Ayodhya Diwali 2023: ୫୧ ଘାଟରେ ଜଳିବ ୨୪ ଲକ୍ଷ ଦୀପ; ପୁଣି ଥରେ ବିଶ୍ୱ ରେକର୍ଡ କରିବ ଅଯୋଧ୍ୟା

Ayodhya Diwali Celebration 2023: ଏଥର ଦୀପାବଳି ଅବସରରେ ଏକ ବିଶ୍ୱସ୍ତରୀୟ ରେକର୍ଡ କରିବ ରାମ ନଗରୀ ଅଯୋଧ୍ୟା।

Ayodhya Deepotsav 2023: ଚଳିତ ବର୍ଷ ଦୀପାବଳି ଅବସରର ପୁଣି ଥରେ ଏକ ବିଶ୍ୱସ୍ତରୀୟ ରେକର୍ଡ କରିବ ଅଯୋଧ୍ୟା। ଆସନ୍ତା ୧୧ ତାରିଖ ଶନିବାର ରାମ ନଗରୀ ଅଯୋଧ୍ୟାରେ ପାଳିତ ହେବ ଭବ୍ୟ ଦୀପୋତ୍ସବ। ଏଥର ଦୀପାବଳି ଅବସରରେ ଅଯୋଧ୍ୟାସ ସ୍ଥିତ ୫୧ ଘାଟରେ ୨୪ ଲକ୍ଷ ଦୀପ ଜାଳି ଏକ ନୂତନ ବିଶ୍ୱ ରେକର୍ଡ ସୃଷ୍ଟି କରିବାକୁ ପ୍ରସ୍ତୁତି ଚାଲିଛି।

ପୁନର୍ବାର ସୃଷ୍ଟି ହେବ ବିଶ୍ୱ ରେକର୍ଡ 
ଦୀପାବଳି ଅବସରର ଆୟୋଜିତ ହେଉଥିବା ଦୀପୋତ୍ସବ ପାଇଁ ସମଗ୍ର ଅଯୋଧ୍ୟା ନଗରୀକୁ ସଜାଯାଇଛି। ଏହି ସମୟ ମଧ୍ୟରେ ରାମଲାଲା ମଧ୍ୟ ତାଙ୍କର ଭିନ୍ନ ରଙ୍ଗରେ ରହିବେ। ରାମଲାଲା ପାଇଁଙ୍କ ଗୋଲାପୀ ରଙ୍ଗର ସ୍ୱତନ୍ତ୍ର ପୋଷାକ ପ୍ରସ୍ତୁତ କରାଯାଇଛି। ଆଲୋକର ପର୍ବ ପାଳିତ ହେବା ପୂର୍ବରୁ ହନୁମାନଗଢି ଠାରେ ଅଖଣ୍ଡ କୀର୍ତ୍ତନ କରୁଥିବା ସାଧୁସନ୍ଥଙ୍କ ମଧ୍ୟରେ ଦୀପାବଳିକୁ ନେଇ ବହୁତ ଉତ୍ସାହ ରହିଛି। ଏଥର ଦୀପୋତ୍ସବ ଅବସରରେ ଅଯୋଧ୍ୟା ସ୍ଥିତ ୫୧ ଘାଟକୁ ୨୪ ଲକ୍ଷ ଦୀପ ସହିତ ସଜାଇବା କାର୍ଯ୍ୟ ଆରମ୍ଭ ହୋଇଛି।

ଚଳିତ ବର୍ଷ ରାଜ୍ୟର ପ୍ରମୁଖ ଧାର୍ମିକ ସହର ଅଯୋଧ୍ୟା ଠାରେ ଅନୁଷ୍ଠିତ ହେଉଥିବା ଥିବା ଦୀପୋତ୍ସବ ସମ୍ପର୍କରେ ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ନେତୃତ୍ୱରେ ଗୁରୁତ୍ୱପୂର୍ଣ୍ଣ ବୈଠକ ଅନୁଷ୍ଠିତ ହୋଇଥିଲା। ଏହି ଅବସରରେ, ସେ ଦୀପୋତ୍ସବ କାର୍ଯ୍ୟକ୍ରମ ଆୟୋଜନ ସହ ଜଡ଼ିତ ବିଭିନ୍ନ ଗୁରୁତ୍ୱପୂର୍ଣ୍ଣ ପ୍ରସଙ୍ଗରେ ସରକାର ଏବଂ ପ୍ରଶାସନିକ ଅଧିକାରୀଙ୍କୁ ଆବଶ୍ୟକ ନିର୍ଦ୍ଦେଶ ଦେଇଥିଲେ। ମୁଖ୍ୟମନ୍ତ୍ରୀ ଯୋଗୀ କହିଛନ୍ତି ଯେ ଆଇନ ଶୃଙ୍ଖଳା ପରିସ୍ଥିତି ଦୃଷ୍ଟିରୁ ଦୀପାବଳି ସମୟ ଅଯୋଧ୍ୟା ପାଇଁ ବେଶ ସମ୍ବେଦନଶୀଳ। ଏନେଇ ଆମକୁ ନିରନ୍ତର ସତର୍କ ରହିବାକୁ ହେବ। ପ୍ରତିବର୍ଷ ଭଳି ଏଥର ମଧ୍ୟ ନଭେମ୍ବର ୭ ତାରିଖରୁ ଆରମ୍ଭ ହୋଇଥିବା ଦୀପୋତ୍ସବ ଶାନ୍ତି ଏବଂ ସୌହାର୍ଦ୍ଦ୍ୟ ମଧ୍ୟରେ ଆୟୋଜିତ କରାଯାଉ। ଯାହା ଦ୍ୱାରା ସ୍ଥାନୀୟ ଆବଶ୍ୟକତାକୁ ଦୃଷ୍ଟିରେ ରଖି ସମସ୍ତ ଆବଶ୍ୟକୀୟ ପ୍ରୟାସ କରାଯିବା ଆବଶ୍ୟକ। ଉତ୍ତେଜନା କିମ୍ବା ବିବାଦ ସୃଷ୍ଟି କରୁଥିବା ଭଳି ବିବୃତ୍ତି ପ୍ରଦାନ କରୁଥିବା ବ୍ୟକ୍ତିଙ୍କ ପ୍ରତି ଶୂନ୍ୟ ସହନଶୀଳତା ନୀତି ସହିତ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ଆଇନ ଶୃଙ୍ଖଳା ପରିସ୍ଥିତି ନଷ୍ଟ କରିବାକୁ ଚେଷ୍ଟା କରୁଥିବା ଅସାମାଜିକ ତତ୍ତ୍ୱ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। 

