Health News: ഈ 5 കാര്യങ്ങള്‌ ചെയ്യൂ..! നാൽപതിലും ചെറുപ്പം നിലനിർത്താം

Do these 5 things for stay Healthy: ഇനി പറയുന്ന 5 കാര്യങ്ങൾ ചെയ്താൽ ഏതു പ്രായത്തിലും ഇരുപതിലെ ചുറുചുറുക്കോടേയും തിളക്കത്തോടേയും ഇരിക്കാം.

പ്രായം വെറും നമ്പറല്ലേ...! എന്നൊക്കെ പറഞ്ഞാലും പലർക്കും പ്രായം കൂടുമ്പോൾ ടെൻഷൻ ആണ്. 30 കഴിഞ്ഞാൽ തന്നെ തന്റെ ജവിതത്തിലെ നല്ല പ്രായം കഴിഞ്ഞുവെന്ന് ചിന്തിക്കുന്നവർ. അപ്പോ്‍ പിന്നെ നാൽപതുകളിലെത്തിയവരുടെ കാര്യം പറയേണ്ടതില്ലല്ലോ.. പ്രായത്തിന്റെ വലുപ്പം നമ്മുടെ മനസ്സിനെയും ശരീരത്തിനേയും ബാധിക്കാത്ത കാലത്തോളം അതൊരു വലിയ പ്രശ്നമായി മാറുന്നില്ല. നമ്മുടെ ശരീരത്തെ പ്രായത്തിൻെ ലക്ഷണങ്ങൾ ബാധിക്കാൻ ഒരു പരിധി വരെ അനുവധിക്കുന്നത് നമ്മൾ തന്നെയാണ്. നമ്മുടെ ചിട്ടയില്ലായ്മ. എന്നാൽ ഇനി പറയുന്ന 5 കാര്യങ്ങൾ ചെയ്താൽ ഏതു പ്രായത്തിലും ഇരുപതിലെ ചുറുചുറുക്കോടേയും തിളക്കത്തോടേയും ഇരിക്കാം.

1. വ്യായാമം

30 കളിലും 40 കളിലും ശരീരത്തിന്റെ ആകൃതി നിലനിർത്തുന്നത് വളരെ പ്രധാനമാണ്. ദിവസവും വ്യായാമം ചെയ്യുന്നത് തീർച്ചയായും ഇതിന് സഹായിക്കും. 35 വയസ്സ് കഴിഞ്ഞാൽ പ്രമേഹം, രക്തസമ്മർദ്ദം തുടങ്ങി നിരവധി പ്രശ്നങ്ങൾ വരുന്നു. വ്യായാമം ചെയ്യുന്നത് ഇത്തരം രോഗങ്ങളെ തടയാനും ശരീരത്തെ കരുത്തോടെ നിലനിർത്താനും സഹായിക്കുന്നു. ഓട്ടം, നടത്തം, നൃത്തം, സുംബ വ്യായാമങ്ങൾ ശരീരത്തിലെ എന്നിവ ശരീരത്തിലെ പേശികളെ ബലപ്പെടുത്തുന്നു. സമ്മർദ്ദം കുറയ്ക്കാനും ഇവ സഹായിക്കുന്നു. അതുകൊണ്ട് തന്നെ ശരീരത്തിന് എന്നും യുവത്വം നിലനിർത്താൻ വ്യായാമം ചെയ്യുന്നതാണ് നല്ലത്. 

2. ചർമ്മ സംരക്ഷണം

ചെറുപ്പത്തിൽ നമ്മുടെ ചർമ്മത്തെ സംരക്ഷിക്കാൻ നമ്മൾ ചെയ്യുന്നതെന്തും, നമ്മൾ പ്രായമാകുമ്പോഴും അത് തന്നെ ചെയ്യണം. 40 വയസ്സിനു മുകളിലുള്ള പലരും വിവാഹിതരായി ജീവിതത്തിൽ സ്ഥിരതാമസക്കാരാണ്. "ഇതിന് ശേഷം എനിക്കെന്ത്.." എന്ന ചിന്തയിൽ പലരും അവരുടെ ശരീരം ശ്രദ്ധിക്കുന്നതിൽ പരാജയപ്പെടുന്നു. പക്ഷേ, എന്നും ചെറുപ്പമായി തുടരാൻ, നമ്മുടെ ശരീരത്തെയും മനസ്സിനെയും പരിപാലിക്കേണ്ടതുണ്ട്. നമുക്ക് ചർമ്മ സംരക്ഷണത്തിൽ നിന്ന് ആരംഭിക്കാം. വെയിലത്ത് പോകുന്നതിന് മുമ്പ് സൺ സ്‌ക്രീൻ പുരട്ടുക, വീട്ടിലായിരിക്കുമ്പോൾ ഫേസ് പാക്ക് പുരട്ടുക എന്നിങ്ങനെ പല കാര്യങ്ങളും നമുക്ക് പിന്തുടരാവുന്നതാണ്. ഇടയ്ക്കിടെയുള്ള മസാജ് അല്ലെങ്കിൽ ഫേഷ്യൽ നിങ്ങളുടെ മുഖത്തിന് തിളക്കം നൽകും. ഇത് പ്രായാധിക്യത്തെ ഒഴിവാക്കുകയും ചെയ്യുന്നു. 

3 വിശ്രമം

എല്ലാ പ്രായത്തിലുമുള്ള ആളുകൾക്ക് വിശ്രമം സാധാരണമാണ്. പ്രായത്തിനനുസരിച്ച് വിശ്രമ സമയം വ്യത്യാസപ്പെടാം. 8 മണിക്കൂർ ഉറക്കം എല്ലാവർക്കും അത്യാവശ്യമാണ്. 40 വയസ്സ് കഴിഞ്ഞവർ ശരീരത്തിന് ആവശ്യമുള്ളത്ര ഉറങ്ങണം. നല്ല ഉറക്കം ശരീരത്തിനും മനസ്സിനും ഉന്മേഷം നൽകുന്നു. ഹോർമോണുകൾ സ്രവിക്കുകയും ശരീരത്തിലെ കലകളെ പുനരുജ്ജീവിപ്പിക്കുകയും ചെയ്യുന്നു. ദിവസവും ഒരു നിശ്ചിത സമയത്ത് ഉറങ്ങാൻ ശരീരം ശീലമാക്കുന്നതാണ് നല്ലത്. നല്ല ഉറക്കം ചെറുപ്പം നിലനിർത്താൻ സഹായിക്കും. 

4. ജലാംശം

നമ്മുടെ ജീവിതത്തിൽ എളുപ്പത്തിൽ ലഭ്യമാകുന്ന അമൃതം ജലമാണ്. പ്രായഭേദമന്യേ, ശരീരത്തിലെ ജലാംശം നിലനിർത്തേണ്ടത് പ്രധാനമാണ്. ധാരാളം വെള്ളം കുടിക്കുന്നത് ശരീരത്തിന്റെ ആന്തരികാവയവങ്ങളുടെ പ്രവർത്തനം ശരിയായ രീതിയിൽ നിലനിർത്തുന്നു. കൂടാതെ ശരീരത്തിൽ ജലാംശം നിലനിർത്തുന്നത് മുഖത്തിന് തിളക്കം നൽകും. ദിവസവും 8 ഗ്ലാസ് വെള്ളം കുടിക്കുന്നത് ശീലമാക്കുക. ഇതോടൊപ്പം ജലസമൃദ്ധമായ പച്ചക്കറികളും പഴങ്ങളും കഴിക്കാം. 

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...

ios Link - https://apple.co/3hEw2hy