TV actress Tunisha Sharma's suicide: ടെലിവിഷന്‍ താരം തുനിഷ ശര്‍മ്മയുടെ ആത്മഹത്യയില്‍ വൻ ട്വിസ്റ്റ്. സഹതാരം ഷീസാൻ മുഹമ്മദ് ഖാനെ പോലീസ് അറസ്റ്റു ചെയ്തു. ആത്മഹത്യാ പ്രേരണകുറ്റം ചുമത്തിയാണ് ഇയാളെ പോലീസ് അറസ്റ്റു ചെയ്തത്. റിപ്പോർട്ടുകളുടെ അടിസ്ഥാനത്തിൽ ഇവർ തമ്മിൽ പ്രണയത്തിലായിരുന്നുവെന്നും ആ ബന്ധം തകർന്നതാണ് നടിയെ ആത്മഹത്യ ചെയ്യാൻ പ്രേരിപ്പിച്ചതെന്നുമാണ്.
Also Read: Tunisha Sharma: നടി തുനിഷ ശർമ്മയെ മരിച്ച നിലയിൽ കണ്ടെത്തി
തുനിഷയുടെ അമ്മ നൽകിയ പരാതിയുടെ അടിസ്ഥാനത്തിലാണ് ഷീസനെ പോലീസ് അറസ്റ്റു ചെയ്തത്. നടി അഭിനയിച്ചിരുന്ന അലി ബാബ: ദസ്താന്‍-ഇ-കാബൂള്‍ എന്ന ടിവി ഷോയിലെ സഹനടനായിരുന്നു ഇയാൾ. ഇയാള്‍ക്കെതിരെ ഇന്ത്യന്‍ ശിക്ഷാ നിയമത്തിലെ (IPC) സെക്ഷന്‍ 306 പ്രകാരമാണ് കേസ് രജിസ്റ്റര്‍ ചെയ്തിരിക്കുന്നത്. ഇരുവരും തമ്മില്‍ പ്രണയത്തിലായിരുന്നുവെന്നും ബന്ധം അവസാനിപ്പിച്ചത് ആത്മഹത്യക്ക് കാരണമായെന്നുമാണ് പ്രാഥമിക നിഗമനം. ഷീസനെ ഇന്ന് കോടതിയില്‍ ഹാജരാക്കും. നടിയുടെ മരണം ആത്മഹത്യയായിരുന്നുവെന്നാണ് പ്രാഥമിക നിഗമനമെങ്കിലും മരണത്തിന്റെ എല്ലാ സാധ്യതകളും അന്വേഷിക്കുമെന്നും പോലീസ് അറിയിച്ചു. ഇൻസ്റ്റായിൽ സജീവമായിരുന്ന തുനിഷ മരിക്കുന്നതിന് മണിക്കൂറുകൾക്ക് മുൻപ് ഷൂട്ടിങ് സെറ്റിൽ നിന്നുമുള്ള ചിത്രങ്ങൾ പങ്കുവെച്ചിരുന്നു. ഷീസാനുമായുള്ള ചിത്രങ്ങളും നടി നേരത്തെ ഇൻസ്റ്റാഗ്രാമിൽ പങ്കുവെച്ചിരുന്നു.
Also Read: പുതുവർഷത്തിൽ ഈ 4 രാശിക്കാർ മിന്നി തിളങ്ങും, ലഭിക്കും വൻ ധനലാഭം!
അലി ബാബ: ദസ്താന്‍-ഇ-കാബൂള്‍ എന്ന ടിവി ഷോയുടെ ചിത്രീകരണത്തിലായിരുന്ന നടി കഴിഞ്ഞ ദിവസമാണ് ഷൂട്ടിംഗ് സെറ്റിലെ മേക്കപ്പ് മുറിയിലെ ഫാനില്‍ തൂങ്ങി മരിച്ച നിലയില്‍ കണ്ടെത്തിയത്. ഷൂട്ടിംഗിനിടെ മേക്കപ് റൂമിലേക്ക് പോയ താരത്തെ കാണാതിരുന്നപ്പോൾ തിരഞ്ഞെത്തിയ അണിയറ പ്രവര്‍ത്തകരാണ് തുനിഷയെ തൂങ്ങി മരിച്ച നിലയില്‍ കണ്ടെത്തിയത്. ഉടന്‍തന്നെ താരത്തെ ആശുപത്രിയിലെത്തിച്ചെങ്കിലും രക്ഷിക്കാനായില്ല. മൃതദേഹം ഇപ്പോഴും ആശുപത്രിയിൽ സൂക്ഷിച്ചിരിക്കുകയാണ്. പോസ്റ്റുമോർട്ടത്തിന് ശേഷം മൃതദേഹം ബന്ധുക്കൾക്ക് വിട്ടുകൊടുക്കും. ബാലതാരമായി ഭിനയം തുടങ്ങിയ തുനിഷ കത്രീന കൈഫ്, വിദ്യാ ബാലന്‍ തുടങ്ങിയ താരങ്ങള്‍ക്കൊപ്പം അഭിനയിച്ചിട്ടുണ്ട്. ഫിത്തൂര്‍ എന്ന ചിത്രത്തിലൂടെയായിരുന്നു അരങ്ങേറ്റം. ഫിത്തൂര്‍, ബാര്‍ ബാര്‍ ദേഖോ എന്നീ ചിത്രങ്ങളില്‍ കത്രീന കൈഫിന്റെ ചെറുപ്പകാലം തുനീഷ അഭിനയിച്ചിട്ടുണ്ട്.