ଅଯୋଧ୍ୟା ଦୀପୋତ୍ସବ ନିଜର ମହାନତା ସହିତ ସୃଷ୍ଟି କରିଛି ପରିଚୟ
ମୁଖ୍ୟମନ୍ତ୍ରୀ ଯୋଗୀ କହିଛନ୍ତି ଯେ ଦୀପାବଳି ଅବସରରେ ଅଯୋଧ୍ୟା ଠାରେ ଆୟୋଜିତ ହେଉଥିବା ଦୀପୋତ୍ସବ କାର୍ଯ୍ୟକ୍ରମ ଏହାର ମହାନତା ପାଇଁ ସମଗ୍ର ବିଶ୍ୱରେ ସ୍ୱୀକୃତି ଲାଭ କରିଛି। ଏଭଳି ପରିସ୍ଥିତିରେ ସମାରୋହର ସମ୍ମାନକୁ ଦୃଷ୍ଟିରେ ରଖି ସମସ୍ତ ପ୍ରସ୍ତୁତି କରାଯିବା ଆବଶ୍ୟର। ଗତ ୨୦୧୭ ପର ଠାରୁ ପ୍ରତିବର୍ଷ ଆୟୋଜିତ ହେଉଥିବା ଦୀପୋତ୍ସବ ଏକ ନୂତନ ରେକର୍ଡ ସୃଷ୍ଟି କରୁଛି। ଚଳିତ ବର୍ଷର ଦୀପୋତ୍ସବରେ ୨୧ ଲକ୍ଷ ଦୀପ ସହିତ ଆଲୋକିତ ହୋଇଉଠିବ ଅଯୋଧ୍ୟା। ଏନେଇ ଦୀପ, ତେଲ, ବତୀ, ସ୍ଥାନ, ସ୍ୱେଚ୍ଛାସେବୀଙ୍କ ପାଇଁ ଉପଯୁକ୍ତ ବ୍ୟବସ୍ଥା କରାଯିବା ଆବଶ୍ୟକ। 

୪ ଦେଶ ଏବଂ ୨୪ ପ୍ରଦେଶରେ ମଞ୍ଚସ୍ଥ ହେବ ରାମଲୀଳା
ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ କହିଛନ୍ତି ଯେ ଦୀପୋତ୍ସବ ଆମର ସନାତନ ପରମ୍ପରାର ଏକ ଅବିଚ୍ଛେଦ୍ୟ ଅଙ୍ଗ। ୧୪ ବର୍ଷ ବନବାସରେ ରହିବା ପରେ ପ୍ରଭୁ ଶ୍ରୀରାମ, ମାତା ସୀତା ଏବଂ ଲକ୍ଷ୍ମଣଙ୍କ ଅଯୋଧ୍ୟା ଫେରିବାର ପବିତ୍ର ସ୍ମୃତିର ସ୍ୱରୂପ ହେଉଛି ଦୀପାବଳି। ଅଯୋଧ୍ୟା ଦୀପୋତ୍ସବରେ ଭଗବାନ ଶ୍ରୀରାମଙ୍କ ଅଯୋଧ୍ୟା ପ୍ରତ୍ୟାବର୍ତ୍ତନ, ଭାରତ ମିଳାପ, ଶ୍ରୀରାମଙ୍କ ରାଜ୍ୟଭିଷେକ ଭଳି ଘଟଣାର ପ୍ରତୀକାତ୍ମକ ଚିତ୍ରଣ କରାଯିବ। ଏହି ଅବସରରେ ସରୟୁ ନଦୀ କୂଳରେ ଆରତୀ ମଧ୍ୟ ପରିବେଷଣ କରାଯିବ। ବିଶ୍ୱର ୪ ଦେଶ ଏବଂ ୨୪ ପ୍ରଦେଶର ରାମଲୀଳା ମଞ୍ଚସ୍ଥ ହେବେ। ଏହି ଘଟଣା ଉପରେ ସମଗ୍ର ବିଶ୍ୱର ନଜର ରହିଛି। ଏହାର ମହାନତାରେ କୌଣସି ଅଭାବ ନ ରହିବା ଆବଶ୍ୟକ। ଦୀପୋତ୍ସବ ଦେଖିବାକୁ ବହୁ ସଂଖ୍ୟାରେ ଭକ୍ତ ଅଂଶଗ୍ରହଣ କରିବେ।