Whatsapp Data Leak: କଣ ଏହି ସ୍କ୍ରାପିଂ ଟେକନିକ୍, ଯାହାର ବ୍ୟବହାରରେ ରାତାରାତି ଚୋରିହେଲା ୪୮ କୋଟି ୟୁଜର୍ସଙ୍କ ଡାଟା

Whatsapp Data Leak Update: ସାଇବର ଅପରାଧୀ ଦିନକୁ ଦିନ ଅପରାଧ ଘଟାଇବାରେ ଆଉ ତିଳେ ମାତ୍ର ଡେରି କରୁନାହାଁନ୍ତି। ସ୍କ୍ରାପିଂ ଟେକନିକ୍ ବ୍ୟବହାର କରି ହ୍ୟାକରମାନେ ହ୍ୱାଟସ ଆପ୍ ତଥ୍ୟ ଚୋରି କରୁଛନ୍ତି। ଏଥିମଧ୍ୟରେ ୬୧ ଲକ୍ଷ ଭାରତୀୟ ବ୍ୟବହାରକାରୀଙ୍କ ସଂଖ୍ୟା ଏବଂ ଅନ୍ୟାନ୍ୟ ବିବରଣୀ ଅନ୍ତର୍ଭୂକ୍ତ ହୋଇଛି, ଏହାର ଫାଇଦା ଉଠାଇ ସାଇବର ଠକ ମାନେ ଆପଣଙ୍କୁ ମଧ୍ୟ ଠକିଦେଇପାରନ୍ତି।

Whatsapp Data Leak: ଦିନକୁ ଦିନ ବଢିବାରେ ଲାଗିଛି ସାଇବର କ୍ରାଇମ। ଏହାକୁ ରୋକିବାକୁ ବିଭିନ୍ନ ଉପାୟ ଅବଲମ୍ବନ କରାଯାଉଥିଲେ ମଧ୍ୟ ଠକାମିର ଶିକାର ହେଉଥିବା ଲୋକଙ୍କ ସଂଖ୍ୟା ଏବେ କମିବା ପରିବର୍ତ୍ତେ ବଢିବାରେ ଲାଗିଛି। ସାଇବର ଅପରାଧୀଙ୍କ ଏଭଳି କାଣ୍ଡ କ୍ରମାଗତ ଭାବେ ବୃଦ୍ଧି ପାଉଛି। ବର୍ତ୍ତମାନ ହ୍ୟାକରମାନେ ୮୪ ଟି ଦେଶରୁ ହ୍ୱାଟସ ଆପ୍ ବ୍ୟବହାରକାରୀଙ୍କ ୨୫ ପ୍ରତିଶତ ତଥ୍ୟ ଚୋରି କରି ଇଣ୍ଟରନେଟରେ ବିକ୍ରି କରି ଦେଇଛନ୍ତି। ଏଥିମଧ୍ୟରେ ୬୧ ଲକ୍ଷ ଭାରତୀୟ ବ୍ୟବହାରକାରୀଙ୍କ ସଂଖ୍ୟା ଏବଂ ଅନ୍ୟାନ୍ୟ ବିବରଣୀ ଅନ୍ତର୍ଭୂକ୍ତ ହୋଇଛି, ଏହାର ଫାଇଦା ଉଠାଇ ସାଇବର ଠକ ମାନେ ଆପଣଙ୍କୁ ମଧ୍ୟ ଠକିଦେଇପାରନ୍ତି। 

ବାସ୍ତବରେ, ନିକଟରେ ପ୍ରକାଶିତ ରିପୋର୍ଟ ଅନୁଯାୟୀ, ହ୍ୟାକରମାନେ ୮୪ ଟି ଦେଶରୁ ପ୍ରାୟ ୪୮.୭ କୋଟି ହ୍ୱାଟସ ଆପ୍ ବ୍ୟବହାରକାରୀଙ୍କ (Whatsapp Users) ତଥ୍ୟ ଚୋରି କରିଛନ୍ତି। ଏହି ତଥ୍ୟ ଇଣ୍ଟରନେଟରେ ବିକ୍ରି ହେଉଛି । ହ୍ୟାକର ନିଜେ ଇଣ୍ଟରନେଟରେ ଏହି ସୂଚନା ଦେଇଛନ୍ତି। ସେ ଦାବି କରିଛନ୍ତି ଯେ ଏହି ତଥ୍ୟ "୨୦୨୨ ରେ ହ୍ୱାଟସ୍ ଆପ୍ ରେ ସକ୍ରିୟ ଥିବା ଉପଭୋକ୍ତାଙ୍କର ଅଟେ। ମୁଁ ଏହାକୁ ବିକ୍ରି କରୁଛି। ଯଦି ଆପଣ ଏହାକୁ କିଣନ୍ତି ତେବେ ଏହା ଲାଭଦାୟକ ହେବ ଯ ଅନେକ ମାର୍କେଟିଂ କମ୍ପାନୀ ଏହିପରି ତଥ୍ୟ କିଣିବାକୁ ଆଗ୍ରହ ଦେଖାନ୍ତି । ଏହାର କାରଣ ହେଉଛି ଯେ ସେମାନେ ସେମାନଙ୍କର ପ୍ରଚାରରେ ଲାଭ ପାଆନ୍ତି । ସେ ସର୍ବାଧିକ ବ୍ୟବହାରକାରୀଙ୍କ ତଥ୍ୟ ନିଅନ୍ତି ଏବଂ ତାଙ୍କ ବିଜ୍ଞାପନ ଏବଂ ବାର୍ତ୍ତାଗୁଡ଼ିକୁ ସିଧାସଳଖ ସେମାନଙ୍କ ନିକଟକୁ ପଠାନ୍ତି" ।

