കോഴിക്കോട്: DRI ഉദ്യോഗസ്ഥര്‍ക്ക് നേരെ സ്വര്‍ണക്കടത്ത് സംഘത്തിന്‍റെ വധശ്രമം. കരിപ്പൂരില്‍ വാഹനം തടയാന്‍ ശ്രമിച്ച ഉദ്യോഗസ്ഥര്‍ക്ക് നേരെയായിരുന്നു ആക്രമണം. വിമാനത്താവളത്തിനു സമീപത്ത് വച്ചാണ് സംഘത്തെ ഇടിച്ചു തെറിപ്പിച്ചത്.
Gold smuggling case: സ്വപ്നയുടെ മൊഴി ചോർത്തിയത് കസ്റ്റംസിൽ നിന്ന്..!
പരിശോധനയ്ക്കായി കൈ കാണിച്ചപ്പോള്‍ കാറിലെത്തിയ സംഘത്തെ ആദ്യം വേഗം കുറച്ചെങ്കിലും DRI ഉദ്യോഗസ്ഥരാണെന്ന് മനസിലായപ്പോള്‍ ബൈക്ക് തട്ടിത്തെറിപ്പിച്ച് മുന്നോട്ട് പോകുകയായിരുന്നു. നജീബ്, ആല്‍ബര്‍ട്ട് എന്നീ ഉദ്യോഗസ്ഥര്‍ക്ക് അപകടത്തില്‍ പരിക്കേറ്റു.
സ്വർണ്ണക്കടത്ത് കേസിലെ പ്രതി റമീസിന് ലഹരി മരുന്ന് കേസിലും ബന്ധം..!
കരിപ്പൂരില്‍ വിമാനമിറങ്ങിയ സംഘമാണ് ആക്രമണത്തിനു പിന്നിലെന്നാണ് സൂചന. നിയന്ത്രണം വിട്ട കാര്‍ അപകടത്തില്‍പ്പെടുകയും ചെയ്തു. സ്വര്‍ണക്കടത്ത് കേസിലെ രണ്ട് പേര്‍ പിടിയിലായി. കാറിലുണ്ടായിരുന്ന മറ്റുള്ളവര്‍ രക്ഷപ്പെട്ടു. കാറില്‍ നിന്ന് സ്വര്‍ണം പിടിച്ചെടുത്തെങ്കിലും തൂക്കം തിട്ടപ്പെടുത്തിയിട്ടില്ല.
