Antarctica: ਸਿੱਖੇ ਜੋੜੇ ਨੇ ਅੰਟਾਰਟਿਕਾ ਦੀ ਚੋਟੀ ਮਾਊਂਟ ਵਿਨਸਨ 'ਤੇ ਲਹਿਰਾਇਆ ਨਿਸ਼ਾਨ ਸਾਹਿਬ; ਹਰਸਿਮਰਤ ਬਾਦਲ ਦਿੱਤੀ ਵਧਾਈ

Antarctica:  ਸਿੱਖ ਜੋੜੇ ਹਰਪ੍ਰੀਤ ਸਿੰਘ ਚੀਮਾ ਤੇ ਨਵਨੀਤ ਕੌਰ ਚੀਮਾ ਨੇ ਅੰਟਾਰਕਟਿਕਾ ਵਿੱਚ ਸਥਿਤ ਸਭ ਤੋਂ ਉੱਚੀ ਚੋਟੀ ਮਾਊਂਟ ਵਿਨਸਨ ਦੀ ਚੜ੍ਹਾਈ ਸਰ ਕੀਤੀ ਅਤੇ ਇਸਦੇ ਸਿਖਰ 'ਤੇ ਨਿਸ਼ਾਨ ਸਾਹਿਬ ਲਹਿਰਾਇਆ।

ਬਠਿੰਡਾ ਤੋਂ ਸੰਸਦ ਮੈਂਬਰ ਹਰਸਿਮਰਤ ਕੌਰ ਬਾਦਲ ਨੇ ਦੋਵਾਂ ਨੂੰ ਵਧਾਈਆਂ ਦਿੱਤੀਆਂ। ਇਸ ਜੋੜੇ ਦੀ ਸਾਹਸੀ ਭਾਵਨਾ, ਜੋ ਪਹਿਲਾਂ ਵੀ ਮਾਊਂਟ ਐਵਰੈਸਟ ਦੀ ਚੜ੍ਹਾਈ ਕਰ ਚੁੱਕੀ ਹੈ, ਭਾਈਚਾਰੇ ਲਈ ਪ੍ਰੇਰਨਾ ਹੈ।

ਇਹ ਪਹਿਲਾ ਵਿਆਹੁਤਾ ਸਿੱਖ ਜੋੜਾ ਹੈ ਜਿਸ ਨੇ ਮਿਸ਼ੀਗਨ ਤੋਂ ਆ ਕੇ ਮਾਊਂਟ ਐਵਰੈਸਟ ਚੋਟੀ ਉੱਤੇ ਪਹੁੰਚ ਕੇ ਨਿਸ਼ਾਨ ਸਾਹਿਬ ਲਹਿਰਾਇਆ ਹੈ। ਕਾਬਿਲੇਗੌਰ ਹੈ ਕਿ ਹਰਪ੍ਰੀਤ ਅਤੇ ਨਵਨੀਤ ਚੀਮਾ ਸਾਲ 2019 ਤੋਂ ਪਹਾੜੀਆ ਉੱਤੇ ਚੜ੍ਹ ਰਹੇ ਹਨ। “ਨਵਨੀਤ ਕੌਰ ਚੀਮਾ ਅਤੇ ਹਰਪ੍ਰੀਤ ਸਿੰਘ ਚੀਮਾ ਨੇ ਮਿਸ਼ੀਗਨ ਤੋਂ ਮਾਊਂਟ ਐਵਰੈਸਟ ਉਤੇ ਚੜ੍ਹਨ ਵਾਲੇ ਪਹਿਲੇ ਵਿਆਹੁਤਾ ਜੋੜੇ ਵਜੋਂ ਇਤਿਹਾਸ ਰਚਿਆ।

ਇਹ ਵੀ ਪੜ੍ਹੋ : Gurpreet Gogi Cremation: ਵਿਧਾਇਕ ਗੁਰਪ੍ਰੀਤ ਸਿੰਘ ਗੋਗੀ ਪੰਜ ਤੱਤਾਂ 'ਚ ਵਿਲੀਨ; ਸੀਐਮ ਭਗਵੰਤ ਮਾਨ ਹੋਏ ਦੁੱਖ 'ਚ ਸ਼ਰੀਕ