ହ୍ୟାକର୍ସଙ୍କ ଦ୍ୱାରା ସମଗ୍ର ବିଶ୍ୱରେ ହ୍ୱାଟସ୍ ଆପ୍ (WhatsApp) ବ୍ୟବହାରକାରୀଙ୍କ ପ୍ରାୟ ୨୫ ପ୍ରତିଶତ ତଥ୍ୟ ହ୍ୟାକର ମାନଙ୍କ ଦ୍ୱାରା ଚୋରି ହୋଇଛି, ଯାହା ୪୮.୭ କୋଟି ଅଟେ। ୮୪ ଟି ଦେଶରେ, ଇଜିପ୍ଟର ସର୍ବାଧିକ ବ୍ୟବହାରକାରୀଙ୍କ ତଥ୍ୟ ଚୋରି ହୋଇଛି । ଚୋରି ହେବା ତଥ୍ୟ ତାଲିକାରେ ଏଥିରେ ଭାରତ ୨୫ ନମ୍ବରରେ ରହିଛି। ଏଥି ସହିତ ସର୍ବାଧିକ ୪.୪୮ କୋଟି ଉପଭୋକ୍ତା ମିଶରରୁ ବୋଲି ଜଣାପଡିଛି। ୩.୫୬ କୋଟି ଇଟାଲୀ, ୩.୨୩ କୋଟି ଆମେରିକୀୟ, ୨.୮୮ କୋଟି ସାଉଦି ଆରବ, ୧.୯୮ କୋଟି ଫ୍ରାନ୍ସ ଏବଂ ୬୧.୬୨ ଲକ୍ଷ ଭାରତୀୟ ବ୍ୟବହାରକାରୀଙ୍କ (Indian Users) ତଥ୍ୟ ଅନ୍ତର୍ଭୁକ୍ତ ହୋଇଛି।

ସ୍କ୍ରାପିଂ ଟେକନିକ୍ ଦ୍ୱାରା ଚୋରିହେଲା ଡାଟା
ସାଇବର ବିଶେଷଜ୍ଞମାନେ ଦାବି କରିଛନ୍ତି ଯେ ହ୍ୟାକର୍ସଙ୍କ ଦ୍ୱାରା ଚୋରି ହୋଇଥିବା ହ୍ୱାଟସ୍ ଆପ୍ ବ୍ୟବହାରକାରୀଙ୍କ ତଥ୍ୟରେ କୌଣସି ବ୍ୟବହାରକାରୀଙ୍କ ଅବହେଳା କିମ୍ବା ଭୁଲ ନାହିଁ । ସ୍କ୍ରାପିଂ ହ୍ୟାକିଂ (Scraping Hacking) କୌଶଳ ସହିତ ଏହା ହ୍ୟାକର ମାନଙ୍କ ଦ୍ୱାରା ଚୋରି ହୋଇଥିଲା । ସ୍କ୍ରାପିଂ ହ୍ୟାକିଂ ସହିତ, ଅନଲାଇନ୍ ପ୍ଲାଟଫର୍ମ ବ୍ୟବହାରକାରୀଙ୍କ ସୂଚନା ଚୋରି ହୋଇ କୌଣସି ପ୍ରମୁଖ ପ୍ରୋଗ୍ରାମରେ ଗଚ୍ଛିତ ହୁଏ । ଏହା କରିବା ହ୍ୱାଟସ୍ ଆପ୍ କମ୍ପାନୀର ଉପଭୋକ୍ତା ସର୍ତ୍ତାବଳୀ ଉଲ୍ଲଂଘନ ଅଟେ।

ଏମିତି ଉପାୟରେ ସୁରକ୍ଷିତ ରଖନ୍ତୁ ଆପଣଙ୍କ ଡାଟା
ଯଦି ଆପଣ ମଧ୍ୟ ସନ୍ଦେହ କରୁଛନ୍ତି ଯେ ଆପଣଙ୍କର ହ୍ୱାଟସ୍ ଆପ୍ ତଥ୍ୟ ଚୋରି ହୋଇଛି, ତେବେ ଆପଣଙ୍କର ହ୍ୱାଟସ ଆପ୍ ର ସେଟିଂକୁ ଯାଆନ୍ତୁ ଏବଂ ଗୋପନୀୟତା ଅର୍ଥାତ୍ ପ୍ରାଇଭେସିକୁ ପରିବର୍ତ୍ତନ କରନ୍ତୁ । ଆପଣ ଏହାକୁ 'Contact Only' କରିପାରିବେ । ଏହା କରିବା ଦ୍ୱାରା ଆପଣ ଏହି ଆପ ରେ ଯାହା ବି ସେୟାର କରିବେ କେବଳ ସେହିମାନେ ହିଁ ଏହାକୁ ଦେଖିବାକୁ ସକ୍ଷମ ହେବେ ଯେଉଁମାନେ ଆପଣଙ୍କ କଣ୍ଟାକ୍ଟରେ ରହିଛନ୍ତି।