Top 10 News: ରାଜ୍ୟରେ ବଢୁଛି ବୁଲା କୁକୁରଙ୍କ ଆତଙ୍କ, ଦେବେନ୍ଦ୍ର ଫଡନାଭିସ୍ ହେବେ ମହାରାଷ୍ଟ୍ରର ନୂତନ CM, ପଢ଼ନ୍ତୁ ଆଜିର ୧୦ ବଡ଼ ଖବର

Top 10 News Headlines: ରାଜ୍ୟରେ ବୁଲା କୁକୁରଙ୍କ ଦୌରାତ୍ମ ବୃଦ୍ଧି ପାଇବାରେ ଲାଗିଛି । ରାଜ୍ୟ ସରକାରଙ୍କ ତଥ୍ୟ ଅନୁଯାୟୀ ଗତ ଦୁଇ ବର୍ଷରେ ୫ ଲକ୍ଷ ୨ ହଜାର ୬୭୨ ଜଣଙ୍କୁ ବୁଲା କୁକୁର କାମୁଡିଛନ୍ତି। ଏଠାରେ ସଂକ୍ଷେପରେ ପଢ଼ନ୍ତୁ ଦିନ ତମାମର ୧୦ଟି ବଡ଼ ଖବର।

Top 10 News Headlines 4 December 2024: H1. Odisha Faces Surge in Stray Dog Bites: ରାଜ୍ୟରେ ବୁଲା କୁକୁରଙ୍କ ଦୌରାତ୍ମ ବୃଦ୍ଧି ପାଇବାରେ ଲାଗିଛି । ରାଜ୍ୟ ସରକାରଙ୍କ ତଥ୍ୟ ଅନୁଯାୟୀ ଗତ ଦୁଇ ବର୍ଷରେ ୫ ଲକ୍ଷ ୨ ହଜାର ୬୭୨ ଜଣଙ୍କୁ ବୁଲା କୁକୁର କାମୁଡିଛନ୍ତି। ଯାହା ଅତ୍ୟନ୍ତ ଆଶ୍ଚର୍ଯ୍ୟଜନକ ଅଟେ। ବୁଧବାର ଦିନ ବିଧାନସଭାରେ ପ୍ରାଣୀ ସମ୍ପଦ ବିଭାଗ ମନ୍ତ୍ରୀ ଗୋକୁଳାନନ୍ଦ ମଲ୍ଲିକ ଏଭଳି ଚାଞ୍ଚଲ୍ୟକର ତଥ୍ୟ ରଖିଛନ୍ତି। ବିଧାୟକ ଶ୍ରୀ କାଡ୍ରକା ଆପାଲା ସ୍ୱାମୀଙ୍କ ଏକ ପ୍ରଶ୍ନର ଉତ୍ତରରେ ଏହି ତଥ୍ୟ ଦେଇଛନ୍ତି ।

H2. President Droupadi Murmu Visits Puri: ପାଞ୍ଚ ଦିନିଆ ଓଡି଼ଶା ଗସ୍ତରେ ଅଛନ୍ତି ମହାମହିମ। ବୁଧବାର ଦିନ ରାଷ୍ଟ୍ରପତି ଦ୍ରୌପଦୀ ମୁର୍ମୁ ପୁରୀ ଯାଇ ମହାପ୍ରଭୁଙ୍କ ଆର୍ଶିବାଦ ନେଇଛନ୍ତି । ଶ୍ରୀମନ୍ଦିର କାର୍ଯ୍ୟାଳୟ ଠାରୁ ଚାଲି ଚାଲି ଆସି ମହାପ୍ରଭୁଙ୍କ ଦର୍ଶନ କରିଥିଲେ ରାଷ୍ଟ୍ରପତି ଦ୍ରୌପଦୀ ମୁର୍ମୁ । ଏହି ସମୟରେ ତାଙ୍କ ସାଙ୍ଗରେ ମୁଖ୍ୟମନ୍ତ୍ରୀ ମୋହନ ଚରଣ ମାଝି ଥିଲେ। ଭାରତର ପ୍ରଥମ ନାଗରିକ ଦ୍ରୌପଦୀ ମୁର୍ମୁ ଙ୍କୁ ମହାପ୍ରଭୁଙ୍କ ଆଦ୍ୟ ସେବକ ଗଜପତି ମହାରାଜ ଦିବ୍ୟସିଂହ ଦେବ ପ୍ରଥମେ ପାଛୋଟି ନେଇଥିଲେ ପରେ ଶ୍ରୀମନ୍ଦିର ମୁଖ୍ୟ ପ୍ରଶାସକ ଓ ବରିଷ୍ଠ  ସେବାୟତ ମାନେ ସ୍ଵାଗତ କରିଥିଲେ । 