ਸਿੱਖ ਜੋੜੇ ਨੇ ਵੀ ਅਜਿਹਾ ਕੁਝ ਕੀਤਾ ਜੋ ਪਹਿਲਾਂ ਕਦੇ ਨਹੀਂ ਹੋਇਆ। ਉਨ੍ਹਾਂ ਨੇ ਨਿਸ਼ਾਨ ਸਾਹਿਬ ਨੂੰ ਦੁਨੀਆ ਦੇ ਸਿਖਰ ਦੀਆਂ ਚੋਟੀਆਂ ਵਿਚੋਂ ਇੱਕ ਉਤੇ ਲਹਿਰਾਇਆ। ਜੋੜੇ ਨੇ ਹੁਣੇ ਹੀ ਆਪਣੀ 19ਵੀਂ ਵਰ੍ਹੇਗੰਢ ਮਨਾਈ ਅਤੇ ਕਿਹਾ ਕਿ ਪਹਾੜ 'ਤੇ ਸਿੱਖੇ ਸਬਕ ਉਨ੍ਹਾਂ ਦੇ ਵਿਆਹ ਨੂੰ ਮਜ਼ਬੂਤ ​​ਕਰਦੇ ਹਨ। ਨਵਨੀਤ ਨੇ ਕਿਹਾ ਹੈ ਕਿ ਮੈਨੂੰ ਲੱਗਦਾ ਹੈ ਕਿ ਤੁਹਾਨੂੰ ਇਹ ਫੈਸਲਾ ਕਰਨਾ ਪਏਗਾ ਕਿ ਕੀ ਮਹੱਤਵਪੂਰਨ ਹੈ।

ਹਰਪ੍ਰੀਤ ਸਿੰਘ (ਹੈਰੀ ਚੀਮਾ), ਲੁਧਿਆਣਾ ਦਾ ਰਹਿਣ ਵਾਲਾ, ਗੁਰੂ ਨਾਨਕ ਦੇਵ ਇੰਜੀਨੀਅਰਿੰਗ ਕਾਲਜ (ਇਲੈਕਟ੍ਰੀਕਲ ਇੰਜੀਨੀਅਰਿੰਗ ਆਨਰਜ਼ ਗ੍ਰੈਜੂਏਟ, 1994-1998) ਦੇ ਸਾਬਕਾ ਵਿਦਿਆਰਥੀ ਹਨ।

ਹਾਲਾਂਕਿ ਹੁਣ ਉਹ ਅਮਰੀਕਾ 'ਚ ਸੈਟਲ ਹੈ। ਉਹ ਵਰਤਮਾਨ ਵਿੱਚ ਐਨ ਆਰਬਰ, ਮਿਸ਼ੀਗਨ ਵਿੱਚ ਸਥਿਤ ਇੱਕ ਪ੍ਰਮੁੱਖ ਯੂਐਸ ਹਸਪਤਾਲ ਅਤੇ ਸਿਹਤ ਸੰਭਾਲ ਕੰਪਨੀ ਲਈ ਰਣਨੀਤੀ ਦੇ ਉਪ ਪ੍ਰਧਾਨ ਵਜੋਂ ਤਾਇਨਾਤ ਹਨ। ਉਨ੍ਹਾਂ ਦੀ ਪਤਨੀ ਨਵਨੀਤ ਕੌਰ ਚੀਮਾ, ਐਕਸਪੀਡੀਆ, ਇੰਕ. ਦੇ ਸੀ.ਈ.ਓ. ਵਿਚ ਸਾਇੰਸ ਇੰਜੀਨੀਅਰ ਵਜੋਂ ਤਾਇਨਾਤ ਹਨ। ਉਹ ਦੋਵੇਂ ਪਰਬਤਾਰੋਹੀ ਤੇ ਚੜ੍ਹਾਈਆਂ ਚੜ੍ਹਨ ਦੇ ਸ਼ੌਕੀਨ ਹਨ।