଦାର, କନଷ୍ଟେବଳ  ମହାସଂଘ ପକ୍ଷରୁ ଅନୁଷ୍ଠିତ ନିର୍ବାଚନର ଫଳାଫଳ ପ୍ରକାଶ ପାଇଛି। ଏଥିରେ କେନ୍ଦୁଝର ଜିଲ୍ଲାରେ ପୁଲିସ ହାବିଲଦାର ଭାବେ କାର୍ଯ୍ୟରତ ଅନୀଲ କୁମାର ଶେଣ୍ଢଙ୍କୁ ସଭାପତି ଭାବେ ନିର୍ବାଚିତ କରାଯାଇଛି। ଏନେଇ ପୁଲିସ ମୁଖ୍ୟାଳୟ ନିର୍ବାଚନ ଅଧିକାରୀଙ୍କ ପକ୍ଷରୁ ପୁଲିସ ମହାନିର୍ଦ୍ଦେଶକଙ୍କୁ ଜଣାଇ ଦିଆଯାଇଛି। 

ଏହି ବିଜ୍ଞପ୍ତିରେ ଶ୍ରୀ ଶେଣ୍ଢଙ୍କ ସହ ଅନ୍ୟ ୬ ଜଣ ନିର୍ବାଚିତ ପଦାଧିକାରୀଙ୍କ ନାମ ବି ଘୋଷଣଣା କରାଯାଇଛି। ସେମାନଙ୍କ ଭିତରେ ଉପ ସଭାପତି ଭାବେ ନିର୍ବାଚିତ ହୋଇଛନ୍ତି ପୁରୀ ଜିଲ୍ଲାରେ କନଷ୍ଟେବଳ ଭାବେ କାର୍ଯ୍ୟରତ ସନ୍ତୋଷ କୁମାର ମହାନ୍ତି, ସାଧାରଣ ସମ୍ପାଦକ ଭାବେ କିଶୋର କୁମାର ମହାନ୍ତିଙ୍କ ନାମ ସାମିଲ ରହିଛି। ଶ୍ରୀ ମହାନ୍ତି ଢେଙ୍କାନାଳ ଓଡ଼ିଶା ସଶସ୍ତ୍ର ବାହିନୀରେ ହାବିଲଦାର ଭାବରେ କାର୍ଯ୍ୟରତ। 

ବଲାଙ୍ଗୀର ଜିଲ୍ଲାରେ କନଷ୍ଟେବଳ ଥିବା ସରୋଜ କୁମାର ମିଶ୍ରଙ୍କୁ ସାଂଗଠନିକ ସମ୍ପାଦକ ଭାବେ ନିର୍ବରାଚିତ କରାଯାଇଥିବା ବେଳେ କୋଷାଧ୍ୟକ୍ଷ ହୋଇଛନ୍ତି ବ୍ରହ୍ମପୁରରେ ହାବିଲଦାର ଭାବେ କାର୍ଯ୍ୟରତ ଗୌରୀଶଙ୍କର ମିଶ୍ର। ଜିଆର୍‍ପି କଟର କନଷ୍ଟେବଳ ମାନସ କୁମାର ବାରିକ ଏବଂ କୋରାପୁଟ ସଶସ୍ତ୍ର ବାହିନୀର ଡ୍ରାଇଭର ହାବିଲଦାର ମହେନ୍ଦ୍ର କୁମାର ଗୌଡ଼ଙ୍କୁ ଯୁଗ୍ମ ସମ୍ପାଦକ ଭାବେ ନିର୍ବାଚିତ କରାଯାଇଥିବା ଏହି ବିଜ୍ଞପ୍ତିରେ ଦର୍ଶାଯାଇଛି । ନଭେମ୍ବର ୧୬ ତାରିଖରେ ଏହି ନିର୍ବାଚନ ଅନୁଷ୍ଠିତ ହୋଇଥିଲା।