H3. Odisha Vigilance arrests AEE Jeypore: ଭିଜିଲାନ୍ସ ଅଧିକାରୀମାନେ ଆଜି ସହକାରୀ ନିର୍ବାହୀ ଯନ୍ତ୍ରୀ ବିଶ୍ୱନାଥ ପାତ୍ରଙ୍କୁ ଗିରଫ କରିଛନ୍ତି। ଆୟ ବହିର୍ଭୁତ ସମ୍ପତ୍ତି ଠୁଳ ଅଭିଯୋଗରେ ସହକାରୀ ନିର୍ବାହୀ ଯନ୍ତ୍ରୀ ବିଶ୍ୱନାଥ ପାତ୍ରଙ୍କ ଘର ସମେତ ବିଭିନ୍ନ ସ୍ଥାନରେ ଚଢ଼ାଉ କରିଥିଲା ଭିଜିଲାନ୍ସ। ଜୟପୁରରେ ଥିବା ତିନି ମହଲା ଘର, ଗଂଜାମ ବେଲଗୁଣ୍ଠାରେ ଥିବା ଦୁଇ ମହଲା ପୈତୃକ ଘର, ଭୁବନେଶ୍ୱର ନିଳାଦ୍ରୀ ବିହାର ସ୍ଥିତ ସମ୍ପର୍କୀୟ ଘରେ,ଜୟପୁର ବ୍ଲକରେ ଥିବା କାର୍ଯ୍ୟାଳୟ, ଜୟପୁର ମୁନିସିପାଲିଟିରେ ଥିବା କାର୍ଯ୍ୟାଳୟରେ ଚଢାଉ କରିଥିଲା। 

H4. Sukhbir Singh Badal Attack: ବୁଧବାର ଦିନ ସକାଳେ ପଞ୍ଜାବରେ ଘଟିଥିବା ଏକ ପ୍ରମୁଖ ଘଟଣାରେ ଶିରୋମଣି ଅକାଳୀ ଦଳ ମୁଖ୍ୟ ସୁଖବୀର ସିଂ ବାଦଲଙ୍କ ଉପରେ ଆକ୍ରମଣ କରିବାକୁ ଉଦ୍ୟମ କରାଯାଇଥିଲା। ଯେତେବେଳେ ସୁଧବୀର ସିଂ ବାଦଲ ତାଙ୍କୁ ଦିଆଯାଇଥିବା ଧାର୍ମିକ ଦଣ୍ଡ ଭାବରେ ସୂର୍ଣ୍ଣ ମନ୍ଦିରରେ ଗାର୍ଡ ଭାବେ ଡ୍ୟୁଟି କରୁଥିଲେ ସେତେବେଳେ ଏହି ଆକ୍ରମଣ ହୋଇଥିଲା। 

H5. Fadnavis to take oath as Maharashtra CM tomorrow: ଦେବେନ୍ଦ୍ର ଫଡନାଭିସ୍ ବିଜେପି ବିଧାନସଭା ଦଳର ନେତା ଭାବରେ ନିର୍ବାଚିତ ହେବା ପରେ ଚିତ୍ର ସ୍ପଷ୍ଟ ହୋଇଛି। ସେ ଗୁରୁବାର ଦିନ ସନ୍ଧ୍ୟାରେ ମହାରାଷ୍ଟ୍ରର ସିଏମ୍ ଭାବେ ଶପଥ ଗ୍ରହଣ କରିବାକୁ ଯାଉଛନ୍ତି। ଏହାପୂର୍ବରୁ ସେ ଏକନାଥ ସିନ୍ଦେ ଏବଂ ଅଜିତ ପାୱାରଙ୍କ ସହ ରାଜ ଭବନରେ ପହଞ୍ଚିଥିଲେ। ଗୁରୁତ୍ୱପୂର୍ଣ୍ଣ କଥା ହେଉଛି ତିନିଜଣ ନେତା ସମାନ କାରରେ ରାଜ ଭବନରେ ପହଞ୍ଚି ଏକତାର ବାର୍ତ୍ତା ଦେଇଥିଲେ। 

H6. CBI Raids Delhi-NCR in Cyber-Crime Case: ୧୧୭ କୋଟି ଟଙ୍କାର ଆନ୍ତର୍ଜାତୀୟ ସାଇବର ଜାଲିଆତି ମାମଲାରେ ସିବିଆଇ ବୁଧବାର ଦିଲ୍ଲୀ ଏବଂ ଏହାର ଆଖପାଖ ଅଞ୍ଚଳରେ ୧୦ଟି ସ୍ଥାନରେ ଚଢ଼ାଉ କରିଛି। କେନ୍ଦ୍ର ଗୃହ ମନ୍ତ୍ରଣାଳୟର ସାଇବର କ୍ରାଇମ ସମନ୍ୱୟ କେନ୍ଦ୍ର (I4C) ରୁ ମିଳିଥିବା ଅଭିଯୋଗ ଆଧାରରେ ପଞ୍ଜୀକୃତ ହୋଇଥିବା ମାମଲାର ତଦନ୍ତର ଏକ ଅଂଶ ଭାବରେ ଏହି ଆକ୍ସନ ନିଆଯାଇଛି।

H7. Assam govt toughens beef ban: ଆସାମରେ ବିଜେପି ନେତୃତ୍ୱାଧୀନ ହିମନ୍ତ ବିଶ୍ୱ ଶର୍ମାଙ୍କ ସରକାର ଘୋଷଣା କରିଛନ୍ତି ଯେ ରାଜ୍ୟରେ ଗୋମାଂସ ପରିବେଷଣ କରାଯିବ ନାହିଁ। ବୁଧବାର ଦିନ ଏକ ସାମ୍ବାଦିକ ସମ୍ମିଳନୀରେ ମୁଖ୍ୟମନ୍ତ୍ରୀ କହିଛନ୍ତି ଯେ ଆସାମର କୌଣସି ରେସ୍ତୋରାଁ, ହୋଟେଲରେ ଗୋମାଂସ ପରିବେଷଣ କରାଯିବ ନାହିଁ ଏବଂ ଏହାକୁ କୌଣସି ସାଧାରଣ କାର୍ଯ୍ୟ କିମ୍ବା ଅନ୍ୟ ସ୍ଥାନରେ ପରିବେଷଣ କରିବାକୁ ଦିଆଯିବ ନାହିଁ। 

H8. Earthquake in chhattisgarh and telangana: ବୁଧବାର ଦିନ ସକାଳେ ଛତିଶଗଡରେ ପ୍ରବଳ ଭୂକମ୍ପ ଅନୁଭୂତ ହୋଇଥିଲା। ତେଲେଙ୍ଗାନାରେ ମଧ୍ୟ ଏହି ଭୂକମ୍ପ ଅନୁଭୂତ ହୋଇଥିଲା। କୁହାଯାଏ ଯେ ଛତିଶଗଡ଼ର ଦକ୍ଷିଣ ବସ୍ତରରେ ପ୍ରଥମ ଥର ପାଇଁ ଭୂକମ୍ପ କମ୍ପନ ରେକର୍ଡ କରାଯାଇଛି। ରିକ୍ଟର ସ୍କେଲରେ ଭୂକମ୍ପର ତୀବ୍ରତା ୫.୩ ରେ ମାପ କରାଯାଇଥିଲା। ଏକ ଆଶ୍ୱସ୍ତି କର ବିଷୟ ଯେ ବର୍ତ୍ତମାନ ପର୍ଯ୍ୟନ୍ତ ଭୂକମ୍ପ ଯୋଗୁଁ ଜୀବନ କିମ୍ବା ସମ୍ପତ୍ତି ନଷ୍ଟ ହେବାର କୌଣସି ଖବର ଆସିନାହିଁ।

H9. Indian Foreign Secretary likely to visit Dhaka: ପଡୋଶୀ ଦେଶ ବାଂଲାଦେଶରେ ହିନ୍ଦୁମାନଙ୍କ ଉପରେ ବଢୁଥିବା ଆକ୍ରମଣ ଏବଂ ଦୁଇ ଦେଶ ମଧ୍ୟରେ ତିକ୍ତତା ବୃଦ୍ଧି ପାଇବା ମଧ୍ୟରେ ଏକ ଖୁସି ଖବର ଆସିଛି। କହିରଖୁଛୁ ଯେ ବୈଦେଶିକ ସଚିବ ବିକ୍ରମ ମିଶ୍ରି ଆସନ୍ତା ସପ୍ତାହରେ ଢାକା ଗସ୍ତ କରିବାକୁ ଯାଉଛନ୍ତି। ସେ ଢାକାରେ ବୈଦେଶିକ ସଚିବ ସ୍ତରୀୟ ବୈଠକରେ ଅଂଶଗ୍ରହଣ କରିବେ।

H10. BCCI objects to PCB’s fusion formula: କାରଣରୁ ହାଇବ୍ରିଡ ମଡେଲରେ ଟୁର୍ଣ୍ଣାମେଣ୍ଟ ପରିଚାଳନା ପାଇଁ ପ୍ରୟାସ କରାଯାଉଛି। କିନ୍ତୁ ପାକିସ୍ତାନ ଏଥିପାଇଁ ପ୍ରସ୍ତୁତ ନୁହେଁ ଏବଂ ପାର୍ଟନରସିପ୍ ମଡେଲରେ ଟୁର୍ଣ୍ଣାମେଣ୍ଟ ଖେଳିବାକୁ ରାଜି ହୋଇଛି, ଯେଉଁଥିରେ ସର୍ତ୍ତ ରଖାଯାଇଛି ଯେ ପାକିସ୍ତାନୀ ଦଳ ଆଇସିସି ଇଭେଣ୍ଟର କୌଣସି ମ୍ୟାଚ୍ ଖେଳିବାକୁ ଭାରତ ଯିବ ନାହିଁ ଏବଂ ସମାନ କ୍ରମେ ଭାରତୀୟ ଦଳ ମଧ୍ୟ ପାକିସ୍ତାନ ଯିବ ନାହିଁ। ତେବେ ଭାରତୀୟ କ୍ରିକେଟ୍ ବୋର୍ଡ ଏହି ମଡେଲକୁ ପ୍ରତ୍ୟାଖ୍ୟାନ କରିଛି।